Filipae 2:13 - Natqgu

¹³ Murde Gct kc tqmncbz bamu, okatrle nimu murde nasuti drtwrmu nzvz-nqblqngr me pnz drtwrde x nakrlzamu nzrvz-nqblqngr.

Filipae 2:13 ပူးပေါင်းရင်းမြစ်များ

Sam 110:3

X mzli lcde, drtq leplz nemqng sa navq zlwz nzprtr-krbzlr mz ami nem, Murde namailzq nidr mz zmatq ngrm kc tqluli, tqtr. X obla nemqng sa navzmqng naprtr-kzpzng bam mz nzaxplr-mou-krdr ami nem. Na-apubzlr badr mi kc tqvzom mz nzrka-krbzle nzlungr kxmrna mz nabr.

Sam 119:36

Okatrp ninge mz nzpqtikr drtwrnge natqm, Murde myaszpxle nzrngisc-krnge da kxkqlu.

Sam 141:4

Bzkq rlr-ngrme nzsutikr drtwrnge da kxdrka'ngr, Murde ma tqprtrpo badr kxnzaleng alwx Mz nzale-krdr da kxvz-rbr, X ma tqprlvz mzke' da kxtrka.

Nrpakxmrlz Kx Yr Luk 12:32

“Apuamu sip nengeng x rblx nzokatr-lzbq-krmu. A' bzkq mwxlramu, murde Trtemu kc Heven abrtz-ngrde nzrka-krbzle bamu da kcng tzvzpxmqng mz nzngini-krde King rmu.

Nrpakxmrlz Kx Yr Luk 2:14

Nzrpilr kx, “Takitrde nzamatqngr Gct kc tqmnc Heven kc tqyctxlz. X mz nrlc, nzmnc-zpwxngr sa naycbz mz leplz kcng tqabrtzlvzleng!”

Nrpakxmrlz Kx Yr Jon 3:27

Rpibz Jon kx, “Trpnzngr ncblo kx nartrngzbz da lcdeng mz nide esz'-krde, a' nzkaomqng Gct Heven. X kxmu-kzle la mz nide.

Nrpakxmrlz Kx Yr Jon 6:45

Mzli kc bqnc, leplz kcng tzvzmqng mz Gct, kxmu nzyrkr profet le nide sele. Nzrpilr kx, ‘Gct sa na-alvztrle leplz amrlx.’ X mzli ka, krkcng naxlrlr nzalvztrkr Trtenge x nzlxngitilr nide, sa navzmqng bange.

Aposol 11:21

X Kxetu Gct okatr-zvzle nzwz-krdr. X leplz kqlu nzlxngitilr Jiszs x nzvz-nqblqlr natqde.

Nzryr-krbz Pol Mz Lr Rom 12:3

Mz nzngini-krnge aposol, rngidrlvz-ngrbo mz doa kxesz' mz nimu, kx bzkq glqpx-lzbqm. A' na-avzo-lzbqm mz nzkrlz-angidr-krm zmatq kx myapxbz kc tqkabz Gct bam mz nzwztr-krbzme bade. Murde zmatq lc vzpxm mz nzlxngiti-krm Kraes.

Nzryr-krbz Pol Mz Lr Rom 9:11

Kxmule-esz' mztr trnzmcka x trnzalekalr da kxmrlz o da kxtrka, a' rpibz Gct mz Rebeka kx, “Mrlxm kxetu sa nawztrpz mz mzlede kxtopwz.” Gct pile da lc mz nzaelwapx-krde kx nzmcpx-krde leplz trtuou mz da kx nzalelr, a' tuo mz drtwr kx yrlq-pnzle.

Nzryr-krbz Pol Mz Lr Rom 9:16

Mz nzmu-krde lcde, Gct sa namcpxle krkcng natwzlr da kx esalz-ngrde. X nzmcpx-krde leplz tryctru mz nzrsutikr drtwrdr o mz nzale-krdr da, a' mz nzryckr drtwrde nidr.

1 Korint 12:6

X nzrkrlzngr kxkqlung kx bletipx-lxblrng kx nzvzpxmqng mz Gct kcpwz esz', mz nzalekr leplz nzwzngr kc tqaprcbzle badr.

