Nrpakxmrlz Kx Yr Jon 12:2 - Natqgu

² Nzrtrngztibzlr nzmu-ngrbz mz Jiszs. Lasarus nigr badr x leplz kcng tzwxbulz-kzng badr Jiszs mz tebol. A' Mata okatr mz nzakingr dakxnzng.

Nrpakxmrlz Kx Yr Jon 12:2 ပူးပေါင်းရင်းမြစ်များ

Matiu 26:6

Jiszs mnc mztea Betzni mz ma nyz kzdq kc ncblo drtqde Saemon. Ncblo lc amrlz Jiszs mzli kc mz lepz kx dwatibzle nide.

Nrpakxmrlz Kx Yr Mak 14:3

Jiszs mnc mztea Betzni mz ma nyz kzdq ncblo drtqde Saemon. Mrlx lc amrlz Jiszs mzli kc mz lepz kx dwatibzle nide. Mzli kc tqmungr Jiszs ma lcde, dwatrpz kc olvz. Twzbzle kc botol ngr tolo kx narncbr ngrde lqlwx x mnrte mrlz zlwz. Lvxlzle botol kc x sc tqaelupebzle nar Jiszs mz nzarmyalz-krde nide.

Nrpakxmrlz Kx Yr Luk 12:37

X mzli kc kxetu rdr navz-ngrmle, kxnzawz kcng na-abrtzng murde nzobq-pz'lilr x nzoliqpeng, kxmule-esz' na-aenzlilr nide krlzbzle aurnrlc o mzli kx boipx-mopwz! X kxetu rdr sa na-abrtzlvztx-kzle nidr. X sa narpibzle kx nawxbuo-kaing mz nzrka-krbzle nadr dakxnzng.

Nrpakxmrlz Kx Yr Luk 14:12

Zbz Jiszs kc tqrpipebzle mz ncblo kc tqrwzngr nzmungr kc kx, “Nzmu kx tqrwz-ngrn nzmungr, bzkq aveati-txpwzme leplz kx na-ayzlu-mopwzlr bam. Murde mz nzale-krm da lc, twzpeq mz nrlc ka da kxmrlz mz nzale-krm lc da kxmrlz.

Nrpakxmrlz Kx Yr Luk 22:27

Krkc tqwxbuo mz nzmungr myalzbz mz krkc tzawz. X kxmule-esz' ninge kxetu rmu, a' vz-ngrmc mz nrlc mz nzwztr-krbo mz leplz. Navz-nqblqamu ninge.

Nrpakxmrlz Kx Yr Luk 5:29

Zbz Livae wz-ngrbzle mz Jiszs kc nzmungr kxetu mz ma nyzde. Mz nzmu-lxblrngr kc ycbz ncblo kxnzatakqting takes kx nzyrkrmqng, x kzdung kz mou ncblo kx nqmq krdr trka mz nzobqkr leplz.

Nzaelwapxngr 3:20

Murde ninge la tqtutrp yz mz naonrx nyzmu, tqabctrpo mz nzaenzli-krnge nzvzmitr-krmu ninge. Doa kx xlrle natqnge x lvxpxmle naonrx bange, sa nadwatrpo ma nyzde mz nzmu-lxblr-krgr ncdr.