Jemes 3:9 - Natqgu

⁹ Naogu dekc tqglqlz-ngrgu Kxetu kc tqngi Trtegu, x dekc kz tqrpibqti-ngrgu leplz kc tqwzngr Gct mz nzaotr-krdr nide.

Jemes 3:9 ပူးပေါင်းရင်းမြစ်များ

Sam 10:7

Sc tqglqlz-zvzle alwx x nzpokiangr. Natqdeng amrlx ngi dalr nzrpikitingr, nzrpibqtingr, x nzrpilzngr.

Sam 108:1

Sa na-angrlvzx nim mz nabznge atwrnrngr mz nzayrni-krbo gita bam, Murde abrtr-zvzbo drtwrnge bam. Nilz r nepi adwalzmle ninge mz zbq kang kqlu. A' mz nzdwalz-krmc mz nourla kx topwz, Na-apule nabz nenge adwalzmle nepi, Mzli lc tqglqlzpex nim.

Sam 145:1

Awi-zvzbo bam mz nzglqpx-krnge nim, Murde nim Gct rnge x mnclzbo bam.

Sam 145:21

Zbq kalvz sa naglqlzx nim. X krkcng tzlung tqwz-ngrn, nzangio-krdr nim tqvzpe tqvzpe.

Sam 16:9

Delc nabznge tqabrtz-zlwz-ngrde x drtwrnge tqelalz-ngrmle. X tqmnc-zpwxpe-ngrne.

Sam 30:12

X rblxm bange nzmnc-lrpi-krnge. A' navz zvz nzangrlvz-krnge nim. Awi kxetu, Yawe!

Sam 34:1

Awi-zvzbo mz Yawe, X tramawxu nzglqpx-krnge nide.

Sam 35:28

X mz zbq lc sa naglqlz-zvzx nim, Mz nzangrlvz-krnge nztubq-zlwz-krm.

Sam 51:14

Gct, bzkq ayzlu-mope' bange nzrnibq-krnge ncblo, Murde na-angrlvzx nim mz nzarlapx-krm lc ninge.

Sam 59:12

Batrpz mz nzglqpx-lzbq-krdr nzatao-mou-krde nidr. Murde mz nzycmne-krdr natqdrng ngi dalr alwx, mz nzrpibqtingr x nzpokiangr.

Sam 62:4

Ryrlqamu drtwr ngr nzapotxo-krmamu ninge me matq kc tqmnco-ngrmc. X abrtzlvzamu nzpokiatitr-krmu ninge. Murde nivz lr naomu prlxmamu bange, A' mz nabzmu la, ngyati drtwrmu ninge.

Sam 63:4

X sa na-awi-zvzbo bam Mz nzglalz-krbo mqnge mz nzkrka'-krbo bam.

Sam 71:24

Mz zbq kang kqlu sa napipxbo nztubq-krm mz nzokatr-krm ninge. Murde krlcng tzrpilr na-atrkatilr ninge aovxiopeqng x drtqdr myape.

Matiu 26:74

Zbz rpibz Pita kx, “Naesalzbo bamu kx nangi bongavz, da zpwx lc tqpibo bamu. Trkrlzwxu ncblo la. Nzmu kx tqpokiabo na-ayrplapx zvz Gct ninge.” X mzli kcpwz kio kc tqkya'pe.

Matiu 5:44

A' rpibo bamu kx namrlzti-kzamu enqmi rmung. X nakrka'-ngrnamu leplz kcng tzatrkatilr nimu.

Aposol 2:26

Delc nabznge tqabrtz-zlwz-ngrde x drtwrnge tqelalz-ngrmle. X tqmnc-zpwxpe-ngrne.

Nzryr-krbz Pol Mz Lr Rom 3:14

Natqdrng amrlx ngi dalr nzrpikitingr, nzrpibqtingr, x nzrpilzngr.

Efiszs 1:3

Na-awibzku mz Gct, kc tqngi Trte Kxetu rgu Jiszs Kxnzmcpx. Murde mz nzaxvctr-krbzku mz Kraes, Gct kc Heven kapemle bagu da kxmrlzting amrlx elr, mz nzokatr-krde nabzgu mz nzmncngr kxtr.

Jemes 1:27

Murde da kx abrtzlvz Gct Trtegu nidr seleng. Aclve-angidramu doa kxnzbzszng x olvz kx nzbzsz-kzng kx trpnzngr kx na-aclveng nidr. X bzkq aleamu alwx, da kc tzwai lr nrlc, murde sa na-atrkatile nimu mz nzobqkr Gct.

Jemes 3:10

Delc, natq ngr nzrglqlzngr x natq ngr nzrpibqtingr nzvzpxmqng mz nao kxesz'. X trtakitrdeu nzale-krgu da kxmule lc.

1 Pita 1:3

Na-awibzku mz Gct kc tqngi Trte Kxetu rgu Jiszs Kxnzmcpx. Murde mz zmrlz ngrde kxmyalz batrple bagu nzprtr-krgu mz nzlungr kxmrna. Lxngitiku Jiszs Kxnzmcpx kc tqatulz-mop Gct mz nzbzngr x prtr-kzku mz nzlungr kxboi. X obqtipxku da kxmrlzting amrlx kx nzyrlq-bekapxlr mz nzka-krmlrleng bagu Heven. Murde da lcng trnayrkrpxu x trnatekqtru, a' sa nayc-along.