Hibru 10:30 - Natqgu

³⁰ Krlzku kx rpi Gct kx, “Ninge kx sa na-ayrplapxle leplz. X ninge kx sa na-ayzlu-mopwz badr da kx nzalelr.” Natq Gct rpi-moule kx, “Yawe sa napipxle kx leplz nedeng nzvz-rbrng o trtingr.”

Hibru 10:30 ပူးပေါင်းရင်းမြစ်များ

Sam 135:14

Yawe sa napipxbzle mz leplz nedeng kxnzvz-rbrng o trtingr, X sa na-aodu-zvzle nidr.

Sam 50:4

Navzmqng mz nzmc-krdr nztubqkr natqde, Mz nzpipx-krde nzvz-rbrkr leplz nedeng.

Sam 94:1

Yawe, nim Gct kc tqayzlubz mz leplz kxnzvz-rbrng da kxnzalelr. Aelwapxngr zmatq ngrm.

Sam 96:13

Murde sa tqvzm mz nzaclve-krde lr nrlc. X nzayzlu-krbzle da mz leplz amrlx sa namrlz x tubq.

Sam 98:9

Nigu amrlx nangrbzku bade. Murde sa tqvzm mz nzaclve-krde lr nrlc, X nzayzlu-krbzle da mz leplz sa natubq x narsakrlrngr.

Nzryr-krbz Pol Mz Lr Rom 12:19

Nimu kztengeng, x doa kxesz' mz nimu bzkq ayzlubzme da kxtrka kx nzalebz leplz bam. A' rlr-ngrbz mz Gct nzayrplapx-krde nidr mz zngya ngr drtwrde. Murde mz Nzryrngrkxtr rpi Yawe kx, “Ninge kx na-ayrplapxle leplz. X ninge kx na-ayzlu-mopwz badr da kx nzalelr.”

Nzryr-krbz Pol Mz Lr Rom 13:4

Murde kxnzetung mz gzpman, nidr kxnzawz neng Gct kcng tqyrlqleng mz nzokatr-krdr nimu. A' nzmu kx tqaleamu da kxtrka, e mwxlrtiamu gzpman lc, murde Gct kabzle badr zmatq ngr nzayrplapxngr kxnzaleng da kxtrka, kxmule-esz' nznibqlr nidr.

2 Korint 5:10

Murde mzli kc nigu amrlx kxnzrlxngiting natutr-ngrbzku mz mz Kxnzmcpx kalr, sa na-ayzlumle da bagu mz nzvz-nqblq-krde da kx alekung mz nrlc ka, kxmule-esz' mrlz o trka.