Efiszs 5:4 - Natqgu

⁴ Murde trtakitr-kzdeu nzryapwx-krmu kxtrka. Bzkq yapwxtipxamu be kx amyale drtq. Bzkq ycmne-lukurnr-ngrnamu x rwxtiamu leplz. A' awi-ngrbzmu mz Gct nivz lrde, mz nzycmne-krmu amrlx.

Efiszs 5:4 ပူးပေါင်းရင်းမြစ်များ

Sam 33:1

Naelalvzku Yawe, nigu kx nztubqng. Murde mrlzvxi nzglqpx-krgu nide.

Sam 92:1

Yawe myatxlz-esz'ngrn. X mrlzvxitxm bange nzawi-krbo bam X nzglqlz-krnge nim, Mz nzayrningr gita x ukzlele, Mzli kznike angrlvz-ngrne nivz lrm mz nourla, X nzyrlq-angidr-krm natqmqng mz milzpq.

Nzryr-krbz Pol Mz Lr Rom 1:28

Zbz Gct sc tqaprcpebzle badr mz zmatq ngr drtwr kxtrka mz nzrtrngzti-zvz-krbzlr da kx trtakitrpleu nzalekr leplz le. Murde aoti drtwrdr kx trtakitrpedeu nzlxngiti-krdr nide.

2 Korint 1:11

Murde mnc-xgle-kzkr nzprtr-krbzmu mz kztegung mrkang kqlu mz nzkrka'-krbzmu mz Gct nzokatr-krde nigr. X mz nzayzlu-krbzle nzkrka'-krmu, nimu kxnzkqlung sa na-awi-ngrbzmu bade zmrlz ngrde kx avzomle bagr.

2 Korint 9:15

X na-awi-kzpzku mz Gct mz nzka-nrbalq-krmle Mrlxde bagu, kxmule-esz' rblxm bagu nzrpi-krgu nzetukr zmrlz ngrde lc tqmyalz.

Efiszs 4:29

Bzkq ycmne-atrkatiamu leplz mz nzrpibqti-krmu x nzrlcbqti-krmu nidr. A' rpi-txpwzmu natq kx takitrde nzaxplr-krde nabz leplz neng Kraes, murde na-amrlz-zvzamu krkcng tzlalztqng.

Filipae 4:6

Bzkq drtwrmu yclwz mz da, a' rlxtibzmu mz Gct mz nzkrka'ngr x awibzmu bade mz da amrlx.

Kolosia 3:8

A' mzli ka da kx bzkq rtrngztipebzmu nidr seleng: zngya, nzotangr, x nzaetqngr drtq. Bzkq rpibqtiamu x bzkq natq kxtrka vzpxm mz naomu.

1 Tesalonika 3:9

X rblxm bagr nzpipx-krgr natq ngr nzawi-krbzkr mz Gct mz nzetukr nzabrtzlvz-krgr nimu.

1 Tesalonika 5:18

Kxmule-esz' nike prtz, a' na-awi-zvz-ngrbzmu mz Gct da lc. Murde suti drtwrde kx doa amrlx kcng tzlxngitilr Jiszs na-awi-zvzbzng bade.

Filimon 1:8

Mzlenge, mz nzngini-krnge aposol ne Mevalu Jiszs, rngiscnge zmatq mz nzrtulrtr-krbo bam nzale-krm da kxtubq. Kxmule-esz', a' rlxtibo bam nzipq-krm Onesimzs murde mrlztiq ninge. Ninge lrtzlvz Pol kc tqmnc mz presin murde vz-nqblqx Mevalu. Mz nzmncpx-krmc lc mz presin, okatrx Onesimzs mz nzlxngiti-krde Jiszs, x mzli ka apupele mrlxnge.

Hibru 13:15

Mz nzmu-krde lcde, mz nzaxvctr-krbzku mz Jiszs, narlrpx-zvz-ngrbzku blz ngr nzglqlz-krgu Gct, mz nzawingr. Murde takitrde leplz kx nzpipxlr kx nide Kxetu Lod rdr nzale-krdr da lc.

2 Pita 2:18

Leplz lcng nzglqpx-lzbq-zvzng mz nzycmne-krdr kx trpnzngr noude. X nztamitilr leplz kxnzrlxngiti-ateng mz nzamqmiti-rbr-krdr mz nrkrdrtqdr. Murde leplz lcng tzrlxngiti-ateng, tr-rblxu nzataongr nidr mz alwx.

2 Pita 2:7

A' Gct arlapxle Lot mzli lcde, murde nide ncblo kxtubq kc tqxngitr-zlwzle nzale-zvzkr leplz lcng drka'-ngrng da kx myangr drtq.

Nzryrkr Jud 1:10

A' kxnzalvztr-rbr lcng nzpibqtilr da kznikeng tryrplatitru nardr. X mou, nqmq krdr vz-nqblq-txpwzle nqmq kr animol kzpetong, kx trpnzngr nardr. X trnzxplrlvzlru nrkrdrtqdr, a' nzvz-nqblq-alzulr nike xngibz nrkrdrtqdr, kcng tzbatrpzlr nzprtrngr mz zngya ngr drtwr Kxetu x nzayrplapx-krde nidr.

Nzryrkr Jud 1:13

X kxnzalvztr-rbr lcng nzapu-kzlr nrc kxetuting mz nabz trlipu kxetu kx yrplao mz nabz drta' x nzrlaszlr dcvi kxnzlvemlr. Murde nqmq krdr lc trmrlzu atrkatile leplz. X mou nzapulr vri kx nzvz-lvilr nzti rdr, murde nzamnc-mrbrlr krkcng tzrma-nqblqng. Delc sa na-amnc-along me yc-zlwzngr nzlo mz Hxl.