Hibru 12:5 - Natqgu

⁵ Bzkq mrbrtr mz drtwrmu kzdq ngalr Nzryrngrkxtr kc tqabrle nelzmu x drtwrmu. Murde rpile kx leplz neng Gct nidr doa nedeng, mz nzrpi-krde kx, “Doa nenge, mzli kc tqatubqtingr Gct nim, aclvetio-lzbq. X bzkq nabzm talvzo mzli kc tqpnanati-ngrde nim.

Hibru 12:5 ပူးပေါင်းရင်းမြစ်များ

Sam 118:18

Kxmule-esz' rlrpx-ngrde nzakxpu-zlwz-krdr ninge, A' trngiu dalr nzbz-krnge.

Sam 119:109

Kxmule-esz' da kxtrka prtzm bange, A' trmrbrtru mz drtwrnge Loukxtr scm.

Sam 119:16

Bilvz-zlwzx nzti rm, X trmrbrtru mz drtwrnge natqm.

Sam 119:67

Mzli kc ena vz-rbrpex, x ayrplapxq ninge, A' mzli ka ale-zvzpex da kxtubq mz nzobq-krm.

Sam 119:75

Yawe, krlzx kx takitrde nzayrplapx-krm ninge Murde vz zvz nzokatr-krm leplz nemqng.

Sam 119:83

Kxmule-esz' nzobqszonge apux da kx nzrtctxpengr, A' dcpx zvz mz drtwrnge me pnz drtwrm.

Sam 94:12

Yawe, namrlzbz mz krkcng tqpnanatiqng, Mz nzalvztr-krm nidr mz loukxtr scm.

Nrpakxmrlz Kx Yr Luk 24:6

Trmncu mrka. Tulzpe-mop. Nadctipx drtwrmu da kc tqpi-pnzbzle bamu mzli kc tqmnc-ngrde Gzlili.

Nrpakxmrlz Kx Yr Luk 24:8

Zbz olvz kcng sc tzdctipx ate drtwrdr natqdeng.

1 Korint 11:32

A' mzli kc tqmc-ngrde kx vz-rbrku mz nqmq krgu, ayrplapxle nigu, murde natekqtrku nqmq nr drtwrgu x trpnzngr nzayrplapx-alo-krde nigu mz Hxl.

Galesia 6:9

Bzkq drtqmu sa mz nzalengr da kxmrlz, kxmule-esz' trmckalamu da kx vzpxm elr. Murde sa namcku nra nzwz-krgung kalr.

1 Timoti 1:20

Kzdung nidr nzling drtqdr Haemznezs ncdr Aleksada. Aprcpebo nidr mz mq Setzn, murde drtwrdr naopx x nayrtqpx-lzbqng mz nzycmne-atrkati-krdr Gct.

Hibru 12:7

Nzkxpungr amrlx ngi dalr nzatubqtingr nimu. Murde dekc Gct tqapusr-ngrde nimu doa nedeng. Murde trte doa amrlx nzatubqtilr doa nedrng.

Hibru 13:22

Mzlengeng x inwengeng, rlxti-zlwzbo bamu nzlalztq-angidr-krmu mz natqnge lcng tqyrbo bamu mz nzrngidrlvz-krbo nimu x nzapqtr-krbo drtwrmu. Murde nzryrngr lc trboi-zlwzu.

Jemes 1:12

Sa namrlzbz mz doa kx tu-amqngi mz nzkxpungr x drtwrde trlcu. Murde mzli kc nzkxpungr lcng nayrkrpx-ngrbzle, sa nakabz Gct bade da kc tqmrlz tqngi nzlungr kxboi. Murde esalz-ngrde kx nakabzle mz leplz kcng tzmrlztilr nide.

Nzaelwapxngr 3:19

Krkcng tqmrlzti-zlwzxng krlzx nzlclvz-krbo badr da, x nzayrplapxngr nidr. Mz nzmu-krde lcde, drtwrmu nayzlu, x napqtitr drtwrmu ninge.