Nrpakxmrlz Kx Yr Jon 17:17 - Natqgu

¹⁷ Alqngi nidr x atrbz nabzdr mz da angidr kx vzpxm mz natqm.

Nrpakxmrlz Kx Yr Jon 17:17 ပူးပေါင်းရင်းမြစ်များ

Sam 119:104

Okatr-zvzq ninge mz nzalvztr-krm murde nakrlzx nzti kxtubq. Delc tqmamwe-ngrne nqmq kx vz-rbr amrlx.

Sam 119:11

Abrtz-ngrne Nzryrngrkxtr Murde natubq-zvzbo mz nzobq-krm.

Sam 119:144

Vz zvz nzokatr-krm ninge nzmc-krnge Nztubq-zvzkr natqm, murde ma tqbzx.

Sam 119:160

X natqm mqngio mz da kxtubq. Delc drtwr amrlx kcng tqyrlqq nztubq-kzng.

Sam 119:9

Bzkq rlr-ngrme nzrlasz-krnge nim, Murde sa tqabzx nzwztr-krbo bam mz drtwr kxpq. Nzlolvz-amqngikr obla natqm okatrle nide Mz nztu-amqngi-krde mz nzmncngr kxtubq.

Sam 12:6

Yawe, abrtrpzkr drtwrgr mz natqm lcng, tqtubq tqlq. Murde nzopx-krdr apule silvz kc tzayrleni-ebirngr mz nyr.

Nrpakxmrlz Kx Yr Luk 8:11

Rpibz Jiszs kx, “Drtwr ngr nzycmne-ebzpxngr kc nide sele: Nra wit kcng tqarlx ncblo kc ngi natq Gct. Drtc' kc pwx ngi nqmq kr leplz.

Nrpakxmrlz Kx Yr Luk 8:15

Drtc' kxmrlz drtwr ngrde leplz kcng nabzdr tqmrlz x tzoliqtilr nzlxngiti-krdr natq Gct. Murde nztwzlr x nzlolvzlr mqngi, x nra nzrlxngiti-krdr yc-zvzbz, mz nzvectr-krmlr leplz mz Gct.”

Nrpakxmrlz Kx Yr Jon 15:3

X mz nqmq kcpwz, natqnge alqtile x okatrle nimu mz nzale-krmu da kxmrlz.

Nrpakxmrlz Kx Yr Jon 17:19

X rlr-lzbq-ngrbo bam murde navqti kz drtqdr nzrlr-lzbq-krbzlr.

Nrpakxmrlz Kx Yr Jon 8:40

Pi-zvzbo bamu da angidrng kx xlrtrpo mz nao Gct. A' rpiamu nanibq-ngrnamu ninge. Trngiu nqmq kr Ebraam lc tqwaiamu.

Aposol 15:9

Nike waisr-ngrde nidr trblepxu mz da kc tqwaisr-ngrde nigu. Murde alqngi-kzpzle nabzdr mz nzlxngiti-krdr Jiszs.

2 Korint 3:18

X mzli ka, nigu amrlx kcng tzrlxngiting krlzku nzmrlzkr nqmq kr Kxetu Jiszs, murde trpengr da kx akamrbr-ngrbzle nqmq nr drtwrgu. X mz nzaotikr drtwrgu Kxnzmcpx, Nzryrngrkxtr apule dzpq, kc tqaelwapx-ngrmle mqngrde bagu. X Mqngrkxtr tekqtr-ebir-ngrde nigu, mz nzapu-krgu Jiszs. X nzaelwapx-krgu nzmrlzkr nqmq krde sc tqetunepx zvz.

Efiszs 4:21

Murde mzli lc tqxlrpe-ngrnamu kx nzmnc-krmu navz-nqblq-zvzle natq angidr kc tqalvztrngr Jiszs.

Efiszs 5:26

Bz-ngrde nidr murde na-alqngile nidr mz lue ngr nzwrkxtrngr x mz nzlxngiti-krdr natqde.

2 Tesalonika 2:13

Mzlegrng x inwegrng, Gct mrlztile nimu. X abzo mzli kc tzwzngr nrlc, mcpxle nimu murde na-arlapxle nimu kalr. X arlapxle nimu murde lxngitiamu nzalvztrngr angidr x Mqngrkxtr atrle nimu. Mz nzmu-krde lcde, takitrde na-awi-zvz-ngrbzkr bade nimu.

Jemes 1:21

Mz nzmu-krde lcde, esablqtiamu da kx nzatrkatilr nabzmu x rtctx-ngrnamu nzngyatikr drtwrmu leplz mz nzmailz-krde nimu mz alwx. Avzo-lzbqamu mz nzlxngiti-krmu natq Gct kc tqayzuole mz nabzmu, murde natq lcng nzkrlzlr nzarlapxngr nimu.