Hibru 10:20 - Natqgu

²⁰ aelwapx-ngrmle bagu lrpzki kxmrna kc tqlvxpxpemle bagu lotqbr kc tqapqbrle Mrkc Tqtr-esz'ngr. X alele da lc mz nrkrdrtqde kc tqbzom mz kros x tqtulz-mop.

Hibru 10:20 ပူးပေါင်းရင်းမြစ်များ

Matiu 27:51

X mzli lcpwz, lotqbr kc tqdo Mrkc Tqtr Mangr-nzangiongr nzpesalikiomle wq tatxo mz noude, ncte li. X mzli lc nengq kxetu vzm x rplz kxetuting nzbxpizting.

Nrpakxmrlz Kx Yr Mak 15:38

X mzli lcpwz lotqbr kc tqdo Mrkc Tqtr Mangr-nzangiongr nzpesalikiomle wq tatxo mz noude, ncte li.

Nrpakxmrlz Kx Yr Jon 10:7

Zbz sc tqrpipe-mopwz Jiszs kx, “Da angidrtx lc napibo bamu. Ninge naonrx kc tzdwakitr sip mz nzprtr-krbzlr badr kztedrng.

Nrpakxmrlz Kx Yr Jon 10:9

X ninge naonrx kc tzvzkitr leplz mz nzkrlz-krbzlr Gct. Doa kx vztrp bange nide kx narlapx. X na-apule sip nenge mz nzdwatr-krmle x nzdwapx-krde mz nzrmcti-krde dakxnzng ngr nzlungr.

Nrpakxmrlz Kx Yr Jon 14:6

Rpibz Jiszs bade kx, “Ninge lrpzki, da angidr x nzlungr. Ninge lrpzki kc nao-zli mz nzrkrlz-ngrbz Heven. X ninge kx na-aelwapx-ngrbz da angidr kx vzpxm mz Gct. X ninge kz nou nzlungr kxboi. Mz nzmu-krde lcde, trpnzngr kx navztxnebz mz Trtenge, a' navzki-kaiple bange.

1 Timoti 3:16

X Gct aelwapxpe-ngrde nzalvztrngr angidr ngr Mevalu Kxnzmcpx. X drtwrgu esz'ti mz nzplzpx-lxblr-krgule. Delc tqrpi-zvz-ngrgu kx, “Lxngitiku Jiszs Kxnzmcpx kc tqaelwapx-lzbqpe mz nrkrdrtq leplz, x tqaelwapxngr Mqngrkxtr nzngini-angidr-krde Mrlx Gct, mz nzatulz-mou-krdele mz nzbz-krde. X lxngitiku nzmckr enjrl neng Gct nide mz nibr nztulz-krmle, nzvzmilzkr Gct nide me matq-esz'ngr Heven, nzyapwxtipx-ngrbz Nrpa ngrde mz lr nrlc, x nzlxngitikr leplz nide mz nrlc tulvzo.”

Hibru 6:19

Nzobqtipx-krgu da lcng apumle bagu da kx atolvale nabzgu. X okatrle nztu-amqngi-krgu x nzmnc-zpwx-krgu mz nrlc ka, murde krlzku kx Jiszs lolvzmle nqvi lr nztolva-krgu, mz nzmnc-krde Mrkc Tqtr-esz'ngr Heven.

Hibru 9:3

X ma kc tqtopwz mz nabzde, nzrpibz Mrkc Tqtr-esz'ngr x nzpqbrtr mz lotqbr kxve.

Hibru 9:8

Mzli kc Mqngrkxtr tqpi-ngrbzle kxnamu nzrwzngr Tentkxtr x Lou ngrdeng amrlx, aelwapx-angidrle kx Gct tr-rlrpx-ngrdeu leplz nzvztr-krdr Mrkc Tqtr-esz'ngr tqmncpx-ngrmle, murde nzaleng alwx. X leplz nzmnclzbzng mz lou lcng vz-krlzbzle mzli kx tekqtrngr Gct Nzesz'tikr Drtwr Kc Kai.

1 Pita 3:18

Murde Kxnzmcpx kc tqtubq nzaetq-ngrbz drtqde nzwrde esz'txu mz nzxpe-krde alwx rgu, nigu leplz kxtrnztubqung, murde navzmibzle nigu mz Gct. Nrkrdrtqde nznibq, a' lu-mop mz zmatq ngr Mqngrkxtr.

1 Jon 4:2

Murde mzli kc natq kxakrlz vzpxm mz Mqngrkxtr, ncblo lc sa na-alvztr-ngrde kx Jiszs Kxnzmcpx nide Mrlx Gct, kc tqvzm mz nrlc nzngini-krde leplz. Krkcng tzalvztr-ngrdr da lc nidr angidr kxnzakrlzng neng Gct.

2 Jon 1:7

Aclvetio-lzbqamu, murde kxnzakrlzng kxnzpokiang nzkqlung nzmncpemqng bagu, x nzrpilr naesabrtilr nimu. Leplz lcng trnzlxngitilru nzvz-krm Jiszs Kxnzmcpx mz nrlc nzngini-krde leplz. Krlc nzalvztrkr Enqmi Kxetu ngr Kraes, kc tqngi kz Kxpokia. Bzkq vz-nqblqamu lrpzki rdr kx vz-rbr. Murde mz nzvz-nqblq-krmule, trnatwzpewamuu da amrlx kx navzpxmqng mz nzwztr-krbzku mz Kraes.