Matiu 5:5 - Natqgu

⁵ “Ngi da kxmrlz nzavzo-lzbq-krmu, murde Gct sa nakabzle bamu zmatq mz nzaclve-krmu mz nrlc.

Matiu 5:5 ပူးပေါင်းရင်းမြစ်များ

Sam 147:6

Atubxlzle kxnzobqszong, A' rnzbrtiole kxdrka'-ngrng mz drtc'.

Sam 149:4

Murde Yawe abrtz-zlwz-ngrde nigu leplz nedeng, X aovxiole enqmi rgung mz nzmnc-xgle-krgu nide.

Sam 22:26

X mz nibrde, sa nakrlcng mz dakxnzng kx vzpxm mz blz kc tqkabo bam. X sa naglqlzlr nim mz nzbrtikr drtwrdr nim. Amrlz-zvzbz nidr mz nzmnc-zpwx-krdr.

Sam 25:13

Olvz x ncblo lcng sa namnc-zpwxng. Oliqtibz drtc' kc tqpibzme, murde doa nedrng namnc-kzng elr.

Sam 25:9

Kxrmailz, aelwapx-ngrbzme mz kxnzavzo-lzbqng da kxtubq. Kxakrlz, alvztr-zvz-ngrn nidr me pnz drtwrm.

Sam 37:34

Wz zvz mz nzabrtr-krbzmu drtwrmu bade, Murde sa nangi nyzmu drtc' kc tqpile nakabzle bamu mz nzamatq-krde nimu. X sa namcamu nzmaneutipx-krde kxdrka'-ngrng. Xlrmamu natqnge. Mcx kzdq ncblo kxdrka'ngr kxtrka-esz'ngr, x atrkati-zvzle leplz. Xplr-esz'ngr x obqszo-ngrde leplz amrlx. X kxmule-esz' rtangrtix nide, a' trmcpewxu, murde mrbrpe.

Sam 69:32

X leplz txneng na-abrtzng mz nzokatr-krm nidr, Murde apqtr-mopwzme nabzdr.

Matiu 11:29

Mnclzm bange x rlr-ngrm nzalvztr-krnge nim, murde nawztr-lxblrki. X avzo-lzbqx murde nabzmu nayc-zpwxng.

Matiu 21:5

“Pibz mz lr Jerusalem kx, ‘King rmu dese tqvzpem mz nrwx, votrp mz nei dcngki.’”

Nzryr-krbz Pol Mz Lr Rom 4:13

Esalz-ngrbz Gct mz Ebraam kx sa nakabzle nrlc atwrnrngr bade x doa nedeng mz nzrnginyz-krdrle. Nzmu Gct na-atutr-txpwzle nzesalz-krdeng mz leplz kx nzvz-nqblq-zvzlr Lou scdeng, drtwr ngrde kx mane nzbrtikr drtwrgu nide. X mane kz da kx esalz-ngrbzle murde rblx nzvz-nqblq-zvzngr Lou scdeng. A' Gct tresalz-ngrpwzleu da lc murde Ebraam vz-nqblq-zvzle Lou scdeng, a' murde nztubq-krde mz nzobq-krde vzpxm mz nzbrtikr drtwrde nide. Gct esalz-kai-ngrbzle da lc mz Ebraam, x sc tqka-atebzle Loukxtr mz Mosis. Delc rblx nztubqkr Ebraam nzvzpx-krmle mz nzvz-nqblq-krde Lou sc Mosis.

Efiszs 4:2

Lrpzki kx navz-nqblqamu nide sele. Avzo-lzbqamu. Nanginimu leplz ngr nrwx. X bzkq drtwrmu ngya-anibz mz leplz kx nzatrkatilr nimu. A' mz nivz, rlr-ngrbzmu badr mzli r nztekqtr-krdr nqmq nr drtwrdr.

Kolosia 3:12

Nimu leplz kxnztrng ne Gct kx mcpxpeleng x mrlzti-zlwzle nimu. Nayc mz drtwrmu leplz. X namncamu mz nzokatrngr, nzavzo-lzbqngr, nzmnc-nrwxngr x nzaenzli-zpwxngr.

1 Timoti 6:11

Timoti, nim ncblo ne Gct. Kapx-lzbqm mz da kxtrka lcng amrlx. X lolvz-amqngipwz da kxmrlz lcde seng, nztubqngr, nqmq kr Gct, nzrlxngitingr, nivz, nztu-amqngingr, x nzaodungr.

2 Timoti 2:25

X mz nivz lr Kxetu, na-atubqtile leplz kcng tzpxtxpx-ngrdr nide, murde mwx elx Gct naokatrle nidr mz nztekqtr-krdr nqmq nr drtwrdr x nalxngitilr natq angidr.

Taetus 3:2

Bzkq nzpibqtilr leplz x bzkq drtwrdr ngya ani, a' na-avzo-lzbqng, murde namnc-zpwxng badr leplz amrlx mz nrwx x nivz.

Jemes 1:21

Mz nzmu-krde lcde, esablqtiamu da kx nzatrkatilr nabzmu x rtctx-ngrnamu nzngyatikr drtwrmu leplz mz nzmailz-krde nimu mz alwx. Avzo-lzbqamu mz nzlxngiti-krmu natq Gct kc tqayzuole mz nabzmu, murde natq lcng nzkrlzlr nzarlapxngr nimu.

Jemes 3:13

Neke mz nimu rpile kx nide doa kxyrplapx kx krlz-angidrle da kxtubq, na-alvztrpzle da lcng mz leplz mz nzale-krde da kxmrlz x mz nzavzo-lzbq-krde. Murde nqmq lcng nzvzpxmqng mz nzyrplapxngr kx kabz Gct.

1 Pita 3:15

A' abrtrpzmu drtwrmu mz Jiszs Kxnzmcpx mz nzngini-krde Kxetu rmu. X oliq-zvzamu nzayzlu-krbzmu natq krkcng tzveatibzlr kx memule tqlxngiti-ngrnamu Jiszs x nike tqobqtipx-ngrnamu nzlungr kxboi. A' amatqamu nidr x ayzlu-ngrbzmu natqdr mz nivz.

1 Pita 3:4

A' nzlxngipx-krmu navzpxm mz nabzmu. Murde nzlxngipxkr nabz rblx nzyrkrpx-krde mzli kc nanginipe-ngrmu blang. A' nzlxngipxngr kx vzpxm mz nabz kx vz-nabu x avzo-lzbq ngi da kx myapx-esz'ngr mz nzobqkr Gct.