Nrpakxmrlz Kx Yr Jon 1:44 - Natqgu

⁴⁴ Filip lc nide ncblo ngr Betsaeda, taon nyz Adru ncdr Pita.

Nrpakxmrlz Kx Yr Jon 1:44 ပူးပေါင်းရင်းမြစ်များ

Matiu 10:3

Filip, x Batolomiu (mrlx Tolmai, kc kzdq drtqde Natzniel), Tomas x ninge Matiu kc tqatakqti ena takes, (kzdq kz drtqnge Livae), x Jemes kc tqngi mrlx Alfizs, x Tadizs (kc tzrpi-kzpz Judzs), x

Matiu 11:21

Rpibz Jiszs kx, “Agrmplz nimu lr Korasin. X agrmplz kz nimu lr Betsaeda! Murde Gct sa na-ayrplapxle nimu. Trtekqtrwamuu nqmq nr drtwrmu, kxmule-esz' mcamu da kcng tqmatq tzalepxm mz taon nyzmu. A' lr Taea x lr Saedon kxnzmnc-mrbrng kxdrka'-ngrng nzmyaszpxlr nimu. Murde nzmu rkx lcng na-alepx-pnzmlr mz taon nyzdrng, lr mztea lcdeng nzmu nzpxi-pnzng dzlvq lrpz x nzrlung bq, ngi dalr nztekqtr-krdr nqmq nr drtwrdr.

Nrpakxmrlz Kx Yr Mak 6:45

Mzli lcde, Jiszs pibzle mz ncblo nedeng kx naprtzng mz bot x na-alilvckio-kailr mz nrlar dxbu kc tqycngr mztea Betsaeda, mzli kc tqatwzlr-ngrde leplz kcng mrnyzdr.

Nrpakxmrlz Kx Yr Mak 8:22

Mzli kc tzkrlzpe-ngrbzlr mztea Betsaeda, kzdung leplz nzvzmimlr kc ncblo kx mzte kcba mz Jiszs x nzyrnititrpzlr bade nzmaletr-krbzle drtqde.

Nrpakxmrlz Kx Yr Luk 10:13

Rpi-mopwz Jiszs kx, “Agrmplz nimu lr Korasin. X agrmplz kz nimu lr Betsaeda! Murde Gct sa na-ayrplapxle nimu. Trtekqtrwamuu nqmq nr drtwrmu kxmule-esz' mcamu da kcng tqmatq tzalepxm mz taon nyzmu. A' lr Taea x lr Saedon kxnzmnc-mrbrng kxdrka'-ngrng nzmyaszpxlr nimu. Murde nzmu rkx lcng na-alepx-pnzmle mz taon nyzdrng, e lr mztea lcdeng nzmu nzpxing dzlvq lrpz x nzrlung bq, ngi dalr nztekqtr-krdr nqmq nr drtwrdr.

Nrpakxmrlz Kx Yr Luk 6:14

Ncblo lcdeng nidr seleng: Saemon (yrlq-kzpzle drtqde Pita) x mzlede Adru, Jemes nidr mz mzlede Jon, Filip, Batolomiu, (kc kzdq kz drtqde Natzniel), Matiu, (kc kzdq kz drtqde Livae), Tomas, Jemes mrlx Alfizs, Saemon kc tqprtr ena mz dzbede kc tzrpilr namaszlrtxpx-ngrdr gzpman ngr Rom mz nzaclve-krdr Israel, Judzs mrlx Jemes, (kc tqngi kz drtqde Tadizs), x Judzs Iskariot, kc tqamwabzle Jiszs mz enqmi rdeng.

Nrpakxmrlz Kx Yr Luk 9:10

Aposol kcng sc tzyzlupemqng mz nzryapwxpx-krdr Nrpakxmrlz x nzamrlz-krdr leplz kxnzyagoxng, sc tzpipebzlr mz Jiszs da kcng amrlx tzalelr. Zbz sc tzvzpxpeng me esotrpz mz kzdq taon drtqde Betsaeda murde namnc-ngrdr esz'-krdr.

Nrpakxmrlz Kx Yr Jon 1:43

Nrlc kx ngrlxo-mopwzle, Jiszs sc tqaotipe drtwrde nzvz-krde Gzlili Provins, x sc tqvzpekr badr. Kx vzbzkr kc, sc tqrmctipele Filip, x sc tqrpipebzle bade kx, “Vz-nqblqm ninge!”

Nrpakxmrlz Kx Yr Jon 1:45

X Filip vz x rmctile Natzniel, sc tqrpipebzle bade kx, “Rmctipekr Kxnzmcpx kc tqyro Mosis mz Buk ngr Loukxtr x tzyr-kzlr profet. Ncblo lcde drtqde Jiszs, mrlx Josip ngr mztea Naszret.”

Nrpakxmrlz Kx Yr Jon 1:46

A' rpibz Natzniel kx, “?Elr, nzmu Naszret mztea lc tqtopwzne naprpx-ngrm da kxmrlz?” Rpibz Filip kx, “Eu, a' vzm x mc kz mz mzpq.”

Nrpakxmrlz Kx Yr Jon 1:48

Natzniel kc tqveapebz, rpibzle kx, “?Myx kxmu nzkrlz-krm ninge?” Rpibz Jiszs kx, “Mzli kc trkqleka-ngrpz Filip nim, sc tqmcbo nim mrkc tqwxbulz-ngrn mz nou nc fiki kc.”

Nrpakxmrlz Kx Yr Jon 12:21

Lr Grik lcng nzrpibzlr mz Filip kx, “Kxetu, rpikr naycmnekr badr Jiszs.”

Nrpakxmrlz Kx Yr Jon 12:22

Filip sc tqpipebzle mz kzdq lr mrnyzde, Adru. X sc tzvzmipebzlr lr Grik kcng mz Jiszs. Tzrpipebzlr kx, “Kxetu, leplz lcng trngiulrJiu nzrpilr naycmneamu badr.”

Nrpakxmrlz Kx Yr Jon 6:5

Kx mc Jiszs leplz kcng nzvz-krmlr bade, sc tqrpipebzle mz Filip kx, “?Myx me naxpe-ngrgu dakxnzng kx natakitrde zbo ngr leplz lc?”

Nrpakxmrlz Kx Yr Jon 6:7

Rpibz Filip kx, “Nzmu naxpeku dakxnzng, trau kxkqlu ela natwz, kx takitrde na-atatr-ngrm mz zbq kxtrtqki-li (200). Kxmule-esz' da pipzne lxblr kz badr, a' nzmu trnzyrkrpx-kz-ngrdru.”

Aposol 1:13

Kx nzprtrpzlr kc Jerusalem, sc tzvzdzpeng mz nabz ma kc tqycpx wq, mrkc tzmnc-ngrdr. Nidr kcng tzmncng mrlcde deseleng: Saemon Pita, Jon, Jemes mzle Jon, Adru mzle Pita, x Filip, Tomas, Batolomiu, x Matiu kc tqngi kz drtqde Livae, nidr badr kzdq mou Jemes mrlx Alfizs, Saemon kc tqprtr ena mz dzbede kc tzrpilr namaszlrpx-ngrdr gzpman ngr Rom mrkc Israel, x Judzs kc tqngi kz drtqde Tadizs, mrlx kzdq ncblo drtqde kz Jemes.