Matiu 7:7 - Natqgu

⁷ Jiszs rpi-mopwzle kx, “Rlxbz da mz Gct, x sa nakabzle. Rtangr da x sa narmctiq. Abc x naonrx sa nalvxpxbz.

Matiu 7:7 ပူးပေါင်းရင်းမြစ်များ

Sam 10:17

Zmatq ngrm etu-esz'ngr, murde krlzpe-kaiq nike narlxtibz kxnztubqng. Zbq kalvz axplrq nidr x kabzme badr nike nzrlxtilr.

Sam 10:4

Rblx nzrtangrti-krde Gct murde glqpx-lzbq. Rblx nzrmcti-krde Gct murde mz drtwrde trtxpnzngr Gct.

Sam 119:12

Yawe, glqlzx nim. X suti drtwrnge nzkrlz-zpwx-krnge nqmq krm.

Sam 27:8

Mzli kc tqrpi-ngrme kx, “Vzm mz nzangio-krm ninge.” X ayzlubo natqm kx, “Eu, ninge la navzbo.”

Sam 34:4

Da kcng tqmwxlrtix, arlapxpebz Yawe ninge mz da lcng amrlx. Murde mzli kc tqkrka'-ngrbo bade, ayzlumle natqnge.

Sam 50:15

X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”

Sam 69:32

X leplz txneng na-abrtzng mz nzokatr-krm nidr, Murde apqtr-mopwzme nabzdr.

Sam 70:4

A' amrlz krkcng tzbrti drtwrdr nim Mz nzrka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”

Sam 86:5

Murde mrlz-esz'ngrn nzripq-zvzngr. X aodu-zvzq krkcng tzkrka'bzng bam.

Matiu 18:19

X napi-mopwc' bamu kx mzli kznike krka'ngr kzdu nimu kxli o kxtq mz nzesz'tikr drtwrmu kx da kx rlxtibzmu mz Trtenge vz-nqblq-zpwxle me pnz drtwrde, sa nakabzle bamu.

Matiu 21:22

Mz nzmu-krde lcde, Gct sa nakabzle da amrlx kx rlxtiamu vzpxm mz nzrlxngiti-krmu.”

Matiu 6:33

X narlr-lzbqbzmu mz nzmnclz-ngrbz bade x mz nzvz-nqblqngr natqde, x mz nibrde da lcng sc tqkape-kzpzle bamu.

Matiu 7:11

Nimu kcng trnztubq-zvzung krlzamu nzale-krmu da kxtubq mz nzrka-ngrbz da kxmrlz mz doa nemung. A' myapx-mopwz, Trtemu kc Heven krlzle nzale-krde da kxtubq mz nzrka-zvz-krbzle da kxmrlzti zlwz mz krkcng tzrlxbzng bade da.

Matiu 7:8

Murde doa kx rlx da kx takitrde nide, sa natwzle. X kx rtangrtile nzokatrkr Gct, sa nangida. X kx abctr-zvzbz mz Gct, naonrx nyz Gct sa nalvxpxbz bade.

Nrpakxmrlz Kx Yr Mak 11:24

Mz nzmu-krde lcde, da kznike kx rlxtibzmu mz Gct, sa nakabzle bamu, nzmu nalxngitiamu kx sa natwzamu da lcde.

Nrpakxmrlz Kx Yr Luk 13:25

Murde mzli kc navzm kalr, Gct sa na-apqbrbzle naonrx ngr Heven badr. X natutrpzng mz naonrx x na-abctrpzng mz naonrx mz nzrpi-krbzlr kx, ‘Lvxpxm bagr naonrx, kx Kxetu!’ A' sa narpipxbo badr kx, ‘Trkrlzwxu nimu! Trpnzngr nzlvxpx-krbo naonrx.’

Nrpakxmrlz Kx Yr Luk 18:1

Zbz Jiszs kc tqpipebzle badr nzycmne-ebzpxngr lc, mz nzalvztr-krde nidr kx nakrka'-zvzng, x bzkq nabzdr tzprlzm, nakrlzbzle mzli kx ayzlu-ngrbz Gct nzkrka'-krdr.

Nrpakxmrlz Kx Yr Jon 15:16

Trmcpxwamuu ninge, a' mcpxx nimu murde nramu nakqlu zvz. X da kznike rlxtibzmu mz Trtenge mz zmatq r drtqnge, sa na-angidabzle.

Nrpakxmrlz Kx Yr Jon 15:7

A' nzmu na-axvctr-lzbqmamu bange x yrlq-angidramu natqnge, krlzamu nzrlxti-krbzmu mz Gct da kx suti drtwrmu, x sa na-angidabzle.

Nrpakxmrlz Kx Yr Jon 4:10

Rpibz Jiszs kx, “Trkrlzwq da kx nakaom Gct, x trglxwq ninge lc tqrlxbz bam lue kxpipz. Nzmu naglxq ninge, narlxme bange lue, murde nakabo bam lue ngr nzlungr.”

Nzryr-krbz Pol Mz Lr Rom 2:7

Sa nakabzle nzlungr kxboi mz leplz kcng tzvz zvz nzale-krdr da kxtubq, mz nzaenzli-krdr nzamatqkr Gct nidr x nzprtr-krdr mz nzlungr kc tqyc zvz.

Nzryr-krbz Pol Mz Lr Rom 3:11

Trpnzngr kx yrplapx. Trpnzngr kx rtangrtile Gct.

Hibru 11:6

Trpnzngr kx rkrlz nzaelalz-krm drtwr Gct, a' ngi txpwz doa kx brti drtwrde nide. X krkcng tzvzmqng mz Gct nalxngitilr kx Gct sa tqmnc x okatr-zvzle krkcng tzrtangrtilr nide murde nakrlzlr nide.

Jemes 5:15

X Gct sa na-ayzlu-ngrbzle nzkrka'-krdr, mz nzvz-nqblq-krde nzbrtikr drtwrdr nide. X na-amrlz-moule nrkrdrtq krkc tqyagox. X nzmu zyagox kc kx tqvzpxmle mz alwx ngrdeng, sa naipq kz Gct nide.

1 Jon 3:22

X mz nzkrka'-krgu lc, sa nakamle bagu da kznikeng rlxtibzku bade, murde sc tqvz-nqblq-zvzpeku natqdeng x abrtz-ngrde nqmq krgu.