Jemes 1:25 - Natqgu

²⁵ Mz nqmq lcpwz, natq Gct apule dzpq mz nabzgu. Murde doa kx aoti zvz drtwrde nzmncngr kxtubq kx krlzle nzarlapxngr nide mz zmatq ngr alwx, da kx alele nrade nayc-zvzbz. Murde trmrbrtru mz drtwrde nqmq kr Gct, a' vz-nqblq-zvzle.

Jemes 1:25 ပူးပေါင်းရင်းမြစ်များ

Sam 106:3

Yawe, natqm rpile kx sa namrlzbz mz leplz kcng tzaleng da kxtubq, X trpnzngr da kxtrka mz nzao-krdr drtwrdr.

Sam 119:32

Da kx mailzle ninge nangi lrpzki rm Mz nzokatr-krm ninge.

Sam 119:45

X drtqnge sa naopx mz nzvzne-krngeng Murde o-zlix lrpzki rm.

Nrpakxmrlz Kx Yr Luk 11:28

A' rpibz Jiszs kx, “Eu, a' sa namrlz-kzpz mz leplz kcng tzxlrng natq Gct x nzvz-nqblqlr!”

Nrpakxmrlz Kx Yr Jon 13:17

Nzmu nakrlz-angidramu da lcng, Gct sa na-aelalzmle drtwrmu mz nzvz-nqblq-krmuleng.”

Nrpakxmrlz Kx Yr Jon 8:36

Mz nzmu-krde lcde, mzli kx Mrlx Trte aopx-ngrbzle drtqmu, axvctrpele nimu mz nqvi lr trtede, x drtqmu opx angidr.

Aposol 13:43

Mz nibr leplz nzrlasz-krdr mangr-nzkrka'ngr, lr Jiu kxkqlu x leplz kcng tzaxvctr-lzbqbzng mz nzamrluengr Yawe Gct angidr, nzvzng badr Pol x Banabas. X ncblo lcng nzling sc tzaxglrpebzlr nidr mz nzavzti-zvzngr nzbrtikr drtwrdr Gct kc tqokatrle nidr mz zmrlz ngrde kxmyalz.

Aposol 2:42

Nzavzti-zvzlr nzyrlwr-lxblrngr mz nzlalztq-ngrbz mz nzalvztrkr aposol, mz nzaodutr-lxblrngr, mz Nzmungrkxtr, x mz nzkrka'ngr.

Aposol 26:22

A' Gct okatrle ninge krlzmle mzbq ka. Mz nzmu-krde lcde, tux mrka, tqpipxbo da lcng mz leplz amrlx, kxmule-esz' kxnztopwzng o kxnzetung. Da kcng tqyapwxtipxx trblepxu mz nikeng nzpilr profet x Mosis kx nangida.

Nzryr-krbz Pol Mz Lr Rom 11:22

Nakrlz-angidramu kx Gct okatrle leplz o ayrplapxle nidr. Murde sc tqayrplapxpele krkcng trnzrlxngitiung. X okatrle nimu mz zmrlz ngrde, nzmu navz zvz nzbrtikr drtwrmu zmrlz lc. A' nzmu navecpx-lzbqamu mz nzrlxngitingr, sa nalakitxpx-kzle nimu mz nc olivi.

Nzryr-krbz Pol Mz Lr Rom 2:13

Murde nztubqkr leplz mz nzobqkr Gct, trtutxtrpwzu mz nzxlr-krdr o nzkrlz-krdr Loukxtr, a' vzpxm mz nzvz-nqblq-zpwx-krdrle.

Nzryr-krbz Pol Mz Lr Rom 7:12

?Nike, drtwr ngrde kx natq Gct batrple nzmnc-rlru-krbzki bade? Bzkqtx pnz! Na-aoti drtwrgi dxlrbi. Kzdung mzli mz nzobq-krgi otxpx. A' mzli kc tqayabeti-ngrgile mz dapunc, aelwapx-ngrde kx lue lc ngangrtx zlwz. Trngiu dapunc kc tqblqki, a' lue esz'-krde. Natq kc tqkapx Gct apule dapunc lc mz nzaelwapx-krde alwx kc tqyc-kapq mz nabzgi mzli kc zmatq ngr alwx lc tqatao-ngrde nigi mz alwx. Trngiu natq Gct kc tqtrka, a' alwx kcng tqtrka zlwz mz nzobq-krde. Delc Lou sc Gct tr x natq amrlx kcng tqkapx Gct nztrng, nztubqng, x nzmrlzvxing.

Nzryr-krbz Pol Mz Lr Rom 8:15

X Mqngrkxtr kc tqkamle bagu, trapusr-ngrdeu nigu kxnzawz-nrbalqng kcng tzmwxlr-ngrdr nide mz nzayrplapx-krde nidr. A' mz nzka-krmle bagu Mqngrkxtr, nginipegu doa nedeng, x Mqngrkxtr pi-zvzmle bagu kx Gct suti zlwz drtwrde nzrpi-krbzku bade kx, “Trte.”

