Galesia 5:17 - Natqgu

¹⁷ Nepunr drtwrmu x Mqngrkxtr nzota-etrng x nzota-ebirtr-zvzpxmqng bamu, mz nzaprcti-krdr nimu.

Galesia 5:17 ပူးပေါင်းရင်းမြစ်များ

Sam 119:133

Okatrp ninge mz nzvz-nqblq-krnge me pnz drtwrm, Murde alwx ma tqmailz-rbrle ninge.

Sam 119:159

Yawe, arlapx ninge mz nivz lrm, Murde mrlzm bange nzalvztr-krmqng.

Sam 119:176

Zmrlz ngrm nakqlelvzti-zvzle ninge. Murde kxmule-esz' vecpx-lzbqbo bam, A' trmrbrtitru mz drtwrnge lrpzki rm.

Sam 119:20

Pq zvz mz drtwrnge Nzkrlz-krnge nqmq krm.

Sam 119:32

Da kx mailzle ninge nangi lrpzki rm Mz nzokatr-krm ninge.

Sam 119:35

Abrtz-ngrne lrpzki rm Mrkc tqmailz-zvz-ngrn ninge.

Sam 119:40

Esalz-ngrm bange kx na-alvztrq ninge, Murde nztubq-krm naka-mople bange nzxplrngr.

Sam 130:3

Yawe, nzmu napx-ngrn nzipqpx-krm alwx rgrng, Trpnzngr kx narlapxbz mz nzayrplapxngr.

Sam 65:3

X kxmule-esz' nzvz-rbr-krgrng nzmrilvzlr nigr, A' ipqpx zvz alwx rgrng amrlx.

Matiu 12:30

“Na-aoti drtwrmu nrlarde kx namnckiamu. Neke trmnckileu mz nrlarde nyznge nide enqmi rnge. Krkc trokatrleu ninge mz nzrvzmi-ngrm leplz mz Gct, nide kx rmaszlrpxngr leplz mz nzvz-krmlr bade.

Matiu 16:17

Rpibz Jiszs bade kx, “Saemon, mrlx Jon, sa namrlzbz bam, murde Trtenge kc Heven nide kc tqrkabz drtwr lc bam. A' trvzpxpuu mz ncblo.

Matiu 16:23

A' Jiszs lxlvrbz x sc tqpnanatipele Pita. Rpibzle kx, “Esopx Pita! Bzkq apume bange Setzn, mz nzrpwa'-krme bange nzvz-nqblq-krnge me pnz drtwr Gct. Murde nzrkrlz-krm vz-nqblqle drtwr leplz.”

Matiu 26:41

Aukzpwzmu x krka'namu murde natu-amqngiamu mz nzatalzngr. Murde kxmule-esz' suti drtwrmu nzalengr da kxtubq, a' nzxplr-krmu esz'-krmu trtakitrdeu.”

Matiu 5:6

“Ngi da kxmrlz nzpqkr nabzmu mz nzrtangrti-krmu Gct, murde Gct sa naokatrle nimu mz nzvz-nqblq-krmu me pnz drtwrde.

Nrpakxmrlz Kx Yr Luk 22:33

Rpibz Pita kx, “Kxetu rnge, oliqtipex nzvz-krgi mz presin x mz nzbzmi-krnge nim!”

Nrpakxmrlz Kx Yr Luk 22:46

X mz nibr nzameo-krdeleng, sc tqrpipebzle kx, “?Nike tqmwilvzamu? Tulzamu, x krka'amu murde natu-amqngiamu mz nzatalzngr.”

Nrpakxmrlz Kx Yr Jon 3:6

Murde nrkrdrtq leplz mikapxle nrkrdrtq, a' Mqngrkxtr mikapxle mqngr.

Nzryr-krbz Pol Mz Lr Rom 8:13

Murde krkc tqvz-nqblq-zvzle lrpzki lc, sa nabz alo. A' mz nzrlr-krbzmu zmatq ngr Mqngrkxtr nzokatr-krde nimu, krlzamu nzesablqti-krmu lrpzki lc tqmrlz-zlwzbz mz nrkrdrtqmu x narmu. X mz nzale-krmu da lc, sa naprtramu mz nzlungr kxboi.

Galesia 3:21

?Lou kcng tqka Gct, nzrpwa'-ngrbzlr bade nzatutr-krde da kx esalz-ngrbzle? Trtingr! Murde rblxbz mz lou nzatubqtingr kxnzaleng alwx. X trpnzngr lou kx kabzle nzlungr kxboi.

Jemes 3:2

Vz-rbr-zvzku amrlx ngrgu. A' na-abzku nzpi-zvz-krgu da kxmrlz kxtubq. Murde doa kx trvz-rbru mz nzycmne-krde, nide mrlx kx tubq-esz'ngr, x krlzle nzaclve-lzbq-krde mz da amrlx.