Nrpakxmrlz Kx Yr Jon 1:32 - Natqgu

^32-33 Gct kc tqatwzlr-ngrmle ninge kx na-awrkxtrx leplz mz lue, rpimle bange kx, ‘Sa namcq nzvzo-krm Mqngrkxtr mz nzwxbuo-krmle mz kzdq ncblo. Krlc ncblo kx na-awrkxtr mz Mqngrkxtr.’ A' trglxwxu kx Jiszs Kxnzmcpx nide ncblo lcde, vz-krlzbzle mzli kx mc-angidr-ngrne nzvzo-krm Mqngrkxtr bade, mz nrkrdrtq kx apule nran, x wxbuom bade.

Nrpakxmrlz Kx Yr Jon 1:32 ပူးပေါင်းရင်းမြစ်များ

Matiu 3:16

Mz nibr nzwrkxtrkr Jiszs, mzli kcpwz tqvzdz-ngrmle mz lue kc, Heven lvxpx-lzbqbz bade. X mcle Mqngrkxtr vzom bade apule nran, x wxbuobz bade.

Nrpakxmrlz Kx Yr Mak 1:10

Mzli kcpwz Jiszs tqvzdz-ngrmle mz lue kc, mcle Heven nzlvxpx x Mqngrkxtr vzom bade, apule nran.

Nrpakxmrlz Kx Yr Luk 3:22

x Mqngrkxtr vzom bade mz nrkrdrtq kx apule nran. X kzdq natq rpiomle Heven, rpile kx, “Nim Mrlxnge Kxnzmrlzti. X abrtzlvz-zlwzx nim.”

Nrpakxmrlz Kx Yr Jon 1:31

Mzli kc kai trglx-angidrwxu mrlx lc. A' kc tqvz-ngrmc tqawrkxtr-ngrne mz lue, murde na-aelwapx-ngrbz nide mz lr Israel.

Nrpakxmrlz Kx Yr Jon 1:7

Vzm mz nzyapwxtipx-krde Zyzlr kc tqngi Jiszs, murde leplz amrlx nalxngitilr nide.

Nrpakxmrlz Kx Yr Jon 5:32

“A' Jon Kxawrkxtr tqycmnetr-kai-ngrde ninge. X takitrde nzlxngiti-krmu natqde, murde da kcng tqycmnetr-ngrde ninge da zpwx.