Jemes 4:5 - Natqgu

⁵ X krlzamu kx ncblo dobulvzle olvz rde mz nzsutikr drtwrde ncblo kzble. Mz nqmq lcpwz Nzryrngrkxtr alvztr-ngrde nigu kx Mqngrkxtr kc tqamncpxm Gct mz nabzgu dobulvz-kzle nigu mz doa x da kznikeng suti drtwrgu nzmyaszpx-krde Gct.

Jemes 4:5 ပူးပေါင်းရင်းမြစ်များ

Sam 106:16

Mzli lcng li kzdung ncblo tzrnzlvzolr Mosis, Ncdr Eron kc tqngi kxnzawz kxtr nem.

Sam 37:1

Abrtzlvz nzwztr-krbzme mz Yawe, X sa nakabzle da kcng tqpq mz nabzm. Ale da kxmrlz x abrtrpz drtwrm bade, Murde namnc-zpwxq mz drtc' kc tqpile kx nakabzle bamu. Bzkq witibz nelzm nzmnckr kxdrka'-ngrng, Murde mzli trnaboiu x sc tzbzpeng. Bzkq kcmnz-ngrbzme nzalengr da kcng tzalelr, Murde nzlu-krdr sa namrbc nzapulr nabr kxglr mz mzli r nepi.

Nrpakxmrlz Kx Yr Jon 10:35

Krlzku kx nike pi Nzryrngrkxtr ngi zvz da zpwx. Delc Gct tramatine-lzbqu mz nzrpi-krde kx leplz lcng nzapu-kzlr nide.

Nrpakxmrlz Kx Yr Jon 19:37

X kzdq kz Nzryrngrkxtr rpile kx, “Leplz sa naobqlvzlzlr ncblo kc blrirde tzluplxtr.”

Aposol 7:9

X rpi-mopwz Stivin kx, “Melrmqgung lcng nzdobubzng mz mzledr Josip. X sc tzamwapebzlr mz ncblo kx nzrvzming mz drtc' ngr Ijipt, nangi kxnzawz-nrbalq. A' Gct mncbz bade.

Nzryr-krbz Pol Mz Lr Rom 1:29

Nabzdr yrbulzm mz da kxtrka, da kxdrka'ngr, x da kx nzvz-rbr-zlwzng kang kqlu, mz nzngini-krdr kxnztrkibrng, kxnzrkcmnz-ngrng, x kxnzdobu-zlwzng, x kx drtwrdr trkabz mz leplz, kxnzrnibqng, kxnzota-zvzng, kxnzesabrng, kxnzabrtzlvzlr nzaetq-krdr drtq leplz, x kxnzrpikiting leplz.

Nzryr-krbz Pol Mz Lr Rom 9:17

Na-aoti kz drtwrgu King r Ijipt. Murde Nzryrngrkxtr alvztr-ngrde kx Gct rpibzle bade kx, “Yrlqx nim mz nzngini-krm king, murde na-aovxiox nim mz zmatq rnge x nrpa rnge natalvzole nrlc.”

1 Korint 6:19

?Myx kxmule, trkrlzwamuu kx nrkrdrtqmu ngi Mrkc Tqtr nyz Mqngrkxtr mz nzmncpx-krmle elr? Mqngrkxtr lc tqkabz Gct bamu. X nrkrdrtqmu scdeng.

2 Korint 6:16

?Myx kxmule, takitrde mqngr drka' kxnzlz nztupx-krmleng Mangr-nzangiongr Yawe? Bzkqtx pnz! Mz nqmq lcpwz, trtakitrdeu nigu kxnzrlxngiting nzaxvctr-lzbq-krbzku mz kxtrnzrlxngitiung. Murde nigu Mrkc Tqtr nyz Gct mz nzmncpx-krmle elr. Rpile mz Nzryrngrkxtr kx, “Sa namncpxmc mz leplz nengeng x mz mzlirdr. Sa nanginibo Gct rdr, x nanginidr leplz nengeng.”

Galesia 3:8

Mz Nzryrngrkxtr, Gct aopx-pnzle kx sa na-atubqtile kxtrngiulrJiu amrlx mz nrlc mz doa kx vzpxm mz nqvi lr Ebraam, krlc Kraes. Murde rpibz Gct mz Ebraam kx, “Mz nqvi lrm, sa na-amrlzx neidu amrlx mz nrlc ka.”

Taetus 3:3

Mwx elx nzmrlzkr nqmq krdr navectrple mz Jiszs leplz kxtrnzrlxngitiung. Murde mzli kc trlxngitika-ngrgu Jiszs, alwx kc tqyclzm mz nabzgu avz-rbrle nigu, x angqngule nigu, x batrple nzxpqbrlr-krgu Gct x kxnzetu rgung. X mz nzvz-nqblq-krgu nqmq ngr alwx lc, batrple bagu nzmnc-nqblqtx-krpwzku da kx mrlzm bagu. Ycmnetr-zvzbzku mz mz leplz x rkcmnz-zvz-ngrgu. Nztrkati drtwr leplz nigu x trkati kz drtwrgu nidr.