Nrpakxmrlz Kx Yr Jon 1:14 - Natqgu

¹⁴ Natq Gct lc ngi doa ne leplz, x mnckr badr. X aelwapx-ngrmle bagr nzalvztrngr angidr x zmrlz ngr Gct kxmyalz. X nigr aposol mcpekr nzmyalz-krde, mz nzngini-krde Mrlx Gct kc esz'txu.

Nrpakxmrlz Kx Yr Jon 1:14 ပူးပေါင်းရင်းမြစ်များ

Sam 2:7

X King kc tqmcpx Gct, rpile kx, “Napibo nike pim Yawe bange. Rpimle kx, ‘Nim Mrlxnge, abzo mzbq ka, sa na-aelwapx-ngrbo mz leplz nzngini-krnge Trtem.

Sam 45:2

Nzobq-krm lqngipx-esz'ngr. X natq ngr nzamrlzngr ngqpx-zvzm mz naom. Delc tqamrlz-zvz-kzngr Gct nim.

Sam 85:9

X oliq zvz nzarlapx-krde kxnzamrluelr nide, Murde nzulrde naxngi-alope mz drtc' nyzgu.

Matiu 1:16

Jekop mrlxde Josip, Josip lc yrlztile Mxri, kc tqngi lxede Jiszs, kc tzrpibz Kxnzmcpx.

Nrpakxmrlz Kx Yr Luk 2:11

Mz nrlckxbq ka, mrkc mz taon nyz Devet, Mevalu nzmika, Kxnzmcpx kc tqngi Kxetu Lod!

Nrpakxmrlz Kx Yr Luk 2:7

Nzmwipxmqng mz ma nyz kzu, murde trpnzngr ma kx namnc-ngrdr. Mikatxde mrlxde kx ayrnrngr, x otibzle bulvztile lrpz. Sc tqayrbqlzpemle mz da kx nzmutio kzu.

Nrpakxmrlz Kx Yr Luk 9:32

Mzli lcde Pita nidr badr kztedeng nzmwipeng. A' kx nzdwalzmlr, sc tzmcpelr zluli r Jiszs, x nzmcpe-kzlr ncblo kcng nzling tztung badr.

Nrpakxmrlz Kx Yr Jon 1:1

Jiszs nide Natq Gct. X Natq lc mncpe mzli kc nrlc trnzwzka-ngrde. X Natq lc nzmnc-pnzng ncdr Gct, x ni-kzde Gct.

Nrpakxmrlz Kx Yr Jon 11:40

Rpibz Jiszs bade kx, “Rlr! Se tqpi-atebo bam kx sa namcq zmatq ngr Gct mz nzlxngiti-krm ninge.”

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

Nrpakxmrlz Kx Yr Jon 14:9

Ayzlu-ngrbz Jiszs natqde kx, “?Filip, myx kxmule? ?Mnctipebo bamu mzli boipe, a' sc trkrlzkalq ninge? Murde doa kx mcpele ninge, mcpe-kzle Trtenge. ?Memule tqrpi-ngrme kx na-aelwa-ngrbo Trtenge bamu?

Nrpakxmrlz Kx Yr Jon 17:22

X me matq Heven kx kame bange, kape-kzpo badr, murde naesz'ting, da kc tqwai nzesz'ti-krgi.

Nrpakxmrlz Kx Yr Jon 17:24

Trte, suti drtwrnge kx leplz nenge lcng namnc-kzkr badr mrkc namnc-ngrne Heven. Murde namclr me matq-esz'ngr kc tqngi nyznge tqka-pnzme murde mrlztiq ninge mzli kc nrlc trnzwzka-ngrde.

Nrpakxmrlz Kx Yr Jon 18:37

X rpi-mopwz Paelzt kx, “?Mz nzmu-krde lcde, ni-zpwxm king?” Rpibz Jiszs kx, “Eu, sa tqmrlz nzrpi-krm ninge king. Dekc tqvz-ngrmc x mzke' tzmc-ngrde mz nrlc, murde naycmnetr-ngrne da angidr. X doa amrlx kcng tzmrlzbz badr da angidr sa navz-nqblq-angidrlr ninge.”

Nrpakxmrlz Kx Yr Jon 2:11

Jiszs alele rkx lc ayrnrngr mztea Kena mz Gzlili Provins. Rkx lc aelwapx-ngrde nzmyalz-krde. Nigr ncblo nedeng mckr x lxngitikr nide.

