Nrpakxmrlz Kx Yr Jon 11:28 - Natqgu

²⁸ Mz nibr nzycmnekr Mata lc, sc tqyzlupe brma tqycmne-awapebz mz ilede Mxri. Rpibzle bade kx, “Kxakrlz vzpem, x rpile namcle nim.”

Nrpakxmrlz Kx Yr Jon 11:28 ပူးပေါင်းရင်းမြစ်များ

Matiu 26:18

Jiszs rpile kx navzbzng mz kzdq ncblo mzteadau x narpibzlr bade kx, “Kxakrlz ngrgr rpibzle bam kx, ‘Mzli kc tqmcpx Gct mz nzbz-krnge ycpe pipz nzkaputr-krmle. X sa namulvzkr badr ncblo nengeng Nzamyangr mz ma nyzm.’”

Nrpakxmrlz Kx Yr Mak 10:49

Jiszs kc tqtupe, tqrpipebzle mz leplz kx, “Kqlebzmu, navzm mrka.” Sc tzkqlepelr ncblo kc mzte tqkcba x tzrpipebzlr bade kx, “Tulzm x drtwrm naelalzm, murde nide la tqkqlemle nim!”

Nrpakxmrlz Kx Yr Mak 14:14

X kx tqkrlzbzmu la, ma kc nadwakitrle, rpibzmu mz ncblo kc tqrnginyz ma kc kx, ‘?Kxakrlz rpile nakrlzle myx me namnc-ngrdr badr ncblo nedeng mz nzmulvz-krdr Nzamyangr?’

Nrpakxmrlz Kx Yr Luk 22:11

X rpibzmu mz ncblo kc tqrnginyz ma kc kx, ‘Kxakrlz nakrlzle myx me namnc-ngrdr badr ncblo nedeng mz nzmulvz-krdr Nzamyangr.’

Nrpakxmrlz Kx Yr Jon 1:45

X Filip vz x rmctile Natzniel, sc tqrpipebzle bade kx, “Rmctipekr Kxnzmcpx kc tqyro Mosis mz Buk ngr Loukxtr x tzyr-kzlr profet. Ncblo lcde drtqde Jiszs, mrlx Josip ngr mztea Naszret.”

Nrpakxmrlz Kx Yr Jon 10:3

Ncblo kc tqaclve naonrx, lvxpxbzle naonrx mz kxaclve sip. X sip nedeng nzkrlzlr natqde mz nzkqle-krbzle drtqdr, x sc tqvzmipxpeleng.

Nrpakxmrlz Kx Yr Jon 11:20

Mata kx xlrle kx Jiszs kc navzm, sc tqvzpxpe mz nzrmcti-krde nide. A' Mxri mncpwz brma.

Nrpakxmrlz Kx Yr Jon 11:29

Kx xlr Mxri le, tutxlzm x sc tqvz-anipe mz nzrmcti-krde Jiszs,

Nrpakxmrlz Kx Yr Jon 11:30

mrkc tqaenzlibep, tqrmctingr Mata nide.

Nrpakxmrlz Kx Yr Jon 13:13

Rpimamu bange ninge Kxakrlz x Kxetu rmu, x da zpwxtx nzpi-krmamule.

Nrpakxmrlz Kx Yr Jon 20:16

Rpi-mopwz Jiszs bade kx, “Mxri!” Mxri kx lxlvr-mopwzle kc, sc tqglx-atele Jiszs. X rpile nakaplzle nide. X mz nzbilvz-krde nide, rpibzle kx, “Raboni!” Mz natq lr Jiu Raboni drtwr ngrde Kxakrlz rnge.

Nrpakxmrlz Kx Yr Jon 21:7

X sc tqrpipebo mz Pita kx, “Krlc Kxetu rgu.” X Saemon Pita sc tqkalzpemle lrpz scde x sc tqpe-zpwxpele, murde kalo txpwz mz nzwz-krdr. Zbz dwao mz lue, sc tqwrtrpebz mz Jiszs.

1 Tesalonika 5:11

Mz nzmu-krde lcde, apqtramu drtwrmu x axplr-lzbqamu da kc tqwaiamu mzli ka.

Hibru 12:12

Mz nzapu-krmu kxnzvong mz nzesangr lc, bzkq mqmu yangrnga x nanycmu rnrc. A' navo-zvzamu mz lrpzki angidr x naokatramu ncblo kxbxplo, murde ma tqtao. A' nanycde namrlz mou, murde na-ayrkrpx-kzle nzesangr lc.