14 Murde trpnzngr nimu kx rkrlz da kx naprtzbz bade kalrla. Mzli nyzgu mrbcnepwz, apule zsikapu kc tqvzdz. Mc-ngrgule mzli pipzne x sc tqmrbrpe mou.
Nrkrdrtqnge nzpq-krde apule nyr. X mzli trnaboiu ninge kc tqbzpex, tqapupex zsikapu kc tqmrbr ani.
Nzmrbcnekr nzlukr leplz apule nzyrplaokr nrc kxesz'. X apu-kzle zmio kc tqmrbr mz milzpq.
Murde nim kx amrbctrp nzlu-krnge. X mzli kx lutix ngi da txne mz nzobq-krm. Nzlukr leplz mrbcnepwz apule nzyrplaokr nrc kxesz'.
Murde krlzle kx nidr leplz x nzkrlzlr nzbzngr, Mz nzapu-krdr nenq kc tqwq x sc tqamaneope.
A' na-aoti drtwrm nzmrbcnekr nzlu-krgr nigr leplz Mz nzmnc-krgr mz nrlc.
X kxrlxngiti kx ngi doa kxetu mz nzngini-krde bcnyr, na-abrtz mz nzavzo-lzbq-krde, murde krlzle kx Gct tramatqleu nzngini-krde bcnyr. Murde doa kx ngi bcnyr apule nrpq mqmya kc tqkawxpx mz nourla x sc tqblotrpe mzli kc mz milzpq.
Da kc tqwai, nzpikr Nzryrngrkxtr le kx, “Leplz amrlx sa nayrkrpxng mz nzapu-krdr nabr kxglr. X zluli rdr apule nrpq nounc kcng tzplclqtiong.
Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.
X mzli trnaboiu x nrlc ka sa nayrkrpx. X da kxtrka scdeng amrlx sa namrbrmi-kzleng. A' doa kx vz-nqblq-zvzle me pnz drtwr Gct, sa nalu alo.