Nrpakxmrlz Kx Yr Jon 3:16

Da zpwx. Gct atwzlr-ngrmle Mrlxde kc esz'txu murde nzmrlzti-zlwzle lr nrlc. Murde krkcng tzlxngitilr mrlxde trtxpnzngr nzbz-alo-krdr, a' sa narmctilr nzlungr kxboi.

Nrpakxmrlz Kx Yr Jon 3:18

Delc, krkcng tzlxngitilr nide trpnzngr nzayrplapxngr nidr. A' krkcng trnzlxngitilru nide, nzmncpeng mz nzayrplapxngr lc, murde trnzlxngitilru Mrlx Gct kc esz'txu.

Nrpakxmrlz Kx Yr Jon 6:51

X ninge dakxnzng kxlu, kc tqvzom Heven. Doa kx ngqde dakxnzng lc, sa nalu-zvzpe. Murde dakxnzng lc ngi ncvrnge, x rlrpx-lzbq-ngrne mz nzalu-krnge lr nrlc.”

Aposol 13:33

atutrple bagu, nigu doa nedrng mzli ka, mz nzatulz-krmle Jiszs mz nzbzngr. Murde rpile mz Sam krali kx, ‘Nim Mrlxnge, abzo mzbq ka sa na-aelwapx-ngrbo mz leplz nzngini-krnge Trtem.’

Nzryr-krbz Pol Mz Lr Rom 8:3

Murde trpnzngr scgu zmatq ngr nzarlapx-lzbq-krgu mz nzvz-nqblq-zvz-krgu Loukxtr, murde mzli kc mnclzbzku mz zmatq ngr alwx. Mz nzmu-krde lcde, Gct esz'-krde sc tqarlapxpele nigu, mz nzatwzlr-krmle Mrlxde angidr mz nzngini-krde leplz da kc tqwaiku. Murde nangi blz kx takitrde nzxpepxngr alwx ngrgu, nigu leplz. Dekc Gct tqarlapx-ngrde nigu leplz murde trmnclzpepwzkuu mz zmatq ngr alwx.

Nzryr-krbz Pol Mz Lr Rom 9:5

Melrmqdrng nidr ncblo kxnzetu neng Gct kcng bqnc, x Kraes nzmika kz apule leplz mz nqvi lr ncblo lcdeng. A' nide kc tqmyaszpxle doa x da amrlx. Naglqlz-zvz-ngrgu Gct! Angida!

1 Korint 15:47

Adzm, kc tqngi ncblo kc kai vzpxm mz nrlc ka. A' Kxnzmcpx, kc tqngi ncblo kxmrna, vzpxm Heven.

2 Korint 12:9

A' rpimle kx, “Zmrlz rnge kxmyalz takitr-zvzde nzokatr-krde nim, kxmule-esz' da kx nzprtzng. Murde zmatq rnge wz angidr mz nzmnc-xgle-krm ninge mz mzlir nzkxpu-krmqng.” X mz nzlxngiti-krnge da lc, abrtzlvzx nzngini-krnge ncblo kxmane. Delc tqgqlpx-lzbq-ngrne mz da lc, murde zmatq ngr Kxnzmcpx na-aelwapx-ngrne mz nzlu-krnge.

Galesia 4:4

A' kx krlzbzle mzli kc tqyrlq Gct, atwzlr-ngrmle mrlxde, mzte nzmc nzngini-krde ncblo txne, kx ngi lr Jiu, kc tqmnclzbz mz Loukxtr.

Efiszs 3:8

Kxmule esz' leplz nedeng amrlx nzmyaszpxlr ninge, a' mz zmrlz ngrde kxmyalz rlr-ngrmle bange nzyapwxtipx-krbo mz kxtrngiulrJiu da kxmrlzting kx twzku mz Kraes, kx trnzkrlzu me yrkrkipxle.

Kolosia 1:19

Murde mz nzvz-nqblq-krde me pnz drtwr Gct, trpnzngr da kx namrbrpxm mz Mrlxde mz nzaotr-angidr-krde Trtede.

Kolosia 2:3

Yrlqbz Gct mz Kraes esz'-krde nzyrplapx-zlwz-krde x nzrkrlz-zlwz-krde.

Kolosia 2:9

Murde trpnzngr da kx mrbrpxm mz nrkrdrtq Kraes mz nzaotr-angidr-krde Gct.

