Filipae 4:10 - Natqgu

¹⁰ Awi-zlwz-ngrbo mz Kxetu rgu, nzyc-moukr mz drtwrmu ninge mzli ka. Murde mzli boitxpe trpengr da kx aleamu mz nzokatr-krmu ninge. Trngiu murde traotiu drtwrmu ninge, a' trpnzngr mzli rde.

Filipae 4:10 ပူးပေါင်းရင်းမြစ်များ

Sam 85:6

Trtingr! Axplr-mop nzlu-krgr, Murde na-abrtz-ngrgr nim.

2 Korint 11:9

Kxmule-esz' kzdung mzli trpnzngr nange dakxnzng, a' tr-rlxpou da bamu. Murde mzli lcde, kzdung mzlegung kcng Masedonia Provins nzvzmqng x nzrkamqng bange trau kx namnc-xglex. X trpnzngr nztekqtr-krnge nqmq krnge lc.

2 Korint 6:7

Alvztr-ngrgr Nrpa ngr Kxnzmcpx mz zmatq ngr Gct x mz natq angidrng. X nztubq-krgr apule toki r vea mz mqgrng. Murde rblxbz mz leplz nzatrkati-krdr Nrpakxmrlz mz nzpipx-krdr kx nqmq krgr trka. X krlzkr nzaovxiongr leplz amrlx kcng tzrpilr narpwa'-ngrdr nzvzpxkr Nrpa lc.

Galesia 6:10

Mz nzmu-krde lcde, naokatrku leplz amrlx mzli kx takitrde, myapxbz kztegung kcng tzrlxngiting.

Galesia 6:6

X takitrde kx nimu kcng tzalvztr mz natq Gct naokatramu ncblo kc tqalvztrle nimu, mz nzrka-krbzmu da x trau bade.

Filipae 1:1

Ninge Pol, nigr ncdr Timoti, kxnzawz-nrbalqng ne Mevalu Jiszs. Ryrbzkr bamu, nimu leplz kxnztrng ne Gct amrlx kx nzaxvctrpzng mz Mevalu Jiszs. Nimu kcng tzmncng mz taon Filipae, badr kxnzaclvelr nimu x kxnzaclveng dalr makxtr.

Filipae 1:3

Awi-zvz-ngrbo mz Gct rnge mz nzdcpxkr mz drtwrnge nimu.

Filipae 2:30

Ycpwz pipz nzbz-krde mz nzwzkr Kraes. Trmwxlru nzrka-krbzle nzlu-krde mz nzayrkrpxngr nzokatrngr kx rblxbz bamu, murde mnc-rlrupwamu bange.