Nrpakxmrlz Kx Yr Jon 15:25 - Natqgu

²⁵ Da lcng nzatutrlr natq kcng mz Nzryrngrkxtr, tqrpile kx, ‘Nzpxtxpx-krdr ninge trpnzngr noude.’”

Nrpakxmrlz Kx Yr Jon 15:25 ပူးပေါင်းရင်းမြစ်များ

Sam 109:3

Nzatrkati-krdr ninge trpnzngr noude, A' nzrpiting natq kx trmrlzu.

Sam 35:19

Leplz lcng nzpxtxpx-krdr ninge trpnzngr noude. Bzkq rlr-ngrbzme badr nzabrtzlvz-krdr nzkxpu-krngeng, X nzyrpalelvz-krdr nzvzkr drtwrnge.

Sam 69:4

Enqmi rngeng nzrpilr nanibqlr ninge murde nzxplr-zlwzng. X nzpxtxpx-krdr lc ninge trpnzngr noude. X nzkqlu-krdr nzmyaszpxlr nqnginarnge. Nzpokiatitrlr ninge mz nzrpi-krdr kx nakabo trau rde. ?A' myx kxnamu nzka-krbo trau r da kx tralewxu?!

Sam 7:4

?Myx kxmule, alebo dq da kxtrka mz kztengeng? ?O atrkatix dzbede negrng mz nzarlapx-krnge enqmi rgrng?

Matiu 10:8

X amrlzamu kxnzyagoxng x kxnzyc-ngrng lepz, x maszlrpx-ngrnamu drka', x alu-mouamu kxnzbzng. A' mz nzokatr-krmu nidr, bzkq rlxamu da, murde mz nzokatr-krnge nimu, da amrlx ka-nrbalqbo bamu.

Nrpakxmrlz Kx Yr Luk 24:44

Zbz rpibzle badr kx, “Da kcng ena lc tqpitibo mzli kc tqmncbe-ngrgu. Rpibo kx da kcng amrlx tzyrngr ninge mz Lou sc Mosis, mz nzryr-krdr profet, x mz Sam kcng, na-atutrng.”

Nrpakxmrlz Kx Yr Jon 10:34

Rpibz Jiszs badr kx, “Nzyro mz Nzryrngrkxtr kx rpibz Gct badr kzdung leplz kx nzapulr nide.

Nrpakxmrlz Kx Yr Jon 13:18

Jiszs rpi-mople bagr kx, “Trycmnetrwxu nimu amrlx ngrmu mz nzrpi-krbo kx nabzmu lqpe. Krlzx kx mcpxx nimu amrlx ngrmu. A' nzycmnekr Nzryrngrkxtr na-atutr, mz nzrpi-krde kx, ‘Mzli ka kztenge kc tqmukr ncdr, nipe-kzde enqmi rnge.’

Nrpakxmrlz Kx Yr Jon 19:36

Trnztavxi-ngrdru nanycde murde na-atutr Nzryrngrkxtr kc tqrpile kx, “Trpnzngr nrvr ngrdeng kx nztavxi.”

Nzryr-krbz Pol Mz Lr Rom 3:19

Krlzpeku kx nike pipx Loukxtr pibzle mz lr Jiu kcng tzmnclzbzng mz zmatq ngrde. Loukxtr pile natqdeng murde naopx kx mz nzobqkr Gct leplz amrlx nzvz-rbrng, kxmule-esz' lr Jiu o kxtrngiulrJiu, x takitrde Gct nzayrplapx-krde nidr. Dekc trpnzngr leplz kx narpile kx tubq mz nzobqkr Gct.

Nzryr-krbz Pol Mz Lr Rom 3:24

A' Gct naka-nrbalqbzle nzrlapxngr lc mz leplz amrlx, vzpxm mz zmrlz ngrde kxmyalz. Murde Mevalu Jiszs xpepxpele alwx ngr leplz amrlx mz nztekqtr-krde nidr mzli kc tqbz-ngrde nidr mz kros.

2 Korint 11:7

?Nike tqrpiamu mz drtwrmu kx trmrlzu trnzrtwz-krngeu dztumung mz nzyapwxtipx-krbo bamu Nrpakxmrlz? Murde apux Kraes mz nzavzo-lzbq-krnge murde naokatrx nimu, a' rpiamu kx trtakitrdeu ninge. A' tratrkatiwxu nimu mz da lcng.

Galesia 2:21

Lolvz-amqngix mz nivz lr Gct x zmrlz ngrde kxmyalz mz nike alepem Kraes bange. Murde nzmu nayzlu-mopwc mz nzalvztr-krnge kx navz-nqblqku Lou sc Mosis mz nzrlapxngr, drtwr ngrde kx nzbzkr Kraes ngi brmrda.”

2 Tesalonika 3:8

X mz nzmnc-krgr, xpe-zvzbzkr dakxnzng mz leplz. X wz-zvzkr mz zbq kang kqlu mz nzatatr-krmgr trau, murde drtqmu naopx x ma tqrkabzkr bamu nzwzngr kx naetunepxngr nzwz-krmu.

Nzaelwapxngr 21:6

Eu, kapupxpe! Murde ninge nou da amrlx x kx ayrkrpx da amrlx, x ninge kz kx ryzutr da amrlx x kx nzamrbrtx mou. Sa naka-nrbalqbo mz leplz kcng drtwrdr tzbrlxkzng, lue kx yrlelzm mz vaulz ngr nzlungr kxmrna, murde nalu-moung.

Nzaelwapxngr 22:17

Mqngrkxtr ncdr Olvz R Nei Sip nzrpibzlr bade kx, “Vzm!” X nekeng amrlx nzxlrlr natqde narpi-kzlr kx, “Vzm, kx Kxetu Jiszs!” Neke drtwrde brlxkz navzm, murde narmnq Lue ngr Nzlungr kx nzrka-nrbalq.