Matiu 14:3 - Natqgu

^3-4 Nzbzkr Jon kxmule sele. Herot twzle olvz r mzlede Filip. X Filip lc sc tqlube, kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngibz alwx mz nzobqkr Gct mz nzyrlzti-krde olvz r mzlede. Zbz Herot atwzlr-ngrbzle ncblo ngr vea nedeng, nzlolvzlr Jon x na-adwatrlr mz presin.

Matiu 14:3 ပူးပေါင်းရင်းမြစ်များ

Matiu 11:2

Mzli lc Jon Kxawrkxtr sc tqmnc mz presin. Kx xlrle da kcng tqale Kraes, sc tqatwzlrpe-ngrbzle kcng oblamzdeng bade.

Matiu 14:6

Zbz mz zbq kc tqkaputr-ngrm nzrmcngr mz Herot, alebzle kc nzmungr mz ncblo nedeng. Zbz abrtzlvzle inyx Herodizs, mz nzela-krbzle badr mz nzelangr kx batrpzle ncblo nzrkcmnzngr nide.

Matiu 4:12

Zbz kzdq ncblo adcpxbzle mz Jiszs kx Jon Kxawrkxtr nzadwatrpe mz presin. Zbz Jiszs sc tqrkalzpem Judiz Provins tqyzlupe Gzlili Provins.

Nrpakxmrlz Kx Yr Mak 6:14

Mz mzli lcng, nrpa ngr Jiszs x da kx aletileng xlrti kz King Herot Antipas, kc tqaclvele Provins kc Gzlili, murde leplz ngr mrkang kqlu sc tzycmnetr-ngrdr Jiszs. Kzdung nidr nzrpilr kx, “Mwx ncblo lc, Jon Kxawrkxtr elc, tulzpe-mop mz nzbzngr. Dekc tqale-ngrde rkx kcng tqmatq-esz'ngr.”

Nrpakxmrlz Kx Yr Mak 6:17

Nzbzkr Jon kxmule sele. Herot twzle olvz r mzlede Filip. X Filip lc sc tqlube kx tqyrlzti Herot kc olvz rde. Drtq olvz lc Herodizs. A' Jon pi-zvzbzle mz Herot kx ngi-alwxbz mz Gct nzyrlzti-krde olvz r mzlede. Natq lc ngyangr drtwr Herodizs x rpile nanibq-ngrde Jon. Zbz Herot atwzlr-ngrde ncblo ngr vea nedeng, nzlolvzlr Jon x na-adwatrlr mz presin. A' rblx nznibqkr Herodizs le, murde Herot mrlue mz drtwrde Jon x krlzle kx nide ncblo kxmrlz x tr, dekc tqamnc-zpwx-ngrdele. Suti drtwrde nzvz-krbz Jon bade mz nzlalztq-krbzle mz nzryapwx-krde, kxmule-esz' narde tryrplatrpwzu mz natqdeng amrlx.

Nrpakxmrlz Kx Yr Mak 6:22

Mzli lc tzyrlwr-ngrdr, nzabrtzlvzlr inyx Herodizs mz nzela-krbzle badr mz nzelangr kx batrpzle ncblo nzrkcmnzngr nide. Sc tqrpipebz King Herot mz doa olvz kc kx, “Nike suti drtwrm, rlxtim bange mzli ka, x sa nakabo bam. Nike narlxtime bange esalz-ngrne kx sa nakabo bam, kxmule-esz' kzdq nctq drtc' ka tqaclvex o dztungeng kxkqlu!”

Nrpakxmrlz Kx Yr Luk 13:1

Mzli lcde kzdung leplz kcng tzmncng mrkc, nzpibzlr mz Jiszs kx nznibqti ncblo ngr vea neng Paelzt kzdung lr Gzlili, mzli kc tzkalz-ngrbzlr blz krdr mz Gct mrkc Jerusalem.

Nrpakxmrlz Kx Yr Luk 13:31

Mzli lcpwz kzdung Farzsi nzvzmqng mz Jiszs, sc tzrpipebzlr bade kx, “Rlaszpe mrka x vzkipe mz kzdq kz nrlc. Murde rpi King Herot nanibqle nim.”

Nrpakxmrlz Kx Yr Luk 23:11

X King Herot nidr badr ncblo ngr vea nedeng nzxtrngalvztitrlr Jiszs, x nzrwaitibzng da kxtrka kx plzpxle kx trnzamatqlru nide. Nzakq-ngrdr nide lrpz sc king, ngi dalr nzxtrngalvztitr-krdr Jiszs, murde nzrpi-krde kx nide King r lr Jiu. Zbz sc tqatwzlrpe-mou-ngrbz king Herot mz Paelzt.

Nrpakxmrlz Kx Yr Luk 23:7

Kx krlzpele kc kx Jiszs vzkimle mz Gzlili Provins, mrkc tqaclve king Herot, sc tqrpipebzle mz ncblo ngr vea kx navzmibzlr bade. Murde sc tqmnc kz Jerusalem mzli lcde.

Nrpakxmrlz Kx Yr Luk 3:1

Mzli kc Taebirizs tqngini-ngrde king kxetu r Rom, kzdung kz gavzna x king nzmnclzbzng bade. Kzdq nidr Pcntizs Paelzt nide gavzna ngr Judiz. Kzdq mou Herot Antipas nide king kx aclvele Gzlili. X mzle Herot, Filip, nide king kx aclvele Provins kcng Itiria x Trakonaetis. X kzdq mou Laesanias nide king kc tqaclvele Abilin Provins.

Nrpakxmrlz Kx Yr Luk 8:3

X prtr-kzpz Joana krnalz Kusa kc tqngi ncblo kxetu wztrpz mz King Herot Antipas. X prtr-kzpz Susana, x kzdung kz olvz kxkqlu kx nzokatrlr Jiszs x ncblo nedeng, mz trau scdr.

Aposol 12:1

Mzli lcdeng, King Herot Agripz Kc Kai rkabz natq mz ncblo ngr vea nedeng kx nalolvztilrng kzdung lrmakxtr, murde na-atrkatilr nidr.

Aposol 4:27

Natq Devet lc atukztrpe Jiszs! Murde King Herot Antipas x Pcntizs Paelzt nzyrlwr-lxblrbzng mrka Jerusalem badr kxtrngiulrJiu x lr Jiu. Nzryrlqting drtwr mz nzatrkati-krdr Jiszs, kxnzawz nem kxtr, kc tqmcpxq.