1 Korint 15:10

Nzlxngiti-krnge Jiszs x nzngini-krnge aposol nede nzvzpxmqng mz zmrlz ngr Gct kxmyalz. X zmrlz ngrde lc trmaneu, murde nzyapwxtipx-krnge Nrpakxmrlz mrkang kqlu myaszpx-zlwzle nzwzkr aposol lcng amrlx. A' trtakitrdeu nzglqpx-krdr ninge mz da lc, murde nzwz-krnge vztxpxpwq mz zmrlz lc tqmyalz.

2 Korint 3:5

Krlz-angidrkr kx trpnzngr scgr zmatq esz'-krgr mz nztekqtr-krgr nabz leplz. A' zmatq ngr Gct txpwz kx tekqtrle nabzdr mz nzvzpx-krmle mz nzwz-krgr.

Efiszs 1:11

X mcpx Gct nigu x yrlq-pnzle drtwr kx nanginigu doa nedeng mz nzaxvctr-krbzku mz Kraes. X Gct batrpzle da amrlx kx prtzm mz nzvz-nqblq-krde nzyrplapx-krde mz drtwr kc tqyrlqle.

Efiszs 1:5

Mz nivz lrde, pnzpe kai drtwr Gct kx naotile nigu mz nzngini-krgu doa angidr nedeng mz Jiszs, murde mrlzbz bade.

Efiszs 1:9

X mzli ka abrtzlvz Gct nzaelwapx-krmle bagu drtwr kxmyapxbz kc tqyrlq-kaile mzli kc bqnc, tqyc-kapqbz mz kxnzlung amrlx krlzmle mzli ka. Kraes nide nou drtwr lc x atutrle. Murde mz nzkrlz-krbzle mzli kx mcpx Gct, Gct sa na-ayrlwr-lxblrle mz dzbede kxesz' kxnzlung amrlx mrkc Heven x mz nrlc ka, murde namnclzbzng mz Kraes kc nangi nardr.

Efiszs 2:8

Murde nzrlapx-krmu vzpxm mz zmrlz ngr Gct kxmyalz, mz nzokatr-krde nimu mz nzabrtr-krbz drtwrmu mz Kraes. A' nzrlapxngr lc trvzpxpuu mz nimu esz'-krmu. A' Gct kx rka-nrbalqbz bamu, murde ma tqglqpx-lzbq-ngrnamu kx wz-ngrnamu da lc mz zmatq ngrmu esz'-krmu.

2 Tesalonika 1:11

Delc, nzkrka'-zvz-krgr nimu tqkxmu-ngrde sele. “Gct rgr, krka'-ngrgr kx natakitrde nidr nzlungr kc tqoliqti-ngrn nidr. X kx naokatrpzme nidr mz zmatq ngrm, murde na-alelr da kcng amrlx tqmrlz tzsuti drtwrdr mz nzlxngiti-krdr Mrlxm.

2 Timoti 1:9

X Nrpakxmrlz lc nide sele. Gct arlapxle x kqlele nigu nzngini-krgu doa kxnztr nedeng, mz nzvz-nqblq-krde me pnz drtwrde x zmrlz ngrde kxmyalz. A' trvzpxpuu mz da kx aleku. Murde mzli kc nrlc trnzwzka-ngrde, Gct pnzpe drtwrde kx Mevalu Jiszs Kxnzmcpx na-arlapxle nigu. X mz nzvzo-krmle mz nrlc, aovxiole zmatq ngr nzbzngr. X Nrpakxmrlz aelwapx-ngrde kxnamu nzprtrngr mz nzlungr kxboi.

1 Pita 1:3

Na-awibzku mz Gct kc tqngi Trte Kxetu rgu Jiszs Kxnzmcpx. Murde mz zmrlz ngrde kxmyalz batrple bagu nzprtr-krgu mz nzlungr kxmrna. Lxngitiku Jiszs Kxnzmcpx kc tqatulz-mop Gct mz nzbzngr x prtr-kzku mz nzlungr kxboi. X obqtipxku da kxmrlzting amrlx kx nzyrlq-bekapxlr mz nzka-krmlrleng bagu Heven. Murde da lcng trnayrkrpxu x trnatekqtru, a' sa nayc-along.