Jemes 5:11 - Natqgu

¹¹ Amrlueku leplz kcng tztu-amqngitrpzng mz Gct mzli kx da rblx-ngrde, da kc tqwai Job. Krlz-angidramu kx Yawe ayrkrpxbzle nzetqkr drtqde, murde Yawe aodu-zvzle leplz x yc kz mz drtwrde nidr.

Jemes 5:11 ပူးပေါင်းရင်းမြစ်များ

Sam 103:13

X Yawe amqtrple drtwrgu, Da kc tqwai trte nzamqtr-krbzle drtwr doa nedeng.

Sam 103:8

Yawe mrlz-esz'ngr x aodu-zvzle nigu. Drtwrde trngya-aniu, a' okatr-zvzle nigu.

Sam 116:5

Zmrlz ngr Yawe myalz-esz'ngr mz nzokatr-krde leplz. Ycngr drtwrde nigu. Zmrlz ngr Yawe myalz-esz'ngr.

Sam 119:132

Nayc mz drtwrm ninge, Da kc tqwaibzme mz krkcng tzamrluelr nim.

Sam 37:37

Yrlq angidr mz drtwrm ncblo kxmrlz kxtubq, murde mnc mz nrwx, X doa kxnzmika mz neidu lrde nzkqlu-zlwzng. Yrpalelvzx kxdrka'-ngrng murde sa nabzting, X doa lr neidu lrdr sa nayrkrtxong. Zvz Yawe na-arlapxle kxnztubqng. Murde nide me nzrlakitrlr mz mzli r nzkxpu-krdr. Zvz Yawe na-arlapxbzle nidr mz mq kxdrka'-ngrng, Murde nzbrti drtwrdr nide nzokatr-krde nidr.

Sam 51:1

Gct, nayc mz drtwrm ninge, X atubqtim nzvz-rbr-krngeng, murde aodu-zvzq ninge.

Sam 78:38

A' trodatileu nidr, murde yckqti mou drtwrde nidr x ipqpxbzle alwx ngrdrng. X nzwrde kqlu kx ngyatingr drtwrde nidr, a' lolvztxde zngya ngr drtwrde.

Sam 86:15

A' yc zvz mz drtwrm leplz, x zmrlz ngrm myalz-esz'ngr. X drtwrm trngya-aniu, a' nzaodu-krm x nzangidati-krm tqvzpe tqvzpe.

Sam 86:5

Murde mrlz-esz'ngrn nzripq-zvzngr. X aodu-zvzq krkcng tzkrka'bzng bam.

Sam 94:12

Yawe, namrlzbz mz krkcng tqpnanatiqng, Mz nzalvztr-krm nidr mz loukxtr scm.

Matiu 10:22

Leplz kxnzkqlung sa napxtxpx-ngrdr nimu, murde nimu leplz nengeng. A' nzmu natu-amqngi-zvzamu mz nzrlxngiti-krmu krlzbzle nzbz-krmu, sa na-arlapx Gct nimu.

Nrpakxmrlz Kx Yr Luk 1:50

Aodu-zvzle krkcng tzamrluelr nide.

Nrpakxmrlz Kx Yr Luk 11:10

Murde doa kx rlx da kx takitrde nide, sa natwzle. X kx rtangrtile nzokatrkr Gct, sa nangida. X kx abctr-zvzbz mz Gct, naonrx nyz Gct sa nalvxpxbz bade.

Nrpakxmrlz Kx Yr Luk 6:36

Nayc mz drtwrmu leplz, da kc tqwai Trtemu Gct nzyc-zvzkr drtwrde nidr.”

Nzryr-krbz Pol Mz Lr Rom 2:4

X bzkq obqszoq nzmyalzkr zmrlz ngr Gct, x nzaenzli-zpwx-krde. Mwx trkrlzwq kx zmrlz ngrde kxmyalz drtwr ngrde kx trayrplapxleu nim mzli ka, murde narnginyzm mzli r nzyzlu-krm drtwrm x nztekqtr-krm nqmq nr drtwrm.

Efiszs 1:6

X naglqlz-ngrgu nide zmrlz ngrde kxmyalz-esz'ngr, kc tqka-nrbalqmle bagu mz nzaxvctr-krbzle nigu mz Mrlxde Kxnzmrlzti.

Efiszs 2:4

Kxmule-esz', a' Gct yc zlwz mz drtwrde nigu leplz amrlx, murde aodu-zlwzle nigu.

Hibru 10:39

A' trprtrpwzkuu mz leplz kcng nzyzluki-moulr mz nibrdr, x nzodating. A' prtrpzku mz leplz kcng tzbrti drtwrdr Gct, x nzrlapxng.

Hibru 3:14

Murde nztwz-krgu da kxmrlzting amrlx kcng tqesalzngr Kraes mz nzaxvctr-krbzku bade, nzvzpxmqng mz nzlolvz-amqngi-krgu nzlxngiti-krgu nide, da kc tqwai mzli kc tqrlxngiti-ayrnr-ngrgu, nakrlzbzle nzbz-krgu.

Hibru 3:6

A' Mevalu atutrle da amrlx kcng tqyrlqbz Gct bade mz nzngini-krde Mrlxde kc tqaclve-angidrle lr ma nyz Gct. X nipegu lr ma nyzde nzmu natu-amqngiku mz nzbrtikr drtwrgu Kraes x mz nzlxngiti-krgu kx sa naprtrku mz nzlungr kxboi, navz nakrlzbzle mzli kc nabz-ngrgu.

Jemes 1:12

Sa namrlzbz mz doa kx tu-amqngi mz nzkxpungr x drtwrde trlcu. Murde mzli kc nzkxpungr lcng nayrkrpx-ngrbzle, sa nakabz Gct bade da kc tqmrlz tqngi nzlungr kxboi. Murde esalz-ngrde kx nakabzle mz leplz kcng tzmrlztilr nide.

Jemes 1:2

Mzlengeng x inwengeng, mzli kznikeng nzprtz-ngrbz nzkxpungr bamu, na-abrtzlvzamung.

1 Pita 1:13

Mz nzmu-krde lcde, oliqtiamu drtwrmu mz nzvz-nqblqngr me pnz drtwrde x aclve-lzbqamu. X na-aoti txpwz drtwrmu da kxmrlzting kcng tqobqtipxamu nzrka-ngrbz bamu mzli kc nayzlu-ngrm Jiszs Kxnzmcpx.

1 Pita 3:14

A' nzmu kx tzaetqngr drtqmu mz nzale-krmu da kxmrlz, sa namrlzbz bamu kalr. Murde Nzryrngrkxtr rpile kx, “Bzkq kxne drtqmu natq ngr nzamwxlrkr leplz nimu.”

2 Pita 2:9

Krlcng nzaelwapx-ngrdr kx Gct krlzle nzarlapx-krde leplz nedeng kxnztubqng mz nzetqkr drtqdr. X krlz-kzle nzlolvz-amqngi-krde leplz kxdrka'-ngrng mz nzamnclz-krbzle nidr mz zmatq ngr nzayrplapx-krde nidr, vz-krlzbzle mzli kc nayzlu-ngrm Jiszs mz nzayrplapx-zpwx-krdeleng.