Filipae 3:17 - Natqgu

¹⁷ Mzli ka kx mzlengeng x inwengeng, navz-nqblqamu nqmq krngeng x nqmq kr leplz kcng tzmnc-nqblqlr nqmq krgr, nigr aposol.

Filipae 3:17 ပူးပေါင်းရင်းမြစ်များ

Sam 37:37

Yrlq angidr mz drtwrm ncblo kxmrlz kxtubq, murde mnc mz nrwx, X doa kxnzmika mz neidu lrde nzkqlu-zlwzng. Yrpalelvzx kxdrka'-ngrng murde sa nabzting, X doa lr neidu lrdr sa nayrkrtxong. Zvz Yawe na-arlapxle kxnztubqng. Murde nide me nzrlakitrlr mz mzli r nzkxpu-krdr. Zvz Yawe na-arlapxbzle nidr mz mq kxdrka'-ngrng, Murde nzbrti drtwrdr nide nzokatr-krde nidr.

Nzryr-krbz Pol Mz Lr Rom 16:17

Mzlengeng x inwengeng, xplrmibz natqnge bamu, kx aclvetioamu leplz kcng tzakipxlr kxnzrlxngiting. Murde nzatrkatilr nzrlxngiti-krmu mz nzrpi-krbzlr da kx blepxngr mz nzalvztrngr kc tqkrlz-kaiamu. Kapx-lzbqmamu badr.

1 Korint 10:32

Bzkq atrkatiamu drtwr lr Jiu o kxtrnzrlxngitiung, murde ma tzpxtxpx-ngrdr Nrpakxmrlz. X bzkq atrkati-kzamu drtwr kztemung lrmakxtr kxnzrlxngiting.

1 Korint 11:1

Mz nzmu-krde lcde, vz-nqblqamu nqmq krnge mz da lc, da kc tqwaix mz nzvz-nqblq-krnge nqmq kr Kraes.

1 Korint 4:16

Mz nzmu-krde lcde, rngidrlvz-ngrbo bamu kx navz-nqblqamu Jiszs, da kc tqwaix.

Filipae 4:9

Na-ale-zvzamu da kx alvztr-ngrne nimu mz natqngeng x mz nzmnc-krnge. X Gct kc tqrkam bagu nzmnc-zpwxngr, sa namncbz bamu.

1 Tesalonika 1:6

X nigr badr Kxetu kx ngibz lrpzki bamu kx navz-nqblqamu. Kxmule-esz' sc tzatrkatimu, a' sc tqlxngitiamu Nrpakxmrlz mz nzabrtzngr kx vzpxm mz Mqngrkxtr.

2 Tesalonika 3:14

Mrlx kx trmnc-nqblqleu natq kcng tqyrbo bamu mz letz lc, namcpwzmu nide. X navecpx-lzbqmamu bade, murde drtqde la namya mz nzvz-rbr-krde.

2 Tesalonika 3:7

Murde krlzpeamu kx nqmq krgr ngipe lrpzki kx navz-nqblqamu. Drtqgr trtau mzli kc tqmnc-ngrbzkr bamu.

2 Tesalonika 3:9

Kxmule-esz' takitrde nzpi-krbzkr bamu nzokatr-krmu nigr mz nzngini-krgr aposol, a' aclveti-lzbqgr mz nzngini-krbzkr lrpzki kc navz-nqblqamu.

1 Timoti 4:12

Bzkq leplz nzobqszolr nim mz nzngini-krm obla. A' nanginibzme lrpzki r kxnzrlxngiting, mz nzvz-nqblq-krdr nzycmne-krm, nqmq krm, nivz lrm, nzrlxngiti-krm, x nztubq-krm.

Hibru 13:7

Na-aoti mou drtwrmu kxnzmailzlr nimu kcng tzalvztrlr nimu mz natq Gct. Mc-zpwxamu da kxmrlzting kx nzvzpxmqng mz nqmq krdr, x vz-nqblqamu lrpzki rdr mz nzbrtikr drtwrmu Kraes.

1 Pita 5:3

X bzkq glqpx-lzbqbzmu badr, a' nangini-zvzbzmu lrpzki mz leplz nemung.