Matiu 6:9 - Natqgu

⁹ Mz nzmu-krde lcde, mz nzkrka'-krm rpi kx, ‘Gct Trte, batrp bagr, nigr lr nrlc, nzamatq-krgr drtqm kxtr-esz'ngr,

Matiu 6:9 ပူးပေါင်းရင်းမြစ်များ

Sam 111:9

Takitrde nzangio-krgu drtqde kxtr mz nzamrluengr murde Vz-nqblq-zvzle nzesalz-krde x Witi nelzde nzarlapx-krde leplz nedeng. X aelwapx-ngrgu nzyrplapx-krgu mz nzamrlue-krgu nide. Yawe kabzle nzrkrlz-angidrngr mz krkcng tzyrlq-angidrlr natqde. Zbq kalvz nzrglqpxngr nide navz zvz x tqvzpe, tqvzpe.

Sam 115:3

Murde Gct rgu mncom Heven, X rngisc zmatq ngr nzale-krde nikeng suti drtwrde.

Sam 72:18

Naglqlzku Yawe, Gct r melrmqgung. Nide txpwz kxnzkctipx. Naglqlzku Yawe.

Matiu 10:29

Kxmule-esz' nzamwangr boblz kxli trau rde pipzne, a' trpnzngr boblz kx nabz, a' ngi txpwz kx rlrpxngr Gct nzbz-krde. A' nimu myaszlzamu boblz kxkqlu! Murde nqnginarmu amrlx, rlwxti kz Trtemu kc tqaclvele nimu. Mz nzmu-krde lcde, bzkq mwxlrtiamu leplz.

Matiu 23:9

X bzkq rpiamu kx rblxbz mz kxnzakrlz ngrmung nzvz-rbrngr. X bzkq armyalzamu nidr x rpibzmu badr trte. Murde nimu amrlx ngrmu trtemu esz'txu kc tqmncm Heven. X mz nzalvztr-krde nimu tubq zvz x trvz-rbru.

Matiu 26:29

Da zpwxtx, trpengr nzrmnq-krnge waen, navz nakrlzbzle mzli kc narmnq-lxblr-ngrgu waen kxmrna mz nrlc kxmrna kc na-aclve Trtenge kalr.”

Matiu 26:42

Zbz Jiszs vz mou mz nzkrka'-krde nzwrde krali, x rpi-moule kx, “Trtenge, nzmu kx tqpnz drtwrm nzrlrpx-lzbq-krnge mz nzetqkr drtqnge x nzbzngr, kxnamupele lape!”

Matiu 5:16

Mz nqmq lcpwz, na-aelwapx-ngrbzmu mz leplz nztubqkr nqmq krmu, kc navz-nqblqbzlr mz Trtemu kc Heven, mz nzglqlz-krdr nide.”

Matiu 5:48

Mz nzmu-krde lcde, namrlztiamu leplz amrlx, da kc tqwai Trtemu kc Heven nzmrlzti-zlwz-krde leplz amrlx.”

Matiu 6:14

Jiszs rpi-mopwzle kx, “Murde nzmu naipqq krkcng tzaletrpzng da kx vz-rbr bam, e Trtem kc Heven sa naipq-kzle nim.

Matiu 6:6

A' nim, mz nzkrka'-krbzme mz Gct kc trnzmcu, krka' me trnamc-ngru leplz nim. Murde Gct kc tqmcle da amrlx, sa narkabz bam da mz nzabrtzlvz-krde da kc tqale-kapqq.

Matiu 7:11

Nimu kcng trnztubq-zvzung krlzamu nzale-krmu da kxtubq mz nzrka-ngrbz da kxmrlz mz doa nemung. A' myapx-mopwz, Trtemu kc Heven krlzle nzale-krde da kxtubq mz nzrka-zvz-krbzle da kxmrlzti zlwz mz krkcng tzrlxbzng bade da.

Nrpakxmrlz Kx Yr Luk 15:18

X sc tqrpipele kx, navztx-anipebo mz trtenge x narpibo bade kx, ‘Trte, atrkatix nim x atrkati-kzx Gct.

