Hibru 13:15 - Natqgu

¹⁵ Mz nzmu-krde lcde, mz nzaxvctr-krbzku mz Jiszs, narlrpx-zvz-ngrbzku blz ngr nzglqlz-krgu Gct, mz nzawingr. Murde takitrde leplz kx nzpipxlr kx nide Kxetu Lod rdr nzale-krdr da lc.

Hibru 13:15 ပူးပေါင်းရင်းမြစ်များ

Sam 118:19

King malqtrpz yz, rpile kx, “Lvxpxm bange naonrx ngr Mangr-nzangiongr Yawe, Murde navztrx elr mz nzawi-krbo bade.”

Sam 119:108

Yawe, alvztrp bange nzaolvz-krmqng X abrtzlvz nabz nenge mz nzangrlvz-krnge nim.

Sam 18:49

Gct, sa naglqlzx nim mz mzlir lr drtqbrng amrlx, Mz nzangrlvz-krnge nim.

Sam 50:14

A' blz angidr nangi nzawi-krmamu bange, X nzangidati-krmu da kx esalz-ngrmamu bange.

Sam 50:23

Blz angidr nangi nzawi-krmamu bange. Murde narmctiamu nzarlapx-krnge nimu, mz nzvz-nqblq-krmu ninge.”

Matiu 11:25

Mzli lc tqkrka'ngr Jiszs, rpile kx, “Trte, Kxetu r lr Heven x lr nrlc! Awibo bam murde aelwapx-ngrbzme mz doa kcng tzavzo-lzbqng da kcng tqyrlq-kapqbzme mz ncblo kcng tzsiklung x tzrpilr kx nzyrplapxng.

Nrpakxmrlz Kx Yr Luk 10:21

Mzli lcde Mqngrkxtr prsrle Jiszs, x mz nzabrtz-krde sc tqrpipele kx, “Trte, Kxetu r lr Heven x lr nrlc! Awibo bam murde aelwapx-ngrbzme mz doa kcng tzavzo-lzbqng da kcng tqyrlq-kapqbzme mz ncblo kcng tzsiklung x tzrpilr kx nzyrplapxng. Trte, da lc vz-nqblqle me pnz drtwrm. Eu.”

Nrpakxmrlz Kx Yr Jon 10:9

X ninge naonrx kc tzvzkitr leplz mz nzkrlz-krbzlr Gct. Doa kx vztrp bange nide kx narlapx. X na-apule sip nenge mz nzdwatr-krmle x nzdwapx-krde mz nzrmcti-krde dakxnzng ngr nzlungr.

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

Nzryr-krbz Pol Mz Lr Rom 12:1

Mzlengeng x inwengeng, mz nzkrlz-krmu kx Gct ycngr drtwrde leplz amrlx, lc-apqbzx nimu nzrlr-lzbq-krbzmu mz nzwztr-krbzmu bade, mz nzapu-krmu blz kxtr kxlu. Murde krlc nzangiongr angidr x aelalzmle drtwrde.

Nzryr-krbz Pol Mz Lr Rom 6:19

Krkc tqkxmu nzycmne-dalitipx-krbo da lc bamu, murde narmu nayrplatrpz mz nzrlxngiti-krmu kc tqpobe. Mzli kc ena rlr-ngrbzmu nrkrdrtqmu atwrnrngr mz zmatq ngr da kx trtakitrdeu x da kxdrka'ngr, mz nzale-zvz-krmu da kxtrka zlwz. A' mzli ka na-aotipe drtwrmu mz nzrlr-krbzmu nrkrdrtqmu mz Gct mz nzmncngr kxtubq, murde nztrkr nzmnc-krmu naetunepx zvz.

Efiszs 2:18

Murde mzli ka, mz nzwzkr Kraes, nigu amrlx ngrgu nzaxvctrpzng mz Mqngrkxtr kcpwz, kxmule-esz' lr Jiu o kxtrngiulrJiu, x takitrpegu nztutr-krbzku mz mz Gct Trte.

Kolosia 1:12

X na-awibzmu mz Gct Trtegu murde vzmipxpemle nigu mz nzmnclz-krbzku mz zmatq ngr alwx kc tqakamrbr-ngrde da mz nabzgu, x vzmitrpele nigu mz nzmnclz-krbzku mz zmatq ngr Mrlxde Kxnzmrlzti mz nzngini-krde King rgu. X mz nzbzpe-krde nigu, Jiszs xpepxpele alwx rgung murde Gct naipqle nigu. X sc tqrtz-kzpz lrpzki r nztakitr-krgu nztwz-krgu da lcng tqmrlzting tzvzpxmqng mz nzaxvctr-krbzku bade. Murde alu-moule nigu mz nzapu-krgu lam kc tqtekatrle mz nyr pnrde.

Hibru 12:28

Mz Nzesz'tikr Drtwr Lc Tqate, nzaclve-krgu badr nrlc vztx alo x trycngrlru. Delc, na-awi-ngrbzku bade da lc. X na-angioku nide mz nzamrlue-krgu x nzmyatitr-krgu nide.

Hibru 7:25

X mz nzlu-alo-krde lc, dekc tqrnigsc-ngrde zmatq ngr nzarlapx-krde leplz kcng tzvzmqng mz Gct mz nzaxvctr-krbzlr bade. X sa tqtu zvz mz mzlirdr badr Gct mz nzrlxti-krbzle bade nzipq-krde x nzokatr-krde nidr.

1 Pita 4:11

Nzmu kx tqkabzle bam zmatq ngr nzryapwxtipxngr natqde, ryapwxpxbz mz leplz mz nzkrlz-krm kx Gct kc tqrkabz natq kcng tqpiq. X nzmu kx tqngi nzwztr-ngrbz mz leplz le, wztrpz badr mz nzkrlz-krm kx Gct kc tqrkabz nzxplrngr bam. Aleamu da lcng murde leplz naglqlz-zvz-ngrdr Gct mz da kx wzngr Jiszs mz nimu. Murde mz nzngini-krde king kc tqmatq takitrde nzrglqlzngr nide tqyc tqyc. Eu, angida.