Hibru 9:16 - Natqgu

¹⁶ Nzmu kzdq ncblo nayrpxle dq nzesz'tikr drtwr kx pipxle nekeng amnqlzbzle dztudeng badr mzli kc nabz-ngrde, e nzmu nakrlz-angidrlr mzli kznike bz-ngrde.

Hibru 9:16 ပူးပေါင်းရင်းမြစ်များ

Nzryr-krbz Pol Mz Lr Rom 5:12

Mzli kc Adzm tqtao-ngrde mz alwx, alwx lc nzaxvctr-kzpz mz nqvi lrde. X alwx lc twz-kzple nzbzngr. X nzbzngr lc prtzbz mz leplz amrlx murde nztao-kzng mz alwx mz nzngini-krdr nqvi lr Adzm.

Nzryr-krbz Pol Mz Lr Rom 6:23

Nzrmabztitrngr alwx, natutr-ngrde mz nzbzngr. A' Gct ka-nrbalqbzle nzlungr kxboi mz leplz kcng tzaxvctrpzng mz Kxetu rgu Mevalu Jiszs.

1 Korint 15:22

Leplz amrlx nzbzng murde nzprtrpzng mz Adzm. X leplz amrlx kxnzrlxngiting sa nalu-mopqng murde nzprtrpzng mz Kraes.

Hibru 1:3

Kraes aotr-angidrle Gct Trtede. X nqmq krdeng amrlx nzaelwapx-zpwxlr nqmq kr Gct x zmatq ngrde. X da amrlx lolvz lxblr zmatq ngr natqdeng. Mz nibr nzrkatx-krde alwx ngr leplz, wxbu me matq-esz'ngr Heven mz nrlar Gct Trte kxrtc.

Hibru 13:20

Krka'-ngrne kx Gct kc tqngi nou nzmnc-zpwxngr nakabzle bamu da amrlx kcng trpnzngr bamu mz nzale-krmu me pnz drtwrde. X nabatrpzle bamu nzaelalz-krmamu drtwrde, mz nzokatrkr Jiszs Kxnzmcpx. Murde Gct yrlqpele Nzesz'tikr Drtwr Kc Ate tqyc tqyc, mz nzyrlekr mepyr ngr Kxetu rgu Jiszs. X atulz-mople nide mz nzbzngr, murde nanginide Kxaclve Sip Kxmyapxbz. X nzrglqlzngr Mevalu Jiszs navz zvz. Eu, angida.

Hibru 9:15

Dekc Kraes tqtu-ngrde mz mzlirgu badr Gct mz Nzesz'tikr Drtwr Gct Kc Ate. Mz nzbzkr Kraes, xpele alwx ngr leplz kx nzalelr mzli kc tzmnclz-ngrbzlr mz lou ngr Nzesz'tikr Drtwr Kc Kai. Murde leplz kcng tqkqle Gct mz nzngini-krdr leplz nedeng natwzlr da kcng tqesalz-ngrbzle badr x namnc-along badr Heven.

Hibru 9:17

Murde mzli kc tqlubengr ncblo, nzesz'tikr drtwr kc tqyrpxle trpnzngr zmatq ngrde. A' mzli kc tqbzpe-ngrde, sc tzvz-nqblqpe leplz nzesz'tikr drtwr kc tqyrpxle.

Jemes 2:10

Kxmule esz' doa kx rtrngztibzle da amrlx kcng tqyc mz Loukxtr, a' vz-rbrti-alzule kzdq da kxtopwzne, e apu-kzpwzle doa kc tqtao mz lou kcng amrlx, x takitrde nzayrplapxngr nide.