Matiu 24:22 - Natqgu

²² Gct aotipe drtwrde nzamrbcnetr-krmle mzli lc, murde leplz ma tzyrkrtxtrng. X amrbcnetrple mzli lc mz nzokatr-krde leplz kcng tqmcpxpeleng.

Matiu 24:22 ပူးပေါင်းရင်းမြစ်များ

Matiu 22:14

Zbz Jiszs ayrkrpxle nzycmne-ebzpxngr lc mz nzrpi-krbzle kx, “Kxmule-esz' Gct aveatile leplz kxnzkqlung mz nzmnclz-krbzlr bade mz nzngini-krde king, a' kxnzmcpxng nzpipzng.”

Matiu 24:24

Murde mevalu kxnzpokiang x profet kxnzalvztr-rbrng sa navzmqng. X na-aleting rkx x da kx nakctipxng mz nzesabrti-krdr leplz kcng tqmcpxpeng Gct, nzmu nakrlzlr nzyatr-krbzlr.

Matiu 24:31

X mzli lc, trpu kxetu nayrni x sa na-atwzlrpx-ngrne enjrl nengeng mz nrlc tulvzo. X sa navzmimlr leplz neng Gct kcng tqmcpxleng.”

Nrpakxmrlz Kx Yr Mak 13:20

Gct aotipe drtwrde nzamrbcnetr-krmle mzli lc, murde leplz ma tzyrkrtxtrng. X amrbcnetrple mzli lc mz nzokatr-krde leplz kcng tqmcpxpeleng.

Nrpakxmrlz Kx Yr Luk 18:7

A' Gct trapuleu majzstret kxmule la. Murde nide tubq x mrlztile leplz nedeng. X trpnzngr nzaenzli-krde mzli kxboi mz nzokatr-krde kxmcpxleng, mz nzkrka'-zvz-krbzlr bade mz zbq kang kqlu.

Nzryr-krbz Pol Mz Lr Rom 9:11

Kxmule-esz' mztr trnzmcka x trnzalekalr da kxmrlz o da kxtrka, a' rpibz Gct mz Rebeka kx, “Mrlxm kxetu sa nawztrpz mz mzlede kxtopwz.” Gct pile da lc mz nzaelwapx-krde kx nzmcpx-krde leplz trtuou mz da kx nzalelr, a' tuo mz drtwr kx yrlq-pnzle.

2 Timoti 2:10

Delc, tqvz-zvzngr nzlepx-krnge Nrpakxmrlz, x rlrpx-lzbq-ngrne mz nzprtilz-krdr ninge da lcng amrlx, murde leplz kcng tqmcpx Gct narlapx-kzng, mz nzlxngiti-krdr Mevalu Jiszs, x naprtr-kzng mz nzlungr kxboi Heven.

1 Pita 1:1

Ninge Pita, aposol ne Jiszs Kxnzmcpx. Ryrbo bamu nimu leplz kcng tqmcpx Gct mz nzngini-krmu lr mrkzbleng mz nrlc ka, murde mrnyzmu angidr Heven. Nimu kcng tzakiting nrlc mz provins kcng Pontzs, Galesia, Kapadosia, Esia x Bitinia.