Efiszs 6:1 - Natqgu

¹ Nimu doa kxnztopwzng, lxngitibzmu natq trtemu badr lxemu, murde axvctr-lzbqpebzmu mz Kxetu x krlc me pnz drtwrde.

Efiszs 6:1 ပူးပေါင်းရင်းမြစ်များ

Sam 119:128

Sa natubq-zvzm bange nzalvztr-krmqng amrlx. X mamwe-ngrne nqmq amrlx kx vz-rbr.

Sam 119:75

Yawe, krlzx kx takitrde nzayrplapx-krm ninge Murde vz zvz nzokatr-krm leplz nemqng.

Sam 19:8

Natq Gct aelalzmle drtwr kxnzrvz-nqblqng mz nztubq-krde. Aelwapx-ngrde da kx yc-kapq mz nzobqplx-krde nabz.

Nrpakxmrlz Kx Yr Luk 2:51

Zbz sc tzvzpe-moung badr Naszret. Nzmnc-krdr kc Naszret lxngiti-txpwzle trtede x lxede. X lxede yrlqle mz nabzde da lcng amrlx.

Nzryr-krbz Pol Mz Lr Rom 12:2

Bzkq rlr-lzbq-ngrbzmu mz nzvz-nqblq-krmu nqmq kr lr nrlc, x bzkq drtwrmu esz'ti badr. A' rlr-ngrbzmu mz Gct nztekqtr-krbzle nqmq nr drtwrmu, murde navz-nqblq-alzuamu me pnz drtwrde. X mz nzale-krmu da lc, nakrlz-zvzamu me pnz drtwrde. Krlc da kx mrlzbz bade, aelalz-ngrmle drtwrde, x tubq mz nzobq-krde.

Nzryr-krbz Pol Mz Lr Rom 16:2

Rlxtibo bamu nzaodu-krmu nide naesz' mz nzngini-krmu leplz neng Gct, murde wztrpz mz Kxetu. Okatramu nide mz nikeng suti drtwrde, murde okatr-zlwzle ninge x leplz kxnzkqlu.

Nzryr-krbz Pol Mz Lr Rom 7:12

?Nike, drtwr ngrde kx natq Gct batrple nzmnc-rlru-krbzki bade? Bzkqtx pnz! Na-aoti drtwrgi dxlrbi. Kzdung mzli mz nzobq-krgi otxpx. A' mzli kc tqayabeti-ngrgile mz dapunc, aelwapx-ngrde kx lue lc ngangrtx zlwz. Trngiu dapunc kc tqblqki, a' lue esz'-krde. Natq kc tqkapx Gct apule dapunc lc mz nzaelwapx-krde alwx kc tqyc-kapq mz nabzgi mzli kc zmatq ngr alwx lc tqatao-ngrde nigi mz alwx. Trngiu natq Gct kc tqtrka, a' alwx kcng tqtrka zlwz mz nzobq-krde. Delc Lou sc Gct tr x natq amrlx kcng tqkapx Gct nztrng, nztubqng, x nzmrlzvxing.

1 Korint 15:58

Mz nzmu-krde lcde, kx mzlengeng x inwengeng, bzkq vecpx-lzbqamu mz nzbrtikr drtwrmu Kxetu rgu, a' tu-amqngi-zvzamu. X rlrpx-lzbqamu mz nzwzngr kc tqaprcbz Jiszs bamu, murde nzwz-krmu trnamaneu, a' rpile kx nrade nayc-zvzbz.

1 Timoti 5:4

A' nzmu olvz kxabzo kx rngine doa o doa ne doa nedeng, o kzdq kz kxnginide, doa lcng naokatrlr lxedr, murde na-ayzlu-mopwzlr nzaclvekr lxedr x trtedr nidr, mzli kc tztopwz-ngrdr. X mz nzvz-nqblq-krdr nzmncngr kxmrlz mz nzobqkr Gct, naokatr-ayrnr-ngrdr lr mrnyzdr, mz nzwztr-krbzlr badr.

1 Pita 2:13

X mz nzamatq-krmu Kxetu rgu Jiszs, namnclzbzmu mz zmatq amrlx kcng tzyrlqbz bamu. Abzo mz king o gzpman kc tqaclvele nimu,

Rut 3:5

Rpibz Rut kx, “Sa na-alex nikeng pitime.”