Efiszs 5:19 - Natqgu

¹⁹ X mz nzokatrkr Mqngrkxtr, ycmne-etramu badr kztemung mz natq ngr Sam, him, x nabz kxtrng. X angrlvzamu Kxetu mz nabzmu atwrnrngr.

Efiszs 5:19 ပူးပေါင်းရင်းမြစ်များ

Sam 147:7

Nangr-ngrgu nabz kx yrlvi mz nzayrni-krbzku gita mz Yawe, Mz nzawi-krbzku bade.

Sam 62:8

Leplz nengeng, mz nzangidati-krbzle da kx yc mz drtwrmu, na-abrtxtrpwzmu drtwrmu bade. Murde nide txpwz me rlakitrku.

Sam 86:12

Murde nabznge atwrnrngr na-awibz bam mz nzngini-krm Gct x Kxetu rnge, X na-angio-zvzx drtqm.

Sam 95:2

Na-awibzku bade Mz nzngr-kato-krbzku bade mz nabz kxyrlvi!

Matiu 15:8

‘Leplz lcng nzamrlue-txpwzlr ninge mz naodr. A' trnzvz-nqblqlru natqnge murde nqmq nr nabzdr yc-rlrup bange.

Matiu 26:30

Mz nibrde ngrtx-ngrgr kc Sam ngr nzrglqpxngr x sc tqrlaszpekr mzteadau, tqvzdzpekr mz Newz ngr Nc Olivi.

Aposol 16:25

Mzli kc mz aurnrlc, Pol ncdr Saelas tzkrka'ng x tzglqlzlr Gct mz nzngr-krdr nabz kxtrng. X krkc-kzng tzamncng mz presin sc tzlalztqbzng badr.

1 Korint 14:15

Delc, pnzpe drtwrnge kx mqngrnge sa nakrka'bz x nangrbz mz Gct mz natq lr mrkzbleng mz nzangio-krnge nide mz nzmnc-krnge esz'-krnge. A' drtwrnge sa nakrka' x nangrbz mz Gct mz natq leplz kcng tqangio-lxblrkr badr. X navz-nqblqamu natqnge lcng.

1 Korint 14:26

Mzlengeng x inwengeng, da kx navzpxmqng mz nzalvztr-krnge lc nide sele. Mz nzyrlwr-lxblr-krmu takitrde doa kxesz' mz nimu nzprtr-krde mz nzangiongr lc, mz nzrlwx-krbzle kzdq nabz kxtr, o mz nzalvztr-krbzle kzdq da, o mz nzaelwapx-krbzle kzdq da kxyc-kapq, o mz nzycmne-krbzle mz Gct mz natq lr mrkzbleng, o mz nzrpipx-krbzle drtwr ngr natq lr mrkzble lcng. Murde da kxmyapxbz nzokatr-krmu lrmakxtr atwrnrngr.

Kolosia 3:16

Natq Kraes nangi da kx ayrnrngr zvz mz nabzmu, mz nzalvztr-lzbq-krmu x nzlc-apqbz-lzbq-krmu, mz nzyrplapxngr kx kabz Gct, x mz nzawi-krbzmu bade mz nzngr-krmung him, Sam x nabz kxnztrng.

Jemes 5:13

Nimu kcng tzaxvctrpzng mz Kraes na-aleamu da lcng. Doa kx drtqde etq, nakrka'bz mz Gct. Mrlx kx abrtz, na-angrlvzle Gct.

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”