Matiu 26:74 - Natqgu

⁷⁴ Zbz rpibz Pita kx, “Naesalzbo bamu kx nangi bongavz, da zpwx lc tqpibo bamu. Trkrlzwxu ncblo la. Nzmu kx tqpokiabo na-ayrplapx zvz Gct ninge.” X mzli kcpwz kio kc tqkya'pe.

Matiu 26:74 ပူးပေါင်းရင်းမြစ်များ

Matiu 10:28

Bzkq mwxlrtiamu nzrnibqkr leplz. Murde krla tznibq-txpwzlr nrkrdrtqmu. A' namwxlrti-txpwzmu Kxetu kc tqodatile nrkrdrtq x mqngr leplz kxnztrkang mz Hxl.

Matiu 26:34

Jiszs rpibzle mz Pita kx, “Napi-angidrbo bam, koma mz nrlckxbq, nzwrde natq nzrpi-krm trkrlzwq ninge x kio kc tqkya' ate.”

Matiu 26:73

Zbz mzli trboiu kzdung leplz kx nztung mrkc nzvzmqng mz Pita nzrpi-kzpzlr kx, “Krlztx-angidrkr kx nim kzdq nidr, murde rblx nzyrlq-kapq-krm nzngini-krm lr Gzlili.”

Matiu 26:75

X sc tqdcpxpe mz drtwr Pita nzrpi-krbz Jiszs bade kx, “Napibo bam, nzwrde natq nzrpi-krm trkrlzwq ninge, x kio kc tqkya' ate.” Zbz Pita sc tqvzpxpe, x tqbztipele nzyrningr.

Matiu 27:25

X leplz lcng nzayzlu-ngrbzlr natqde kx, “Nzbz-krde natutrp bagr x doa negrng.”

Nrpakxmrlz Kx Yr Mak 14:30

Jiszs rpibzle mz Pita kx, “Napi-angidrbo bam, koma mz nrlckxbq, nzwrde natq nzrpi-krm trkrlzwq ninge x kio nzkya'-krde nzwrde krali kc ate.”

Nrpakxmrlz Kx Yr Mak 14:68

A' Pita pokiatxbz, rpibzle kx, “Trkrlzwxu da la tqycmnetr-ngrn.” Zbz tulzm x sc tqtutrpe mz naonrx, x kio kc tqkya'pe.

Nrpakxmrlz Kx Yr Luk 22:60

A' rpibz Pita kx, “Mrlx lc e, trkrlzwxu da la tqycmnetr-ngrn!” X mzli kc tqycmnebe-ngrde kio kc tqkya'pe kz.

Nrpakxmrlz Kx Yr Jon 18:27

A' Pita pokia-mopwz, rpibzle kx, “Trtxpnzngr! Trnipwc'u la tqpiq.” X mzli kcpwz kio kc tqkya'pe kz, da kc tqwai nzpi-pnzkr Jiszs le.

Nzryr-krbz Pol Mz Lr Rom 9:3

Lr Jiu kxkqlu trnzlxngitilru Jiszs nzngini-krde Mevalu Kxnzmcpx. A' suti zlwz drtwrnge nzokatr-krnge nidr mz nztekqtr-krdr nqmq nr drtwrdr, murde nidr kxnginingeng x nqvi kr bangeng. Kxmule-esz' rblx, a' da kx aoti txpwz drtwrnge nide sele—nzayrplapxkr Gct ninge x nalakitxpxmle ninge mz Kraes, nzmu da lc kx tqkrlzle nzokatr-krde lr Jiu lcng mz nzesotr-krbzlr mou mz Gct. A' trtingr.

1 Korint 16:22

Nadcpx mz drtwrmu kx doa kx trmrlztileu Kxetu mz nzvz-nqblq-krde natqde, namnclzbz mz nzrpilzngr kc na-amncle nide mz Hxl kalr. X nakrka'-zvz-ngrgu kx, “Kxetu Jiszs, vz-anim!”

Nzaelwapxngr 3:19

Krkcng tqmrlzti-zlwzxng krlzx nzlclvz-krbo badr da, x nzayrplapxngr nidr. Mz nzmu-krde lcde, drtwrmu nayzlu, x napqtitr drtwrmu ninge.