Matiu 5:10 - Natqgu

¹⁰ “Ngi da kxmrlz nzatrkatingr nimu mz nzale-krmu da kxtubq, murde mnclzbzmu mz Gct mz nzngini-krde King rmu.

Matiu 5:10 ပူးပေါင်းရင်းမြစ်များ

Sam 37:12

Ili! Kxnztubqng x kxtrnzrngiscung na-aclvetio-lzbqng Murde kxdrka'-ngrng nzglalzpelr toki r vea x popz' scdr. Ili! A' kxdrka'-ngrng na-aclvetio-lzbq-kzng murde toki r vea scdr sa nanibq-moule nidr, X Yawe sa naplameitibzle popz' scdr. Jzs Yawe krkcng tzryrlqng drtwr kx na-atrkati-ngrdr kxnztubqng X nzmadqti-zvzbzlr nqngidr badr. Jzsle nidr mz nzodati-krde nidr, X yrpalelvz-zvzle nidr murde trpnzngr nzxplr-krdr.

Matiu 10:23

Mzli kc tzatrkati-ngrmu mz kzdq mztea, vzki-alzuamu dq mztea kzble. X nakrlz-angidramu kx trpnzngr nzayrkrpx-krmu nzyapwxtipx-krbzmu Nrpakxmrlz mz lr mztea amrlx mrka Israel, x ninge Mrlx Leplz sc tqyzlupemc.

Matiu 19:14

Zbz Jiszs rpimle bagr kx, “Bzkq rpwa'-ngrbzmu mz doa lang tztopwzng nzvz-krmlr bange. Murde leplz kxnzmulr lcng nzlxngitilr Gct mz nzngini-krde King rdr.”

Matiu 25:34

Zbz sa narpibo mz leplz kcng tzmncng me matq mz nrlarnge kxrtc kx, ‘Trtenge amrlzle nimu amrlx. Vzmamu x twzamu da kxmrlzting amrlx kcng Gct tqesalz-ngrde nakabzle bamu Heven, mz nzngini-krnge King rmu. Murde oliqti-pnzle da kxmrlz lcng mzli kc tqwz-ngrde nrlc.

Matiu 5:3

“Ngi da kxmrlz nzkrlz-krmu kx mnc-xgleamu nzokatrkr Gct, murde Gct sa nakabzle bamu da kx vzpxm mz nzngini-krde King rmu.

Nrpakxmrlz Kx Yr Mak 10:14

A' mzli kc tqmc-ngrbz Jiszs, drtwrde ngyatx. Sc tqrpipebzle badr kx, “Bzkq rpwa'-ngrbzmu mz doa lang tztopwzng nzvz-krmlr bange. Murde leplz kxnzmulr lcng nzlxngitilr Gct mz nzngini-krde King rdr.

Nrpakxmrlz Kx Yr Mak 10:30

Gct sa naxpe-moule nide nzwrde nangi trtqki lxblr (100) mz nikeng rlaszpxle. Mz nrlc ka sa natwz-moule du ma nyzde, mzledeng, inwedeng, lxedeng, doa kxnztopwz nedeng x drtc' nyzdeng, vzmi nzatrkati-zlwzkr leplz nide murde vz-nqblqle ninge. X mz nrlc kc navzm, sa natwz-kzle nzlungr kxboi.

Nrpakxmrlz Kx Yr Luk 21:12

Da lcng navzmqng kalr, a' nimu lang tzlxngitilr ninge, sa nalolvz kai kxnzetung nimu. Sa na-aetqbzlr drtqmu x navzmilr nimu mz kansrl nyzdr x mz mangr-nzkrka'ngr, x na-adwatrlr nimu mz presin. X navzmibzlr nimu mz king kxtrngiulrJiu, x mz kxnzetung r mrkzbleng mz nzayrplapx-krdr nimu.

Nrpakxmrlz Kx Yr Luk 22:29

Mz nzmu-krde lcde, sa nakao-kzpo bamu zmatq mz nzngini-krmu king, da kc tqwai trtenge nzka-krmle bange zmatq mz nzngini-krnge King.

Nrpakxmrlz Kx Yr Luk 6:20

Jiszs obqbz mz leplz nedeng, x sc tqrpipebzle kx, “Ngi da kxmrlz nzkrlz-krmu kx mnc-xgleamu nzokatrkr Gct mz nrlc ka, murde Gct sa nakabzle bamu da kx nzvzpxmqng mz nzngini-krde King rmu mz nrlc kc navzm. A' ngi da kxtrka nzrngisc-krmu da mz nrlc ka, murde trpnz-moungr da kx natwzamu mz nrlc kc navzm. Ngi da kxmrlz nzrtangrti-zvz-krmu Gct mz nrlc ka, murde sa na-aesapxbzle drtwrmu mz nrlc kc navzm. A' ngi da kxtrka nzamrbrtr-krmu Gct mz drtwrmu mz nzesapxkr drtwrmu mz nrlc ka, murde trpnzngr da kxmrlz kx nangi scmu mz nrlc kc navzm. Ngi da kxmrlz nzyrnibu-krmu mz alwx ngrmung mz nrlc ka, murde Gct sa na-aelalzmle nabzmu mz nrlc kc navzm. A' ngi da kxtrka nzmrge-zvz-krmu x nzabrtz-zvz-krmu mz nrlc ka, murde sa nayrni-aloamu mz nrlc kc navzm. Ngi da kxmrlz nzatrkatingr x nzpxtxpxngr, x nzrpibqtingr x nzobqszongr nimu murde vz-nqblqmu ninge mz nrlc ka. Mzli la naelalvzamu nzapu-krmu profet neng Gct kcng tzatrkati pnz melrmqmung. Murde mz nrlc kc navzm, sa natwzamu da kcpwz tqmyapx-esz'ngr tztwzlr profet lcng. A' ngi da kxtrka leplz amrlx nzabrtzlvz-krdr nimu mz nrlc ka. Murde mz nrlc kc navzm, sa natwzamu nzayrplapxngr kcpwz tqkrlzbzle melrmqmung kcng tzabrtzlvzlr profet kcng tzalvztr-rbrng mzli kc bqnc.”