Nrpakxmrlz Kx Yr Luk 15:21

Rpibz mrlxde kc kx, ‘Trte, atrkatix nim x atrkati-kzx Gct. Bzkq apusrnepe-ngrm ninge mrlxm.’

Nrpakxmrlz Kx Yr Luk 2:14

Nzrpilr kx, “Takitrde nzamatqngr Gct kc tqmnc Heven kc tqyctxlz. X mz nrlc, nzmnc-zpwxngr sa naycbz mz leplz kcng tqabrtzlvzleng!”

Nrpakxmrlz Kx Yr Jon 20:17

A' rpibz Jiszs bade kx, “Bzkq maletrpe' ninge, murde trvzdzkapc' mz Trtenge. A' navz-kaipo bade murde naesotr-kzpa'mu bange. A' vzbz mz mzlengeng mzli ka, x pibz badr kx, ‘Navzdz-kaipo mz Trtenge kc tqngi kz Trtemu, nide kc tqngi Gct rnge x Gct rmu.’”

Nzryr-krbz Pol Mz Lr Rom 1:7

Mz nzmu-krde lcde, tqryr-ngrbo bamu, nimu amrlx kcng tzmncng Rom, tqmrlzti Gct nimu x tqkqlele nimu mz nzngini-krmu leplz kxnztr nedeng. X krka'-ngrne kx Gct Trtegu badr Kxetu rgu Jiszs Kxnzmcpx naokatrlr nimu x na-amnc-zpwxlr nimu.

Nzryr-krbz Pol Mz Lr Rom 8:15

X Mqngrkxtr kc tqkamle bagu, trapusr-ngrdeu nigu kxnzawz-nrbalqng kcng tzmwxlr-ngrdr nide mz nzayrplapx-krde nidr. A' mz nzka-krmle bagu Mqngrkxtr, nginipegu doa nedeng, x Mqngrkxtr pi-zvzmle bagu kx Gct suti zlwz drtwrde nzrpi-krbzku bade kx, “Trte.”

Galesia 1:1

Ninge Pol, ryrbo bamu, nimu kcng tznginidr leplz neng Gct, tzmncng Galesia Provins. Nigr badr mzlegung kcng tzmncng mrka, rpibzkr bamu kx, “Nimu la.” Ninge aposol murde Jiszs Kxnzmcpx nidr mz Gct Trte kc tqatulzmle nide mz nzbzngr, nzmcpxlr ninge. Delc zmatq rnge mz nzaclve-krnge lrmakxtr trvzpxpuu mz leplz.

Galesia 4:6

X mzli ka nipe-kzmu doa neng Gct. X Mqngr Mrlxde kc tqmncpxm mz nabzgu, okatrle nigu nzkrlz-krgu kx takitrde doa kxesz' mz nigu nzrpi-krde kx, ‘Gct ngi Trtenge!’

1 Pita 1:17

Na-aoti drtwrmu kx Gct Trtemu kc tqkrka'bzmu bade, nzmc-krde leplz rsakrlrngr. Murde sa na-ayzlubzle bam nike aleq mz nrlc ka. Mz nzmu-krde lcde, namyatitramu nide mz da amrlx kcng tqaleamu mz nzngini-krmu lr mrkzble mz nzmnc-krmu mz nrlc ka.

Nzaelwapxngr 4:11

Nzrpibzlr kx, “Yawe, nipem Gct rgr. X takitrde nim Nzrglqlzngr, nzangiongr, X nzrpipxngr zmatq ngrm. Murde wz-ngrn doa amrlx, X da amrlx mz nrlc. X mz nzwz-krmqleng Nzmnc-krdr x nzyc-krdr, Nzvz-nqblqlr me pnz drtwrm.”

Nzaelwapxngr 5:12

X natr kc tqetupe mz nzngrngr kx, “Nimq Nei Sip kc tznibq, X takitrde nim Nzrpipxngr zmatq ngrmq, Nzkrlz-angidr-krm, Kx nim angidr bcnyr, x xplr-esz'ngrn. X takitrde nim kz Nzrglqlzngr, nzangiongr, X nzrglqpxngr zvz.”