Efiszs 6:18 - Natqgu

¹⁸ X mz nzvec-krmu, krka'-zvz-ngrbzmu mz Gct nzokatr-krde nimu. X mz da amrlx krka'-zvzamu navz-nqblqle kxmu nzpi-krbz Mqngrkxtr le mz nabzmu. Mz nzkrka'-krmu aclvetio-angidramu, murde drtwrmu bzkq ma mz nzkrka'-krmu leplz neng Gct amrlx mrkang kqlu. X bzkq esaki nzkrka'-krmu, navz nakrlzbzle mzli kx ayzlu-ngrbz Gct natqmu.

Efiszs 6:18 ပူးပေါင်းရင်းမြစ်များ

Sam 4:1

Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.

Sam 6:9

Xlrpemle nike rlxtibo, X sa na-ayzlumle natqnge.

Matiu 17:21

A' drka' kxmule la nzmaszlrpx-ngrpwz mz nzkrka'ngr vzmi nzaxtxngr dakxnzng.”

Matiu 26:41

Aukzpwzmu x krka'namu murde natu-amqngiamu mz nzatalzngr. Murde kxmule-esz' suti drtwrmu nzalengr da kxtubq, a' nzxplr-krmu esz'-krmu trtakitrdeu.”

Nrpakxmrlz Kx Yr Mak 13:33

Mz nzmu-krde lcde, oliq-zvzamu murde trkrlzwamuu mzli rde.

Nrpakxmrlz Kx Yr Mak 14:38

Aukzpwz x krka' murde natu-amqngiq mz nzatalzngr. Murde kxmule-esz' suti drtwrm nzalengr da kxtubq, a' nzxplr-krm esz'-krm trtakitrdeu.”

Nrpakxmrlz Kx Yr Luk 21:36

A' navz zvz nzaclvetio-lzbq-krmu murde ma tqtaoamu mz alwx. X nakrka'-zvzbzmu mz Gct kx natu-amqngiamu mz nzrlxngiti-krmu, kxmule-esz' da kx prtz. Murde ninge, Mrlx Leplz, na-abrtzlvzx nimu mzli kc natutr-ngrmamu mz mzke' mz mzli lcde.”

Nrpakxmrlz Kx Yr Luk 22:46

X mz nibr nzameo-krdeleng, sc tqrpipebzle kx, “?Nike tqmwilvzamu? Tulzamu, x krka'amu murde natu-amqngiamu mz nzatalzngr.”

Nrpakxmrlz Kx Yr Luk 3:26

Nagae ngi mrlx Maat. Maat ngi mrlx Matataeas. Matataeas ngi mrlx Semen. Semen ngi mrlx Josxk. Josxk ngi mrlx Joda.

Nrpakxmrlz Kx Yr Luk 3:37

Lamxk ngi mrlx Mxtusxla. Mxtusxla ngi mrlx Inck. Inck ngi mrlx Jarxt. Jarxt ngi mrlx Maalalil. Maalalil ngi mrlx Kenzn.

Aposol 1:14

Nzamnctr-lzbq-zvzng mz nzkrka'ngr mz nzesz'tikr drtwr, nidr badr Mxri, lxede Jiszs, mzledeng, x kzdung olvz kxnzetung.

Aposol 10:2

Nide badr lr ma nyzde nznginidr leplz kx nzamrluelr Yawe Gct angidr. X okatr-zlwzle lr Jiu kxtrnzrngiscung x krka'-zvzbz mz Gct.

Aposol 12:5

Zbz Pita mncpxm mz presin, a' lrmakxtr sc tzkrka'-zvz-ngrdr kx Gct naokatrle nide.

Aposol 6:4

Zbz na-amnctr-lzbqpwzkr mz nzkrka'ngr x mz nzryapwx-ngrbz Nrpa ngr Jiszs.”

Nzryr-krbz Pol Mz Lr Rom 12:12

Naelalz-zvz-ngrm drtwrm nzobqtipx-krm da amrlx kcng tqesalz-ngrbz Gct bam. Tu-amqngi mz nzrlxngiti-krm mz mzli r nzkxpungr. Bzkq nzkrka'-krm esaki.