1 Timoti 3:16

X Gct aelwapxpe-ngrde nzalvztrngr angidr ngr Mevalu Kxnzmcpx. X drtwrgu esz'ti mz nzplzpx-lxblr-krgule. Delc tqrpi-zvz-ngrgu kx, “Lxngitiku Jiszs Kxnzmcpx kc tqaelwapx-lzbqpe mz nrkrdrtq leplz, x tqaelwapxngr Mqngrkxtr nzngini-angidr-krde Mrlx Gct, mz nzatulz-mou-krdele mz nzbz-krde. X lxngitiku nzmckr enjrl neng Gct nide mz nibr nztulz-krmle, nzvzmilzkr Gct nide me matq-esz'ngr Heven, nzyapwxtipx-ngrbz Nrpa ngrde mz lr nrlc, x nzlxngitikr leplz nide mz nrlc tulvzo.”

Hibru 1:3

Kraes aotr-angidrle Gct Trtede. X nqmq krdeng amrlx nzaelwapx-zpwxlr nqmq kr Gct x zmatq ngrde. X da amrlx lolvz lxblr zmatq ngr natqdeng. Mz nibr nzrkatx-krde alwx ngr leplz, wxbu me matq-esz'ngr Heven mz nrlar Gct Trte kxrtc.

Hibru 1:5

Murde trpnzngr enjrl kx rpi-neba Gct natq kc tqpibzle mz Mrlxde kx, “Nim Mrlxnge, abzo mzbq ka sa na-aelwapx-ngrbo mz leplz nzngini-krnge Trtem.” X trpnzngr enjrl kx rpibz Gct bade kx, “Sa nangininge trtede, x nanginide mrlxnge.”

Hibru 10:5

Dekc, mzli kc Kraes navzpe-ngrmle mz nrlc, rpi-ngrbzle mz Gct kx, “Trsutiu drtwrm nzrka-ngrbz bam dalr nrlanc ayrnrngr x dalr nzrkatxngr alwx. X tr-rlx-kzpe'u blz x animol kx na-angcom mz olta nyzm. A' da kx suti txpwz drtwrm nzxlr-krbo natqm, Murde narlrpx-ngrbo nrkrdrtqnge bam.

Hibru 2:11

Jiszs badr leplz kcng tqatrleng x tqatubqtileng, Trtedr esz'txu. Dekc Jiszs tqabrtz-ngrde mz nzrpi-krbzle mzledeng.

Hibru 5:5

Mz nqmq lcpwz, Kraes tr-rlrpx-lzbqu mz nzwzngr lc tqmatq mz nzngini-krde Nardr Pris, a' Gct mcpxle nide mz nzrpi-krbzle bade kx, “Nim Mrlxnge, abzo mzbq ka sa na-aelwapx-ngrbo mz leplz nzngini-krnge Trtem.” X trpnzngr Nardr Pris kzble kxmu nzycmne-krbz Gct lc bade.

1 Jon 4:14

Nigr aposol pipx-zvzbzkr mz leplz kx Gct Trte atwzlr-ngrmle Mrlxde mz nzarlapx-krde lr nrlc. Murde mc-angidrkr mz mzkr da lcng tqprtzting mzli kc.

1 Jon 4:9

Gct aelwapx-ngrde kx mrlztile nigu leplz mz nzatwzlr-krmle mrlxde kc esz'txu mz nrlc, murde narmctiku nzlungr kxboi.

2 Jon 1:7

Aclvetio-lzbqamu, murde kxnzakrlzng kxnzpokiang nzkqlung nzmncpemqng bagu, x nzrpilr naesabrtilr nimu. Leplz lcng trnzlxngitilru nzvz-krm Jiszs Kxnzmcpx mz nrlc nzngini-krde leplz. Krlc nzalvztrkr Enqmi Kxetu ngr Kraes, kc tqngi kz Kxpokia. Bzkq vz-nqblqamu lrpzki rdr kx vz-rbr. Murde mz nzvz-nqblq-krmule, trnatwzpewamuu da amrlx kx navzpxmqng mz nzwztr-krbzku mz Kraes.

Nzaelwapxngr 19:13

Mz nzmu-krde lcde, drtqde nzrpibz Natq Gct. X nzkq kc tqkq-ngrde bxlvz zlwz mz mepyr.

Nzaelwapxngr 21:3

X xlrx kc natq kxetu aepztr mz tron, rpile kx, “Ma nyz Gct ycpebz mz krkcng Nanginidr leplz nedeng. Sa namncpeng badr. X Gct esz'-krde sa nanginide Gct rdr. Drlemztr amrlx sa naycpqpxbzle. Trpengr kx drtwrde navz, Kx nayrni, kx nabz, Kx drtqde navetq. Dalr mzli kc mrbrpe.”