Filipae 1:8 - Natqgu

⁸ Krlz Gct kx trpokiawxu mz nzrpi-krbo kx nzmrlzti-zlwz-krnge nimu vzpxm mz nivz lr Mevalu Jiszs.

Filipae 1:8 ပူးပေါင်းရင်းမြစ်များ

Nrpakxmrlz Kx Yr Luk 1:78

X mou, mz nzvz-nqblq-krde nzryc-zlwzkr drtwr Gct, sa na-atwzlro-ngrmle Kxnzmcpx bagu. X na-apule zyzlr.

Nzryr-krbz Pol Mz Lr Rom 1:9

Wztrpo mz Gct mz mqngrnge atwrnrngr, mz nzpipx-krnge Nrpa ngr Mrlxde. X Gct krlzle kx trmrbrtru mz drtwrnge nimu mz nzkrka'-krnge.

Nzryr-krbz Pol Mz Lr Rom 9:1

Mzli kang kqlu drtqnge etq zlwz x drtwrnge vztx-ngrde kxnginingeng, lr Jiu, mz nzpxtxpx-krdr Kraes. Pibo da lc bamu x krlzamu kx ngi da angidr murde nede ninge Kraes. X Mqngrkxtr ncdr nzao-krnge drtwrnge, nzpimlr mz nabznge kx trpokiawxu.

2 Korint 13:9

X mzli kc tqlolvz-amqngi-ngrnamu nzrlxngitingr angidr, abrtzkr kxmule-esz' zmatq ngrgr yc-kapq. Murde krka'-zvz-ngrgr kx nzrlxngiti-krmu nabr.

2 Korint 6:12

X trpnzngr me lolvz-moukr mz nivz lc. A' trka-atwrnr-ngrpwa'muu nabzmu bagr, mz nzmrlzti-kz-krmu nigr.

2 Korint 7:15

Nzmrlztikr Taetus nimu etunepx mz nzaotikr drtwrde kx drtqmu vq mz nzmnclz-krbzmu mz zmatq ngrde x amatq-zlwzamu nide mz nzngi-krde menrpa nenge.

Galesia 1:20

Esalzx mz mz Gct, kx da amrlx kx yrbo bamu da angidr.

Galesia 3:26

Mzli ka kxmule-esz' trnginipuu lr Jiu, a' nimu kz doa kxnztopwzng ne Gct, murde lxngitiamu Mevalu Jiszs nzarlapx-krde nimu.

Galesia 4:19

Doa nengeng, apux lxemu, murde drtwrnge yckq krlzbzle mzli kx mzpu nzmc-ngrdr, x opx angidr kx nzmnc-krmu lc mrlz, x navz-nqblq-zpwxamu Kraes mz nzapu-krmu nide.

Filipae 2:1

Batrpzmu nzelalz-krm drtwrnge, mz nzale-krmu da lcde seng. Drtwr naesz'ti murde Kraes sc tqapqtrpzle drtwrmu. X nivz lrmu na-apule nivz lr Kraes kc tqmrlztile nimu. X nzmnc-lxblr-krmu natr murde odutr-lxblramu badr Mqngrkxtr. X da kx napnz drtwrmu naesz', murde mrlzti-lzbqamu x tqyc mz drtwrmu kztemu.

Filipae 2:26

Sutitx zlwz drtwrde nzmc-krde nimu amrlx, x nabzde talvzo murde nzxlr-krmu nzyagox-krde.

Filipae 4:1

Mz nzmu-krde lcde, tu-amqngitrpzmu mz Kxetu rgu, da kc tqwai nzpi-krbole bamu. Nimu kztengeng kx mrlzti-zlwzx. Mzli ka sutitx zlwz drtwrnge nzrmcngr nimu. Murde aelalz-zvzmamu drtwrnge x apuamu da kxmrlz kx sa natwzx mz nzokatr-krnge nimu mz nzrlxngiti-krmu.

Kolosia 2:1

Suti drtwrnge nakrlzamu kx wz-katox mz nzokatr-zvz-krnge nimu lr Kolosia, lr Laodisea, x kzdu-kzng leplz kxkqlu kcng tr-rmcti-lzbqkru badr.

Kolosia 3:12

Nimu leplz kxnztrng ne Gct kx mcpxpeleng x mrlzti-zlwzle nimu. Nayc mz drtwrmu leplz. X namncamu mz nzokatrngr, nzavzo-lzbqngr, nzmnc-nrwxngr x nzaenzli-zpwxngr.

1 Tesalonika 2:5

X krlz-zpwxamu kx trtamitikru nimu mz nzycmne-krgr x tresabrtikru nimu mz nztwz-krgr trau scmu. Krlz Gct kx da lc da zpwx.

1 Tesalonika 2:8

Abrtzlvz-ngrgr nzrpipx-ngrbz bamu Nrpa ngr Gct murde aodukr nimu. X abrtz-kzkr nzka-lzbq-krbzkr bamu murde pqtr zlwz mz drtwrgr nimu.

2 Timoti 1:4

Mz nzdctipxkr drtwrnge mzli kc tqprszpx-ngrne nim, tqyrni-ngrme bange, sutitx zlwz drtwrnge nzmc-krnge nim, murde na-abrtz-mouki.

Filimon 1:12

Pq zlwz mz nabznge x mrlzm bange nzyzlu-krmle mrka mz nzwztr-krmle bange. Murde naokatrle ninge da kc nawai nzokatr-krm ninge nzmu namncq mrka. Kxmule-esz', a' na-ayzlu-kaipo nide bam.

Filimon 1:20

Delc, mzlenge, okatr ninge mz nzale-krm da kx rlxtibo bam x mz nzayzlu-krme Onesimzs bange, murde na-apqtrpe' nabznge mz Kraes.

1 Jon 3:17

Doa kx rngisc da x px-ngrde nzokatr-krde mzlede kx tr-rngiscu da, trpnzngr nivz lr Gct kx ycpxm mz nabzde.