Matiu 7:16 - Natqgu

¹⁶ Sa naglxamu nidr, murde nqmq krdr aelwapx-ngrde namrlzu r leplz kc tqnginidr. Apule nounc amrlx kx nzglx-ngrdr nradr kcng tzpapx-ngrdr. Murde tr-rkeopwx'u naq mz nc nole, x dx mz nc lrpz.

Matiu 7:16 ပူးပေါင်းရင်းမြစ်များ

Matiu 12:33

“Na-aoti drtwrmu ninge x na-aolvzamu nzngini-krnge ncblo kxmrlz o ncblo kxdrka'ngr mz da kcng tqalexng. Murde nzmrlzkr nounc aelwapxngr nrade kxmrlz. A' nztrkakr nounc aelwapxngr nrade kxtrka. Nounc amrlx nzglx-ngrdr nradr kcng tzpapx-ngrdr.

Matiu 7:20

Mz nzmu-krde lcde, sa naglx-ngrnamu kxnzalvztr-rbrng mz da kxtrka kx nzvzpxmqng mz nqmq krdr.”

Galesia 5:22

A' nra Mqngrkxtr mz nabz leplz kcng tzvz-nqblqlr nide, nidr seleng: nivz, nzelalz-krm drtwr, nzmnczpwxngr, nzaenzli-zpwxngr, nzokatrngr, nzrmrlzngr, nzatukztrngr natq, nzvz-nrwxngr, x nzaclve-lzbqngr. X Lou sc Mosis tr-rpwa'-ngrdeu nzale-krmu da lcng.

Jemes 2:18

Murde doa kx lxngiti-angidrle Jiszs, ale-kzle da kxmrlz kx naokatrngr. A' doa kx rpile kx lxngitile Jiszs, a' trpnzngr da kxmrlz kxalele, rblx nzrmcngr nzrlxngiti-krde.

Jemes 3:12

Nc bia trpa-ngrdeu nzlu. X nc brpi trpa-ngrdeu bia. X dcpwe rblx nzngikr lue le. Mzli kx natq kxtrka x natq kxmrlz nzvzpx-ngrmlr mz nao doa kxesz', drtwr ngrde kx nabz doa lc trtubq-angidru, x narlr-ngrbzle mz Gct nzalqngi-krde nide.