Hibru 2:13 - Natqgu

¹³ Jiszs apule nigu mzledeng mz nzbrtikr drtwrde Gct. Murde ycmnetr-ngrde Gct mz nzrpi-krde kx, “Sa na-abrtrpo drtwrnge bade. Mncx mrka badr doa kx aprcm Gct bange.”

Hibru 2:13 ပူးပေါင်းရင်းမြစ်များ

Sam 127:3

X Yawe nide kz kx rkam doa kxnztopwzng mz nqvi lrgu, Mzli kc tqngi-oblabe-ngrgu. Murde mzli kc tqngi-lrtzlvzpe-ngrgu, doa lcng na-aclvelr nigu. Sa namrlzbz mz ncblo kc mrlxde tqkqlu. Murde mzli kc kzdq ncblo narnqniti-lzbq-ngrdr bade, Mrlxdeng sa natubzng mz nibrde. X mz nzrka-krbz kxnzrmailzng drtwr kxtubq, Drtqde trnamyau murde nztu-krbz mrlxdeng lcng mz nibrde.

Sam 16:1

Yawe, arlapx ninge, Murde nim kx abrkitrx drtwrnge.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 91:2

X narpibzme mz Gct kc tqrninr kx, “Nim Gct rnge kc tqabrkitrx drtwrnge, Mz nzapu-krme bange lrpalvc kx rlakitrx.”

Matiu 27:43

Drtwrde abrtrpzle mz Gct, x rpile kx nide mrlx Gct. Namcku ena na-arlapxkr Gct nide mzli ka, nzmu mrlzti-zlwzle nide.”

Nrpakxmrlz Kx Yr Jon 10:29

Trtenge kc tqrkam bange myapxbz mz leplz amrlx. Mz nzmu-krde lcde, trtxpnzngr kx navecpxmle nidr mz mq Trtenge.

1 Korint 4:15

Kxmule-esz' rnginemu kxnzalvztrng kxnzkqlung, a' ninge txpwz dela nangi trtemu. Murde yapwxtipx-kaipo Nrpakxmrlz bamu, mz nzvzmi-krnge nimu mz nzlxngiti-krmu Kraes.