Nzryr-krbz Pol Mz Lr Rom 8:15

X Mqngrkxtr kc tqkamle bagu, trapusr-ngrdeu nigu kxnzawz-nrbalqng kcng tzmwxlr-ngrdr nide mz nzayrplapx-krde nidr. A' mz nzka-krmle bagu Mqngrkxtr, nginipegu doa nedeng, x Mqngrkxtr pi-zvzmle bagu kx Gct suti zlwz drtwrde nzrpi-krbzku bade kx, “Trte.”

Galesia 4:6

X mzli ka nipe-kzmu doa neng Gct. X Mqngr Mrlxde kc tqmncpxm mz nabzgu, okatrle nigu nzkrlz-krgu kx takitrde doa kxesz' mz nigu nzrpi-krde kx, ‘Gct ngi Trtenge!’

Efiszs 3:18

Murde mz zmatq ngrde nakrlz-angidramu nzetukr nivz lr Kraes. Murde nzyryz-krde, nzboi-krde, nzvzo-krde, x nzmyalz-krde tqvzpe tqvzpe.

Efiszs 3:8

Kxmule esz' leplz nedeng amrlx nzmyaszpxlr ninge, a' mz zmrlz ngrde kxmyalz rlr-ngrmle bange nzyapwxtipx-krbo mz kxtrngiulrJiu da kxmrlzting kx twzku mz Kraes, kx trnzkrlzu me yrkrkipxle.

Efiszs 6:19

X krka'-kz-ngrnamu ninge, murde nakam Gct bange natqdeng mzli kznike naycmne-ngrne, x nelznge nabr, mz nzyokaetipx-angidr-krbo Nrpakxmrlz kc tqyc-kapqbz mz leplz.

Filipae 1:4

X mzli kznikeng krka'-ngrne nimu amrlx, krka'-abrtz-zvzx.

Filipae 4:6

Bzkq drtwrmu yclwz mz da, a' rlxtibzmu mz Gct mz nzkrka'ngr x awibzmu bade mz da amrlx.

Kolosia 1:3

Awi-zvz-ngrbzkr nimu mz Gct Trte, mzli kznikeng krka'-ngrgr nimu. Murde Kxetu rgu Jiszs Kxnzmcpx nide mrlxde.

Kolosia 1:4

Awi-ngrbzkr nimu mz Gct murde nzxlr-krgr nzabrtr-krbzmu drtwrmu mz Mevalu Jiszs, x nzmrlzti-krmu leplz ne Gct amrlx.

Kolosia 4:2

Nakrka'-zvzbzmu mz Gct, x mzpu nabr-zvzpwz mz nzkrka'-krmu x na-awibzmu bade.

1 Tesalonika 5:17

Nakrka'-zvzamu!

1 Timoti 2:1

Na-alvztrpzme mz lrmakxtr nem kx nakrka'-ngrgu leplz kcng tzaclveng drtc' amrlx x kxnzrmailz rgung amrlx. Murde na-aclve-angidrlr nigu x namnc-zpwxku mz nzamatq-krgu Gct, x mz nzvz-nqblq-krgu natqde. X nakrka'-ngrgu leplz amrlx, mz nzrlxti-krbzku mz Gct nzokatr-krde nidr. X na-awibzku bade mz nzayzlu-krde nzkrka'ngr lcng.

2 Timoti 1:3

Wztrpo mz Gct mz nabz kxtubq, da kc tzwai melrmqngeng. X mzli kang kqlu krka'-ngrne nim, x awi-zvz-ngrbo bade.

Filimon 1:5

Mz nzxlr-krnge kx lxngitiq Kxetu Jiszs x mrlzti-zvz-kzq kxnzrlxngiting.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.

1 Pita 4:7

Ycpe pipz nzyrkrpx-krbz nrlc ka. Mz nzmu-krde lcde, aclvetio-lzbqamu murde nzkrka'-krmu nawz-angidrng.

Nzryrkr Jud 1:20

Mzlengeng x inwengeng, mzli ka tqaenzli-ngrnamu nzprtr-krmu mz nzlungr kxboi Heven, kc tqvzpxm mz nzryckr drtwr Kxetu rgu Jiszs Kxnzmcpx x zmrlz ngrde, namnc-aepztrpzmu mz Gct mz nzlolvz-zvz-krmu nivz lrde. Natu-amqngiamu mz nzalvztrkr aposol, murde nzrlxngiti-krmu naetunepx zvz. X narlr-lzbq-ngrbzmu mz zmatq ngr Mqngrkxtr nzmailz-krde nimu mzli kznikeng krka'-ngrnamu.