Nrpakxmrlz Kx Yr Jon 16:20 - Natqgu

²⁰ Da angidrtx lc napibo bamu. Lr nrlc sa na-abrtzlvzlr da kc nawaisr-ngrdr ninge. A' drtwrmu sa navztx zlwz x nayrniamu. A' nzyrni-krmu sa nalrtipxle nzabrtz-zvz-krmu.

Nrpakxmrlz Kx Yr Jon 16:20 ပူးပေါင်းရင်းမြစ်များ

Sam 30:11

Alrtibzme nzyrnibu-krnge mz nzelalz-krm drtwrnge, Mz nztekqtr-krbzme nzvzkr drtwrnge mz nzabrtz-krnge.

Sam 30:5

Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.

Sam 97:11

Yawe amrlzle kxnztubqng, kx nabzdr lqngi. Murde na-abrtzlvzlr nzngini-krde Gct kxtr.

Matiu 21:38

A' mrlxde kc kx nzmc ncblo kcng tzrbilqng nrlanc kc le, sc tzrpi-etrpelr kx, ‘Mrlx kxetu kc tqrnginyz nrlanc ka nide kape. Nanibqpeku, murde da nyz trtede nangi nyzpegu.’

Matiu 5:4

“Ngi da kxmrlz nzvzkr drtwrmu, murde Gct sa na-amqtrpzle nabzmu.

Nrpakxmrlz Kx Yr Mak 14:72

X mzli kcpwz kio kc tqkya'pe mz nzwrde krali. X sc tqdcpxpe mz drtwr Pita nzrpi-krbz Jiszs bade kx, “Napibo bam, nzrpi-krm trkrlzwq ninge nzwrde natq, x natq kio krali kc ate.” Zbz Pita sc tqyrnitxpe, bztitxde nzyrningr.

Nrpakxmrlz Kx Yr Mak 16:10

Vz x sc tqpipebzle mz ncblo nedeng kcng drtwrdr tzvzbeng x tzyrning.

Nrpakxmrlz Kx Yr Luk 22:45

Kx tulzmle mz nzkrka'-krde, sc tqvzpebz mz ncblo nedeng x mcle kx nzmwing. Murde amwitxpeng drtwrdr kx vz.

Nrpakxmrlz Kx Yr Luk 22:62

Zbz Pita vzpxm mrkc tzlalvztr sc tqyrnitxpe, bztitxde nzyrningr, murde drtwrde vztx atwrnrngr.

Nrpakxmrlz Kx Yr Luk 23:27

Kzdq zbo ngr leplz kxetu nzvz-nqblqbzlr nide. Mz zbo ngr leplz kc, kzdung olvz sc tzneminebzlr nzyrnimi-krdr Jiszs.

Nrpakxmrlz Kx Yr Luk 24:17

Rpibz Jiszs badr kx, “?Nila tqpiamu nzvz-krmu la?” Nztu-lrpitxng, nzobqmitxdr drtwr kxvz.

Nrpakxmrlz Kx Yr Luk 24:21

Obqtipxkr kx nide Kxnzmcpx kc tqatwzlr-ngrm Gct mz nzarlapx-krde Israel. A' drtwrgr matxpe murde krlc zbq kratq mz nibr da kcng tqprtz.

Nrpakxmrlz Kx Yr Jon 16:33

Krlc tqpipx-pnz-ngrbo da lcng bamu, murde nabzmu naycngr nrwx, mz nzaxvctr-lzbq-krmamu bange. Kxmule-esz' lr nrlc sa na-atrkatilr nimu, a' bzkq mwxlramu, murde odatipex zmatq ngr Setzn mz nrlc.”

Nrpakxmrlz Kx Yr Jon 16:6

Murde drtwrmu vztx-zlwzpe mz nzpi-krbo bamu nzvzpe-krnge.

