Hibru 3:5 - Natqgu

⁵ Mosis atutrle nzwz-krde mz nzwztr-krbzle mz lr ma nyz Gct. X trngiu kxetu, a' nide txpwz kxnzawz. X nzwz-krde lc ngi rkx ngr nzwzkr Jiszs kalr, kc tqplzpx-kaile da kc napibz Gct mz leplz nedeng mz nibrde, mz nzycmnetr-krde Jiszs.

Hibru 3:5 ပူးပေါင်းရင်းမြစ်များ

Sam 105:26

Delc Yawe tqatwzlr-ngrbzle Mosis kxnzawz nede, Nidr mz Eron kc tqmcpxle, murde naokatrlr leplz nedeng Ijipt.

Matiu 24:45

Jiszs rpi-mople bagr kx, “Napibo bamu kxmu kxnzawz nenge kx brti drtwrnge. Sa na-apule kc kxetu kx aprcbzle mz kzdq kxnzawz nede mz nzaclve-krde kztedeng x mz nzapu-krde nidr. Zbz sc tqvzpe mz kzdq nrlc. Kxnzawz kxyrplapx x brti drtwr kxetu rde sa navz-nqblq-zvzle natq kxetu lc.

Matiu 25:21

X rpibz kxetu kc kx, ‘Mrlzvxitx angidr. Nim kxnzawz kxmrlz kc tqvz-nqblq-zvzle natqnge! X nayrlqpex nim mz nzaclvengr da kxkqlu, murde atutr-angidrq nzwz-krm mz da kxpipz. Vzm x prtr mz nzmungr lc etu murde abrtzlvzx nim.’

Nrpakxmrlz Kx Yr Luk 12:42

Rpibz Jiszs kx, “?Neke kxnzawz nenge kx brti drtwrnge? Tqycmnetibo nimu x kzdung kz kxnzrmailzng. Murde kzdq kxetu aprcbzle mz kzdq kxnzawz nede mz nzaclve-krde kztedeng x mz nzapu-krde nidr. Zbz sc tqvzpe mz kzdq nrlc. Kxnzawz kx yrplapx x brti drtwr kxetu rde, sa navz-nqblq-zvzle natq kxetu lc.

Nrpakxmrlz Kx Yr Luk 24:27

X Jiszs kc tqyapwx-dalitipebzle badr ngalrde lcng amrlx tzycmnetr-ngrdr Kxnzmcpx mz Nzryrngrkxtr, abzole mz buk scng Mosis krlzbzle mz nzryrkr profet kcng amrlx.

Nrpakxmrlz Kx Yr Luk 24:44

Zbz rpibzle badr kx, “Da kcng ena lc tqpitibo mzli kc tqmncbe-ngrgu. Rpibo kx da kcng amrlx tzyrngr ninge mz Lou sc Mosis, mz nzryr-krdr profet, x mz Sam kcng, na-atutrng.”

Nrpakxmrlz Kx Yr Jon 5:39

“X Nzryrngrkxtr ngi da krapwx kc tqycmnetr-kz-ngrde ninge. Rlwx-zvzamu murde mz drtwrmu narmctiamu nzlungr kxboi mz nzvz-nqblq-krmule. Eu, a' Nzryrngrkxtr lcpwz dekc tqycmnetr-ngrde ninge.

Aposol 28:23

Zbz sc tzyrlqpelr kzdq zbq kx navz-mou-ngrmlr. Mz zbq lcde, ncblo kcng tzvzmqng ma kc tqmncngr Pol nzkqlu-zlwzng. Abzo mz nourla, krlzbzle nrlckxbq, yapwx-dalitipxbzle nrpa ngr nzmnclz-krbzlr mz Gct mz nzngini-krde King. X suti zlwz drtwrde kx nalxngitilr Jiszs nzngini-krde Kxnzmcpx, mz nzpipx-krbzle natq amrlx kcng tqyclzm mz Lou sc Mosis x nzryrkr profet mz Nzryrngrkxtr kc kai, kcng tzycmnetr-ngrdr nide.

Aposol 7:37

Mosis kcpwz dekc kz tqrpibz mz lr Israel kx, ‘Yawe Gct rgu sa na-atulzle kzdq profet kxetu mz mzlirgu kx na-apule ninge.’

Nzryr-krbz Pol Mz Lr Rom 3:21

X mzli ka mz nzvz-krm Kraes, Gct aopx-zpwxbzle lrpzki rde kx natubq-ngrbz leplz mz nzobq-krde. Lrpzki lc trngiu Lou sc Mosis, a' ngi lrpzki kx Gct esalz-ngrbzle mz Lou sc Mosis x mz natq profet kcng bqnc.

1 Korint 4:2

X krlzku kx doa kxnzawz kxmrlz na-angidati-zvzbzle natq Kxetu rde.

1 Timoti 1:12

Awibo mz Kxetu rgu Mevalu Jiszs, murde abr drtwrde ninge mz nzwztr-krbo bade, x axplrle ninge mz nzale-krnge nzwzngr lc.

Hibru 1:1

Mzli kc bqnc, Gct ycmnebz badr melrmqgung, nigu lr Jiu. Nzycmne-krbzle badr nzwrde kqlu x bletipx-lxblrng, mz da kx nzyro profet nedeng x da kx nzrtrngztibzlrng.

Hibru 3:2

Mevalu atutrle da amrlx kcng tqyrlqbz Gct bade mz nzmcpx-krde nide, da kc tqwai Mosis nzatutr-krde nzwz-krde mz nzwztr-krbzle mz lr ma nyz Gct.

Hibru 3:4

Murde leplz kxnzkqlung nzwzng mz ma nyz Gct, a' Gct kc tqwz-ngrde da amrlx.

Hibru 8:5

Nzwzng Mrkc Tqtr mz nrlc, kc tqaelwapx-ngrde kxpipz dalr Heven. Murde mzli kc Mosis tqoliqti-ngrde nzrwzngr Tentkxtr, rpibz Gct bade kx, “Aclve angidr, nzwzti-krmle navz-nqblqpwzle nzrwzngr kc tqaelwa-ngrbo bam mz newz.”

Hibru 9:24

Mz nzvztrkr Kraes Mrkc Tqtr, trvztru mz dalr nrlc ka kx nzwzngr leplz, a' vztrpe Mrkc Tqtr Heven. X tutrpz elr mz mz Gct mz nzrpi-krbzle bade kx atubqtipele nigu.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”