Matiu 24:2 - Natqgu

² Rpim Jiszs bagr kx, “Napi-angidrbo bamu kx da lcng amrlx tqmcamu, x Mangr-nzangiongr lc trnatu-alou. Trpnzngr rplz ngrde kx nablio me yc-ngrde. Murde sa naodati enqmi rmung kalr.”

Matiu 24:2 ပူးပေါင်းရင်းမြစ်များ

Nrpakxmrlz Kx Yr Luk 19:44

X sa naodatilr nimu lr Jerusalem. Na-awxlikiolr drkq nyzmu x ma nyzmu amrlx. Murde trglxwamuu Gct mzli kc tqoklati-ngrmle nimu mz nzarlapx-krde nimu, a' pxtxpx-ngrnamu nide!”

2 Pita 3:11

Mz nzaotikr drtwrmu nzodatingr lc, na-aoti kz drtwrmu nzmnc-krmu. Murde mzli ka tqaenzli-ngramu nzkaputr-krm mzli lc, suti drtwr Gct kx nzmnc-krmu natr mz nzvz-nqblq-krmu me pnz drtwrde. Murde mz nzayrkrpx-krmu nzwz-krde mz nrlc, sa nabatrpzle nzkaputr-ani-krm mzli lc, mzli kc bongavz nangc-atwrnr-ngrde x dalrdeng sa nayrleniting mz nzrbqkr nzulr nyr.

Nzaelwapxngr 21:22

A' trpnzngr Mangr-nzangiongr kx mcx Mzteadau mrkc tqmnc-ngrbz Gct badr leplz nedeng. Murde Kxetu Gct kc tqrninr ncdr Nei Sip nztekqtrlr Mangr-nzangiongr mz nzangiongr nidr mz nrlc amrlx Mzteadau.