Hibru 13:6 - Natqgu

⁶ Mz nzmu-krde lcde, nelzgu nabr mz nzrpi-krgu kx, “Trtxpnzngr nzmwxlr-krnge, murde Yawe tu-zvzm mz nibrnge. X trtxpnzngr leplz kx krlzle nzatrkati-krde ninge.”

Hibru 13:6 ပူးပေါင်းရင်းမြစ်များ

Sam 124:8

Yawe nide Kxrpalz kc tqwz-ngrde bongavz x drtc', X Mevalu kc tqokatrle nigu, mz zmatq drtqde.

Sam 146:3

Bzkq abrtrpzku drtwrgu mz kxnzrmailzng, Murde leplz trnzkrlzlru nzarlapx-krdr nigu.

Sam 27:9

Delc, bzkq mnc-rlrume bange. Ninge kxnzawz nem. X bzkq esablqtiq ninge mz nzngyatikr drtwrm ninge. Murde okatr-zvzq ninge mzli kc. Mevalu rnge, bzkq pxtxpx-ngrn ninge mz nzaxtx-krm ninge.

Sam 33:20

Mnc-xgleku Yawe nzokatr-krde nigu. Murde nide temz ngr lomrgu kc tqyrputrngr nipna.

Sam 40:17

Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.

Sam 54:4

A' nim Gct kx okatr-zvzle ninge, Mz nzngini-krm Kxetu rnge kc tqmnc-xgle-zvzx.

Sam 56:4

Trmwxlrtiwxu zmatq ngrdr murde abrtrpo drtwrnge mz natqm, Nim Gct kc tqglqlz-zvzx.

Sam 63:7

X angrlvzx nim mz nzabrtzngr Murde okatr-zvzq ninge x tu-zvzme mz nibrnge.

Sam 94:17

Nzmu trnaokatrwq ninge, Mzli trnaboiu x ninge kc tqbzpex.

Matiu 10:28

Bzkq mwxlrtiamu nzrnibqkr leplz. Murde krla tznibq-txpwzlr nrkrdrtqmu. A' namwxlrti-txpwzmu Kxetu kc tqodatile nrkrdrtq x mqngr leplz kxnztrkang mz Hxl.

Nzryr-krbz Pol Mz Lr Rom 8:31

Mz nzmc-krgu da amrlx lcng tqalem Gct bagu, nakrlz-kzku kx trpnzngr kx na-aovxiole nigu murde tu-zvzle mz nibrgu.

Efiszs 3:12

X mzli ka trmwxlrpekuu nzvz-krbzku mz Gct mz nzkrka'ngr. Murde krlzku kx abrtzlvzle nigu mz nzabrtr-krbzku drtwrgu mz Jiszs x nzaxvctr-krbzku bade.

Hibru 10:19

Mz nzmu-krde lcde, kx mzlengeng x inwengeng, mzli ka nelzgu nabr mz nzvztr-krgu mrkc Tqtr-esz'ngr Heven tqmncngr Gct, mz nzangio-krgu nide x nzkrka'-krbzku bade. Murde mepyr ngr Jiszs kc tqyrlepx-ngrmle nigu,

Hibru 4:16

Dekc, nelzgu nabr mz nzmnc-aepztr-krbzku mz Gct kc tqmrlz-esz'ngr. Murde krlzku kx sa nayc ngr drtwrde nigu x naokatrle nigu mzli kc tqkxpu-ngrgu, mz nzvz-nqblq-krde zmrlz ngrde kxmyalz.