Nzryr-krbz Pol Mz Lr Rom 8:2

X mz nzaxvctrpe-krbzku bade, zmatq ngr Mqngrkxtr alule mqngrgu x arlapxle nigu murde trmnclzpepwzkuu mz zmatq ngr alwx x nzbzngr.

1 Korint 15:58

Mz nzmu-krde lcde, kx mzlengeng x inwengeng, bzkq vecpx-lzbqamu mz nzbrtikr drtwrmu Kxetu rgu, a' tu-amqngi-zvzamu. X rlrpx-lzbqamu mz nzwzngr kc tqaprcbz Jiszs bamu, murde nzwz-krmu trnamaneu, a' rpile kx nrade nayc-zvzbz.

2 Korint 13:5

Naobqtitramu nabzmu. Doa kx esz' mz nimu, nakrlzle kx Jiszs mncpxm mz nabzm o trtingr. Murde nzmu kx tqlxngiti-angidrpeq Jiszs Kxnzmcpx kc tqbz-ngrde nim, nakrlz-kzq kx abrtrpzme drtwrm bade mz nzyapwxtipx-krbzkr nide bam. A' doa kx Jiszs trmncpxpuu mz nabzde, trnginideu kxrlxngiti angidr.

Galesia 5:1

Kraes arlapxle nigu murde drtqgu naopx. X trsutiu drtwrde nzmnclz-mou-krbzmu mz Lou sc Mosis. A' natu-amqngiamu mz nzarlapxkr Kraes nimu.

Galesia 6:2

X naokatr-kzamu leplz kx prtilz da kxtrka. Murde sa tqangidapeamu natq Kraes kc tqrpile kx namrlzti-lzbqku.

Kolosia 1:23

Da lcng nangidati nzmu navz zvz nzabrtr-krbzmu drtwrmu mz Nrpakxmrlz, x tu-amqngiamu, bzkq nelzmu bao mz nzobqtipx-krmu da kc tqpi Gct mz Nrpakxmrlz. X wztrpo mz nzyapwxtipx-krnge Nrpakxmrlz lc mz mztea amrlx.

1 Timoti 2:15

Kxmule-esz', a' tqngi olvz kc tqrmikapx Mevalu Kxnzmcpx, kc tqaovxiole Setzn. X mz nzrmikangr lc, olvz amrlx narlapx-kzng, mz nzlxngiti-zvz-krdr nide. Nzmnc-krdr natr x namrlzti-zvzlr leplz, x na-alelr da kxtubq.

1 Timoti 4:16

Aclve angidr nzmnc-krm x nzalvztr-krm, murde ma tqvz-rbrq. X tu-amqngi zvz mz nzale-krm da lcng, murde krlzq kx Gct sa na-arlapxle nim badr leplz kcng tzlalztqbzng bam mz nzlxngiti-zvz-krmu nide.

Hibru 12:15

Aclvetio-lzbqamu, murde ma tqesablqtiamu zmrlz ngr Gct kxmyalz. Trmrlzu kzdq nimu nzapu-krde lxbi kxtrka kx lvcpulzm x aprctile leplz kxkqlu, mz nzatrkati-krde leplz neng Gct mz nzapu-krdr nrlanc nyzde.

Jemes 2:12

Gct sa na-ayzlu-ngrbzle bamu mz nzvz-nqblq-krde da amrlx kcng tqpiamu x tqaleamu, mz nzmc-krde kx vz-nqblqamu natqde mz nzmrlzti-krmu leplz o trtingr.

1 Pita 2:16

Kxnzmcpx arlapxle nimu mz nzmnclz-krbzmu mz zmatq kxtrka amrlx. Mz nzmu-krde lcde, bzkq ale-mouamu da kxdrka'ngr, a' rlrpx-lzbqamu mz nzwztr-krbzmu mz Gct.

1 Jon 2:24

Delc, nalxngiti-zvz-ngrnamu nike nzalvztr-ngrmu mz Kraes mzli kc tqrlxngiti-ate-ngrnamu. Murde na-axvctr-angidr-zvzbzmu mz Mrlx ncdr Trtede.

Nzaelwapxngr 14:13

Mz nibrde, xlr-moux kc natq Heven, rpimle bange kx, “Yro natq lcng. Abzope mzli ka, sa namrlzbz mz leplz kcng tznibqting murde nzlxngitilr Kxetu rgu.” Rpi Mqngrkxtr kx, “Eu, da angidrtx! Murde nzetqkr drtqdr kx vzpxm mz nzwztr-krbzlr mz Kraes sa nayrkrpxpe, x Gct sa narkabz badr nzmnc-zpwxngr x da kxmrlzting mz nzwztr-krbzlr bade, kxmule-esz' nike prtzbz badr.”

Nzaelwapxngr 22:14

Ninge Jon. Namrlzbz mz doa kcng lrpzdr tqprki mz nztapzo-krdrleng mz mepyr ngr Jiszs, murde takitrde nidr nzprtr-krdr mz naonrx ngr Mzteadau x nzmu-krdr nra Nounc ngr Nzlungr.