Matiu 23:4 - Natqgu

⁴ Nzaleti-katong nqmq krdr kxkqlu kx nayrlqtr-mopwzlr mz Lou sc Mosis. X rblxbz mz leplz nzma-nqblq-krdrleng. Murde nqmq lcng nzapupelr da kxmrlepu, kx nzyrlqlzbzlr mz nabx leplz kx naglqlr. A' nidr esz'-krdr, trnzvz-nqblqlru nqmq lcng. X trnzokatrlru leplz nzrglqngr da kcng tqmrleputi.

Matiu 23:4 ပူးပေါင်းရင်းမြစ်များ

Matiu 23:23

“Agrmplz nimu blzpokiang, nimu Farzsi x kxnzalvztrng mz Lou sc Mosis! Murde Gct sa na-ayrplapxle nimu! Kxmule-esz' kabzmu da kranzpnu ngr da amrlx bade mz da kxtopwzng kx trmyapxpwzu. A' trkxtx-pnzu drtqmu da kxmyapxbz. Murde tralewamuu da kcng tqtubqbz mz leplz, tryc-ngru drtwrmu nidr, x tratutr-kzwamuu natqmu. A' takitrde nzale-kai-krmu da lcng tqmyapxbz, x ale-kzamu da kcng trmyapx-zlwzpwzung.

Matiu 23:3

Mz nzmu-krde lcde, navz-nqblqamu da amrlx kcng tzalvztr-ngrdr nimu. A' bzkq vz-nqblqamu nqmq krdr, murde trnzvz-nqblqlru da kcng tzalvztr-ngrdr leplz.

Nrpakxmrlz Kx Yr Luk 11:46

Rpibz Jiszs kx, “Agrmplz nimu, kx kxnzalvztrng mz Lou sc Mosis. Gct sa na-ayrplapx-kzle nimu! Aleti-katoamu nqmq krmu kxkqlu kx yrlqtr-mopwz mz Lou sc Mosis. X rblxbz mz leplz nzma-nqblq-krdrleng. Murde nqmq lcng nzapulr da kxmrlepu, kx yrlqlzbzmu mz nabxdr kx naglqlr. A' nimu esz'-krmu, trvz-nqblqwamuu nqmq lcng x trokatrwamuu leplz mz nzrglqngr.

Aposol 15:10

Mz nzmu-krde lcde, bzkq angyatiamu drtwr Gct mz nzrtulrtr-ngrbz badr nzvz-nqblq-krdr lou scgung amrlx kx rblx-atwrnr-ngrm bagu nigu lr Jiu, nzvz-nqblq-zpwx-krguleng.

Aposol 15:28

Drtwrgr esz'ti mz Mqngrkxtr kx bzkq kabzkr bamu lou scgr kxkqlu, nigr lr Jiu, murde ma tqmrlepubz bamu. A' nangi txpwz da lcde seleng murde naodutr-lxblrku:

Galesia 6:13

A' krkcng tzrpakrng trnzlolvz-pnzlru Lou scng Gct amrlx. A' nzsuti drtwrdr nzglqpx-lzbq-ngrbz mz lr Jiu kcng, mz nzvecpx-krdr nimu mz nzrpakrngr.

1 Jon 5:3

Aelwapx-ngrgu nzmrlzti-krgu Gct mz nzvz-nqblq-krgu natqde. X natqde tr-rblxpuu bagu murde doa nedeng nzkrlzlr nzvz-nqblq-krdr me pnz drtwr Trtedr. Doa nedeng amrlx kcng tzlxngitilr kx Jiszs nide Mrlxde, nidr txpwz kx nzrngiscng zmatq ngr nzaovxio-krdr nzatalzngr x alwx amrlx. Zmatq lc vzpxm mz nzabrtr-krbzku drtwrgu mz Jiszs nzokatr-krde nigu.

Nzaelwapxngr 2:24

“A' kzdu nimu lr Taeatira trnzvz-nqblqlru nzalvztrkr Jesebel lc. X trprtrpwzmuu mz da kc tzrpibz ‘da kx yc-kapq sc Setzn.’ X napibo bamu kx trtxpnzngr natq mou kx nayrlqamu, a' lolvz-amqngiamu nzlxngiti-krmu ninge, da kc tqwai nzlolvz-zvz-krmule, navz navz mzli kx nayzlu-ngrmc.