Matiu 6:19 - Natqgu

¹⁹ Jiszs rpibzle kx, “Bzkq atamutilzq nzrngisc-krm da mz nrlc ka, murde ma tqyrti ninr x ma tqpnz mepyr rde, x tzpnati ncblo.

Matiu 6:19 ပူးပေါင်းရင်းမြစ်များ

Sam 39:6

Nzwz-katongr ngi brmrdakr apule nounc kc trpnzngr nrade. X mz nzbzkr leplz trpnzngr dztudrng kx natwzlr.

Sam 62:10

X mz nzrtwz-krmu da kx suti drtwrmu, bzkq brti drtwrmu nzamwxlr-krmu leplz x nzpna-krmu dztudrng. X kxmule-esz' nimu bcnyrng, bzkq abrtrpzmu drtwrmu mz trau scmu.

Matiu 19:21

Rpibz Jiszs bade kx, “Kx tqrpiq natubq-esz'ngrn mz nzobqkr Gct, amwa mclrm amrlx x kabz trau rde mz leplz kx trpnzngr scdr. Nzmu na-aleq da lc, nzrngiba-krm sa namyalz mou mrkc Heven. Zbz vzm x vz-nqblqm ninge.”

Matiu 6:20

A' na-atamutilzq nzrngisc-krm da Heven, mrkc trpnzngr da kx atrkati da, x trpnzngr kx pna da elr.

Nrpakxmrlz Kx Yr Luk 12:21

X rpi-mopwz Jiszs kx, “X Gct sa na-ayrplapxle leplz amrlx kcng tzatamutilzng da kx nangi scdrng, a' nzpxtxpx-ngrdr nzokatrngr leplz.”

Nrpakxmrlz Kx Yr Luk 12:33

A' amwa-alzuamu da kcng tqngisctimu x kabzmu trau rdeng mz krkcng trpnzngr scdr. Murde mz nzale-krmu da lc, sa na-atamutilzamu nzrngisc-krmu mrkc Heven, me trnayrkrpx-ngrpwzleu. X mrlc trpnzngr kx napna da x trpnzngr ninr kx nayrti da.

Nrpakxmrlz Kx Yr Luk 12:39

X nimu na-apuamu kxnzawz lcng. X na-apu-kzamu ncblo kx oliq mz nzrpwa'-krbzle mz kxpnada nztangetr-krbzle ma nyzde, murde trkrlzleu nabznepi lcde. Mz nqmq lcpwz, naoliq-zvz-kzamu. Murde Ninge, Mrlx Leplz, sa nayzlumc mzli kx trpnzu drtwrmu nayzlu-ngrmc.”

Nrpakxmrlz Kx Yr Luk 18:22

Kx xlrbz Jiszs da lc, sc tqrpipebzle bade kx, “Mrbrpxbep da esz' kx naleq. Amwa mclrm amrlx x kabz trau rde mz leplz kx trpnzngr scdr da. Nzmu na-aleq da lc, nzrngiba-krm namyalz mou mrkc Heven. Vzm x vz-nqblq ninge.”

Nrpakxmrlz Kx Yr Luk 18:24

Mctrpebz Jiszs drtwrde nzvz-krde sc tqrpipebzle kx, “Rblxtx-atwrnr-ngrbz mz leplz kx nzrngiscng nzmnclz-krbzlr mz Gct! Murde trnzkrlzlru kx nzmnc-xglelr nide mz da amrlx.

1 Timoti 6:17

Rkabz natq mz kxnzrlxngiting kcng tzngi bcnyr ngrdr dalr nrlc ka. Pibz badr bzkq nzglqpx-lzbqng mz nzrngisc-krdr. X bzkq nzabrtrpzlr drtwrdr mz trau, murde trau ngi da kx namrbr. A' na-abrtrpzlr drtwrdr mz Gct, kc tqrkam bagu da amrlx kcng tqabrtz-ngrgu.

Hibru 13:5

Bzkq mrlz zlwzbz bamu trau. A' abrtzlvz-txpwzmu nikeng ycbz bamu, murde Gct rpile kx, “Trtxpnzngr nzrlasz-krnge nimu, x trtxpnzngr nzyrlqpx-lzbq-krnge mz nzokatr-krnge nimu.”