Nrpakxmrlz Kx Yr Jon 14:5 - Natqgu

⁵ Rpibz Tomas kx, “Kxetu, trkrlzkru mrkc navzkiq. ?Mz nzmu-krde lcde, myx kxnamu nakrlz-ngrgr lrpzki lc?”

Nrpakxmrlz Kx Yr Jon 14:5 ပူးပေါင်းရင်းမြစ်များ

Matiu 10:3

Filip, x Batolomiu (mrlx Tolmai, kc kzdq drtqde Natzniel), Tomas x ninge Matiu kc tqatakqti ena takes, (kzdq kz drtqnge Livae), x Jemes kc tqngi mrlx Alfizs, x Tadizs (kc tzrpi-kzpz Judzs), x

Nrpakxmrlz Kx Yr Mak 9:19

Jiszs rpibzle kx, “?Nike nawai-mopwc' bamu? Nzmnc-krbo bamu mzli boipe! A' trkrlzkalamu nzrlxngitingr x narmu kc tqmqngibe. Vzmimamu doa la bange.”

Nrpakxmrlz Kx Yr Luk 24:25

Zbz rpibz Jiszs badr kx, “Asa-zlwzamu nzyrplatitrkr narmu da, x asa-zlwz-kzamu nzlxngiti-krmu da kcng amrlx tzyrolr profet kcng bqnc mz nzycmnetr-krdr mz Kxnzmcpx.

Nrpakxmrlz Kx Yr Jon 11:16

Zbz Tomas, kc kzdq drtqde Lipxm, sc tqrpipemle bagr kx, “Navzku amrlx ngrgu badr, murde nabz-lxblrku badr.”

Nrpakxmrlz Kx Yr Jon 14:4

“X krlzamu mrkc navzkix x lrpzki rde.”

Nrpakxmrlz Kx Yr Jon 15:12

“Natqnge kx nayrlq-angidramu nide sele, ‘Mrlzti-lzbqamu da kc tqwai nzmrlzti-krnge nimu.’

Nrpakxmrlz Kx Yr Jon 16:5

“A' mzli ka nayzlupe-ngrbo mz Gct kc tqatwzlr-ngrmle ninge. X trpengr nzrpi-krmu kx, ‘?Navzn drlve?’