Nrpakxmrlz Kx Yr Jon 19:30 - Natqgu

³⁰ Kx abztrpz Jiszs waen kc, sc tqrpipele kx, “Nzwz-krnge yrkrpxpe.” X biole narde x sc tqrlrpe-ngrbzle mqngrde mz Gct mz nzbz-krde.

Nrpakxmrlz Kx Yr Jon 19:30 ပူးပေါင်းရင်းမြစ်များ

Sam 22:15

Mzli trnaboipeu nzbatr-krme nzbz-krnge. Murde mewe-zvzpex x drtwrnge brlxkz apule nabr kxngibr mz nepi.

Matiu 20:28

Ninge Mrlx Leplz. X kxmule-esz' ninge kxetu rmu, a' vz-ngrmc mz nrlc mz nzwztr-krbo mz leplz, a' trngiu leplz kx nawztrpqng bange. X vz-ngrmc nzrlrpx-krbo nzlu-krnge mz nzxpepx-krbo leplz kxnzkqlung mz zmatq ngr nzbzngr.”

Matiu 27:50

Zbz Jiszs netxpx-kato mou x sc tqrlrpe-ngrbzle mqngrde mz Gct.

Matiu 3:15

A' ayzlu-ngrbz Jiszs natqde kx, “Rlr-ngrbz kx nakxmupele lc mzli ka. Murde mz nzale-krgi da lc, dekc na-atutr-ngrgi me pnz drtwr Gct.” Zbz sc tqaolvzpebz Jon natqde.

Nrpakxmrlz Kx Yr Mak 15:37

Zbz Jiszs netxpx-kato mou x sc tqbzpe.

Nrpakxmrlz Kx Yr Luk 22:37

Murde Nzryrngrkxtr lc natutrp bange, krkc tqrpile kx, ‘Mz drtwr leplz, nide kzdq kz ncblo kx xpqbrlr-zvz-ngrde lou.’ X nzryrngr lc, ycpe pipz nzatutrngr.”

Nrpakxmrlz Kx Yr Luk 23:46

Jiszs kqtxpxbz mz Gct mz natqde kxetu, rpibzle kx, “Trtenge! Aprcbo mqngrnge mz mqm! X sc tqbzpe.

Nrpakxmrlz Kx Yr Jon 10:11

“Da angidrtx lc napibo bamu. Ninge kz Kxaclve-angidrle sip. Murde Kxaclve-angidrle sip rlrpx-lzbqngr mz nzbz-krde mz nzarlapx-krde sip nedeng.

Nrpakxmrlz Kx Yr Jon 10:18

Trpnzngr kx nanibqle ninge, a' ninge kx narlr-lzbq-ngrbz mz nznibq-krdr ninge. Murde rngiscnge zmatq ngr nzka-krbo nzlungr x nzrkatx-krngele. Krlc natq kx kam Trtenge bange kx na-angidax.”

Nrpakxmrlz Kx Yr Jon 17:4

Aelwapxpe-ngrbo mz lr nrlc nzmyalz-krm, mz nzayrkrpxpe-krnge nzwzngr amrlx kcng tqkame bange.

Nrpakxmrlz Kx Yr Jon 19:28

Jiszs krlzpele kx nzwz-krdeng amrlx kcng tqkabz Trtede yrkrpxpe. X mz nzatutr-krde Nzryrngrkxtr, sc tqrpipele kx, “Drtwrnge brlxkz.”

Nrpakxmrlz Kx Yr Jon 4:34

Rpim Jiszs kx, “Dakxnzng nange ngi nzale-krnge me pnz drtwr Gct kc tqatwzlr-ngrmle ninge, x nzayrkrpx-krnge nzwzngr lc.

Nzryr-krbz Pol Mz Lr Rom 10:4

Kc tqatutrpele bz ngr Loukxtr. X mz nztubq-krde mz nzvz-nqblq-angidr-krdele, leplz amrlx kcng tzlxngitilr nide nzkrlzlr nzprtr-kz-krdr mz nztubq-krde mz nzobqkr Gct.

Nzryr-krbz Pol Mz Lr Rom 3:25

Gct tubq-esz'ngr mzli kc x mzli ka. X nztubq-krde drtwr ngrde kx na-ayrplapxle kxnzaleng alwx, murde trpnzngr da kxtrka kx namcle. Gct aenzli-zpwxle nzvz-krm Mevalu Kraes mz nzayrplapx-krde leplz kcng pnz mz alwx ngrdrng. Murde yrlqle Mevalu mz nzngini-krde blz kx naxpepxle alwx amrlx ngr leplz amrlx kcng pnz, krkcng mzli ka x mzli kc navzm. X mz nzngini-krde blz kc, Jiszs katxde alwx ngr leplz kcng tzbrti drtwrdr mepyr ngrde mz nzbz-krde nidr, murde nakatx-kzle nzngyatikr drtwr Gct nidr. Dekc tqatubqti-ngrde nidr mz nzobqkr Gct. Gct tubq-esz'ngr murde ayrplapx-zpwxle alwx amrlx. X atubqtibzle mz nzobq-krde leplz kcng tzlxngitilr Jiszs. Delc Gct tqngi nou nztubqngr amrlx.

1 Korint 5:7

Mz drtwrgr, nigr lr Jiu, yisti ycmne-ebzpx-ngrde alwx. X mz nzvz-nqblq-krde nqmq krgr, katxpxkr yisti amrlx mz ma nyzgr, x sc tqakaputr-atemgr Nzamyangr mz nzngq-krgr bret kx trpnzngr yisti ngrde. X mzli ka nalqngi-kzamu, mz nzkatxpx-krmu kxnzaleng alwx mz nzyrlwr-krbzmu badr. Takitrde nzale-krmu da lc, murde Kraes alqngile nimu, mz nzngini-krde nei sip kx ngi blz kc tznibq mz nzarlapx-krde nigu mz zbq ngr Nzamyangr.

Filipae 2:8

X mz nzaelwapx-lzbq-krde apule ncblo, avzo-lzbq. X vz-nqblq-zvzle me pnz drtwr Gct, Kxmule-esz' nabz, Mz nzrtqlvztrngr nide mz kros.

Hibru 9:22

Murde mz nzvz-nqblq-krde Lou sc Mosis, doa x da amrlx nzatrpwz mz mepyr. X Gct ipqpxpwz alwx mz nzyrlekr mepyr mz nzbzngr.