Nrpakxmrlz Kx Yr Jon 20:20

Mz nibr nzycmne-krmle bagr, sc tqaelwape-ngrmle nabzlvz r mqde x blrirde. Kx mc-krleng drtwrgr elatxlzm.

Aposol 5:41

Aposol kcng nzdwaszlr Kansrl kc. Tzabrtzlvzlr nzrlr-krbz Gct badr nzetqkr drtqdr mz nzvz-nqblq-krdr Jiszs.

Nzryr-krbz Pol Mz Lr Rom 5:11

X mou, mzli ka abrtzlvz-zvzku Gct mz nzmnc-lxblr-krgu badr mz nrwx, mz nzwzkr Kxetu rgu Jiszs Kxnzmcpx.

2 Korint 6:10

Nzavztibzlr drtwrgr, a' drtwrgr elalz-ngrmle Kxetu rgr. Kxmule-esz' trpnzngr scgr da, a' prtr-kzkr mz da kxmrlzting amrlx kx kam Gct bagr mz nzaxvctr-krbzkr mz Kxnzmcpx. X okatrkr leplz mz nzprtr-kz-krbzlr bade.

Galesia 5:22

A' nra Mqngrkxtr mz nabz leplz kcng tzvz-nqblqlr nide, nidr seleng: nivz, nzelalz-krm drtwr, nzmnczpwxngr, nzaenzli-zpwxngr, nzokatrngr, nzrmrlzngr, nzatukztrngr natq, nzvz-nrwxngr, x nzaclve-lzbqngr. X Lou sc Mosis tr-rpwa'-ngrdeu nzale-krmu da lcng.

1 Tesalonika 1:6

X nigr badr Kxetu kx ngibz lrpzki bamu kx navz-nqblqamu. Kxmule-esz' sc tzatrkatimu, a' sc tqlxngitiamu Nrpakxmrlz mz nzabrtzngr kx vzpxm mz Mqngrkxtr.

Jemes 1:2

Mzlengeng x inwengeng, mzli kznikeng nzprtz-ngrbz nzkxpungr bamu, na-abrtzlvzamung.

Nzryrkr Jud 1:24

Naglqpxku Yawe, Gct kc esz'txu, kc tqarlapxle nigu mz Kxetu rgu Jiszs Kxnzmcpx. Nide kc tqlolvz-amqngile nigu, murde ma tqtaoku mz alwx. X alqngile nabzgu, murde na-abrtz-ngrgu nztubq-krgu mzli kc tqvzmi-ngrde nigu mz nztutr-krbzku mz mzte, mz zluli rde Heven. Murde sc tqtakitrde nzangiongr, tqmyalz-esz'ngr, tqxplr-esz'ngr, x tqmatq-esz'ngr, da kc tqwai-pnzle mz noude, krlzmle mzli ka, x kxnamu-zvzpele lc, tqyc tqyc. Eu, angida. Delape. Ninge Jud.

Nzaelwapxngr 11:10

X lr nrlc sa na-abrtz-zlwz-ngrdr nzxlr-krdr nzbzkr profet lcng nzling. X sa nartrngzbzng nzmungr x narka-etrng da, murde profet lcng nzling kc tzaetqbzlr drtq lr nrlc.

Nzaelwapxngr 18:7

Leplz ngr taon kc, mz drtwrdr nzmyapx-esz'ngrng x trpnz-moungr kx apule nidr, x trpnzngr da kxtrka kx naprtzbz badr. Nzapulr srlx kc tqglqpx-lzbq mz nzrpi-krde kx, ‘Ninge Kwin mzli ka.’ A' nimu leplz nengeng, rtulrtr-ngrbzmu bade nzavzo-lzbq-krde. X srlx kc mz drtwrde abrtz zvz kz, mz nzrpi-krde kx, ‘Trnipc'u kxabzo kx yrni x drtwrde vz.’ A' kabzmu bade nzyrningr x nzvzkr drtwr.