Hibru 1:11 - Natqgu

¹¹ Da lcng amrlx sa namrbrting. A' nim txpwz kx namnctx alo. Mzli trnaboiu x sc tztrkapeng tzapupelr lrpz kxblzlongr,

Hibru 1:11 ပူးပေါင်းရင်းမြစ်များ

Sam 10:16

Yawe, nim King. Yc zvz nzaclve-krm nrlc. Yrlqtxpx mz drtc' nyzm krkcng trnzangiolru nim.

Sam 102:26

Nrlc x bongavz sa nayrkrpxng kalr. A' nim txpwz kx namnctx alo. Mzli trnaboiu x sc tztrkapeng, tzapupelr lrpz kxblzlongr, Kx nzrtctxngr x nztekqtr zvz mz kxmrna.

Sam 29:10

Nubla ngr tewa kxetu yclzbz mz zmatq ngr Yawe, Mz nzngini-krde King kc tqaclve alo.

Sam 90:2

Mzli kc trwzka-ngrn nrlc x newz ngrdeng, mncpe-kaiq. Murde nim Gct, x nzmnc-krm la tqyc tqyc.

Matiu 24:35

Kxmule-esz' bongavz x nrlc sa nayrkrpxng kalr, a' natqngeng trtxpnzngr nzyrkrpx-krdr, murde sa nangidating amrlx.”

Nrpakxmrlz Kx Yr Mak 13:31

Kxmule-esz' bongavz x nrlc sa nayrkrpxng kalr, a' natqngeng trtxpnzngr nzyrkrpx-krdr murde sa nangidating amrlx.”

Nrpakxmrlz Kx Yr Luk 21:33

Kxmule-esz' bongavz x nrlc sa nayrkrpxng kalr, a' natqngeng trtxpnzngr nzyrkrpx-krdr murde sa nangidating amrlx.”

Hibru 12:27

Mz natq kcng tqrpile kx, “Mou dq nzwrde naesz',” drtwr ngrde kx Gct sa nakatx-atwrnr-ngrde da amrlx kcng mzli kc tqwz-ngrde tzycngrlrng, murde natekqtrle mz da kxmrna kx trnaycngrlrung x nayctx-along.

Hibru 8:13

Mz nzrpikr Gct ‘Nzesz'tikr Drtwr Kc Ate,’ drtwr ngrde kx Krkc Kai blzlopengr, x takitrpede nzyrkrpx-krde.

Nzaelwapxngr 1:11

Rpile kx, “Yro mz buk da amrlx mcqng, x atwzlr-ngrbz buk lcde mz Esia Provins mz dzbe lrmakxtr mz taon rlimz seleng: Efiszs, Simrnz, Prgamzm, Taeatira, Sadis, Filadelfia x Laodisea.”

Nzaelwapxngr 2:8

X Jiszs nzngini-krde ncblo kc tqapule Mrlx Leplz, rpi-mople bange kx nayr-kzpo dq natq mz kxaclvele dzbe lrmakxtr kc mz taon Simrnz. Rpibzle kx, “Krlcng natqnge, ninge kxrtwayz x kxrmnr-ngrbz, ninge kc tqbz mzli kc ena, a' mzli ka lupe-mopwc'.

Nzaelwapxngr 20:11

Zbz obq-rmwible-moux, x mcx Gct nzwxbuo-krm mz tron kxetu kxprki. X opxm kx drtc' ncdr bongavz nzdwaszlr nide, x trnzmc-pnzung.

Nzaelwapxngr 21:1

Zbz obq-rmiwble-moux, x mcx kc bongavz kxmrna x drtc' kxmrna, kx trpnzngr prla ngrde. Bongavz kc kai ncdr drtc' nzmrbrpeng.