Nrpakxmrlz Kx Yr Jon 15:20

Nadcpx mz drtwrmu da lc tqpibo bamu, ‘Trpnzngr kxnzawz kx myaszlzle kxetu rde.’ Nzmu kx tzatrkatilr ninge kc tqngi kxetu rmu, sa na-atrkati-kzlr nimu mz nzngini-krmu kxnzawz nengeng. A' nzmu nayrlqlr natqnge, sa nayrlq-kzlr natqmu.

Aposol 5:40

X Kansrl kc vz-nqblqbzle natqde. Sc tzkqlepe-mopwzlr aposol kcng navztrpzng badr, nzvibrtibzng x nzpibzlr kx bzkq nzycmnetrpe-mou-ngrdr Jiszs. Zbz sc tzrlrpxpe-ngrbzlr nzvz-krdr.

Aposol 8:1

Mz nibr nzrnibqngr Stivin, kzdung lr Jiu kx nzangio-zvzlr Yawe, Gct rdr, nzyrtzmqlr nrkrdrtqde. X trmyamiu drtqdr nzryrnimingr. X natqdr betx mz nzyrni-krdr. X Sol lc abrtzlvzle nzrnibqngr Stivin. X sc tqabzopele nzodati-krde lrmakxtr. Dwatrngr kc ma, dwapxm, x dwatr-mou-ngrde kc ma, mz nzrkilzpx-krmle leplz neng Jiszs, vz-ngrde ncblo x olvz tqadwatrleng mz presin. X abzo mz zbq lc, nzatrkati-zlwzlr lrmakxtr kcng tzmncng Jerusalem. Zbz kxnzrlxngiting amrlx nzangiliating x nzplckilr me blepx-lxblrng mz provins kcng Judiz x Szmariz. A' aposol kcng, nidr kc txpwz kx trnzplcpx-pnzung Jerusalem.

2 Korint 4:17

Mz nzobqtipx-krgu nzetukr da kxmrlzting amrlx kx natwz-aloku Heven, nzaetq-krmlr drtqgu mz nrlc ka topwz, x mzli rde mrbcnepwz.

Filipae 1:28

Bzkq mwxlrtiamu ncblo kcng tqotaamu badr, murde Nrpakxmrlz aelwapx-ngrde kx Gct sa naodatile nidr, a' na-arlapxle nimu.

2 Timoti 3:11

X krlzpeq kxmu nzatrkati-krdr ninge, x nzaetq-krdr drtqnge mzli kc tqmnc-ngrne mztea Adiok, Ikonizm, x Listra. Kxmule-esz' sc tzatrkatilr ninge, a' Kxetu rgu sc tqokatrpele ninge x arlapxle ninge murde ma tqbzx.

Jemes 1:12

Sa namrlzbz mz doa kx tu-amqngi mz nzkxpungr x drtwrde trlcu. Murde mzli kc nzkxpungr lcng nayrkrpx-ngrbzle, sa nakabz Gct bade da kc tqmrlz tqngi nzlungr kxboi. Murde esalz-ngrde kx nakabzle mz leplz kcng tzmrlztilr nide.

Jemes 5:11

Amrlueku leplz kcng tztu-amqngitrpzng mz Gct mzli kx da rblx-ngrde, da kc tqwai Job. Krlz-angidramu kx Yawe ayrkrpxbzle nzetqkr drtqde, murde Yawe aodu-zvzle leplz x yc kz mz drtwrde nidr.

1 Jon 3:12

Bzkq apuku Ken kc tqvz-nqblqle Setzn kc Tqdrka'ngr x nibqle mzlede Ebol. Murde nztubqkr nqmq kr mzlede aelwapx-ngrbzle bade kx nqmq krde drka'ngr.

Nzaelwapxngr 2:10

Bzkq mwxlramu mz da trka naprtilzbzng bamu. Kzdq la mzli, enqmi rmung sa nalolvzlr nimu x na-adwatrlr nimu mz presin mz nzabzpxngr nzrlxngiti-krmu, murde nzvz-nqblqlr drtwr Setzn. X naetqti drtqmu zbq nzpnu naesz'. A' abrtrpa'mu drtwrmu bange, kxmule-esz' nznibqlr nimu. Murde mz nibrde, sa nakabo bamu nzlungr kxmrna, nangi da kxmrlz kx vzpxm mz nzrlxngiti-krmu.