Nrpakxmrlz Kx Yr Jon 1:3 - Natqgu

³ Natq lc wz-ngrde da amrlx mz nzvz-nqblq-krde me pnz drtwr Gct. X trpnzngr dalr nrlc kx mnctxpx-ngrde mz nzrwzngr.

Nrpakxmrlz Kx Yr Jon 1:3 ပူးပေါင်းရင်းမြစ်များ

Sam 102:25

Mzli kc mz noude wz-ngrn nrlc, Bongavz x dalrdeng amrlx.

Sam 33:6

Yawe wz-ngrde bongavz mz natq kx kapxle, X nepi, temz, x vri amrlx mz nzycmne-krde.

Nrpakxmrlz Kx Yr Jon 1:10

Mrlx lc tqngi Natq vzm x mnc mz nrlc ngr alwx. X kxmule-esz' wz-ngrde nrlc, a' lr nrlc trnzglxlru nide.

Nrpakxmrlz Kx Yr Jon 1:2

Nzmnc-pnzng ncdr Gct mzli kc tqyzutrngr nrlc.

1 Korint 8:6

A' krlzku kx Gct esz'txu, Trtegu kc tqwztrpzku bade x nou leplz x da amrlx. X Kxetu esz'txu, Jiszs Kxnzmcpx, kc tqwz-ngrde leplz x da amrlx x tqkamle bagu nzlungr mz nzaxvctr-krbzku bade.

Efiszs 3:9

X Gct kc tqwz-ngrde doa x da amrlx, yrlq-kaile drtwr mzli kc bqnc x yrlq-kapqle krlzmle mzli ka. X suti drtwrde kx nayokaetipxpebo mz leplz, kx mzli ka sc tqvzpe nzatutr-krde drtwr lc.

Hibru 11:3

X mz nzbrtikr drtwrgu Gct, dekc tqkrlzpe-ngrgu kx wz-ngrde mz natqde nrlc atwrnrngr, vzmi nepi, temz x vring. Drtwr ngrde kx Gct wz-ngrde da lcng amrlx tqmcku mz natqde kx trnzmcu.

1 Jon 5:1

Krkcng amrlx tzlxngitilr kx Jiszs nide Kxnzmcpx ne Gct, nidr doa angidr nedeng x nzmrlztilr Gct Trtedr. X mrlzti-kzlr doa amrlx nedeng.

Nzaelwapxngr 3:14

X Jiszs nzngini-krde ncblo kc tqapule Mrlx Leplz rpi-mople bange kx nayr-kzpo dq natq mz kxaclvele dzbe lrmakxtr kc mz taon Laodisea. Natq lc nide sele. “Krlcng natqnge, ninge kc tqapux natq lc tqngi ‘angida’ murde ninge kc tqrngi-batrpz da amrlx mz nzvz-nqblq-krde me pnz drtwr Gct. X ni-kznge ncblo angidr kc tqrpipx-angidrpe natqdeng. X ninge nou da amrlx kcng tqwzngr Gct.

Nzaelwapxngr 4:11

Nzrpibzlr kx, “Yawe, nipem Gct rgr. X takitrde nim Nzrglqlzngr, nzangiongr, X nzrpipxngr zmatq ngrm. Murde wz-ngrn doa amrlx, X da amrlx mz nrlc. X mz nzwz-krmqleng Nzmnc-krdr x nzyc-krdr, Nzvz-nqblqlr me pnz drtwrm.”