Efiszs 4:31 - Natqgu

³¹ Naesakiamu nzrtrngz-ngrbz drtwr kxtrka lcde seleng: nzlolvz-amqngi-krmu zngya ngr drtwrmu kx vz nabu, zngya kxetu, nztalwz-krmu, nzpibqti-krmu leplz, x nzmwatikr drtwrmu leplz.

Efiszs 4:31 ပူးပေါင်းရင်းမြစ်များ

Sam 101:5

Sa narpwa'-ngrbo krkcng tzpikiti-awalr kxnzmnc-aepztrpzng badr. X kxnzglqpx-lzbqng trmrlzu mz nzobq-krnge.

Sam 140:11

Suti drtwrnge kx krkcng tzpokiang nzmnc-krdr mz drtc' natangqneo. X da kxtrka nadwatibzle krkcng tzota-zvzng mz nzodati-krde nidr.

Sam 15:3

A' bzkq rpibqti leplz. Bzkq atrkatile kztede. X bzkq pikitile kxnzesotrpzng bade.

Sam 37:8

Eu, bzkq drtwrm ngya x nabzm talvzo Murde da lcng li ma tzrkatrpzng bam drtwr kxtrka. Eu, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr, A' kxdrka'-ngrng sa namaszlrtxpx-ngrng. Glqpx Yawe kx mzli trnaboipeu x kxdrka'-ngrng sc tzmrbrpeng. Kxmule-esz' rtangrtiq nidr a' trpengr nzmc-krmleng. Gct rlr-ngrbzle drtc' nyzde mz kxnzavzo-lzbqng. X sa na-abrtzng mz nzmnc-zpwx-krdr elr.

Sam 50:20

Pikiti-zvzamu kztemung, X pibqti-kzamu mzlemung.

Sam 64:3

Nzxngitrkr leplz nzycmne-krdr apule nzrlakikr toki r vea kx malc. X nzpnz-krdr leplz mz natq kxtrka apule nipna.

Aposol 21:30

Mzli trboiu lr mzteadau kc atwrnrngr nzkabo-abeapeng x kzdq zbo ngr ncblo kxetu sc tqabzope. Nzdwatibzlr Pol x nzkilzpxmlr mz makoa ngr Mangr-nzangiongr. Mzli kcpwz naonrx ngr makoa kc tqyctrpz mz Mangr-nzangiongr nzapqbrtr, murde ma tzatrkatilr Mangr-nzangiongr.

Nzryr-krbz Pol Mz Lr Rom 3:14

Natqdrng amrlx ngi dalr nzrpikitingr, nzrpibqtingr, x nzrpilzngr.

1 Korint 14:20

Mzlengeng x inwengeng, mz zmatq ngr nzwzngr lcng, bzkq apuamu doa kxnztopwzng mz nzkctitxpx-krmu zmatq ngrdr. A' na-apuamu ncblo kxbrpe mz nzwz-krmu mz zmatq lcng mz nzokatr-krmu kztemung. A' mrlz kz nzapu-krmu doa kxnztopwzng murde trpnzu drtwrdr nzprtr-zvzngr mz da kxdrka'ngr.

1 Korint 5:8

Delc mzli ka tqmrlzngr nzakaputr-krmgu Kraes nzngini-krde nei sip ne Gct, mz nzmncngr kxtubq kx apule bret kx trpnzngr yisti ngrde. X nakatxpxku nqmq krgu kcng mzli kc tqtrka, tqdrka'ngr, mz nzapu-krdr yisti.

2 Korint 12:20

Mwxlrtix kx mzli kc nakrlz-ngrbo nimu, trna-abrtzlvzwxu nimu kcng tzpxtxpx-ngrdr da kcng tqpibo bamu mz letz kc pnz. Murde vz-rbrbeamu mz nzotablr-lzbq-krmu, nzdobu-krmu, nzngyakr drtwrmu, nzota-krmu, nzrpibqti-krmu, nzpokia-krmu, nzglqpx-lzbq-krmu x nzayctx-krbzmu nzwzkr leplz. Nzmu kx tqmule lcde, sa trna-abrtzlvz-kzwamuu ninge mz nzayrlplapx-krnge nimu.

Galesia 5:20

nzangio-krdr da kx trngiu Gct angidr, nzryzplengz-krdr leplz, drtwrdr kxmwa, trnzmnc-nivzlr-krdru, nzdobukr drtwrdr, nzyrpupxkr zngya, nztalwz-krdr, nzrpwa'-zvz-krdr da, nzaki-lzbq-krdr,

Efiszs 4:22

Rpile kx na-axtxpeamu nqmq kcng pnz tqvz-nqblqamu mzli kc trkrlzka-ngrnamu Gct. Murde nqmq kxdrka'ngr lcdeng nzatrkatilr drtwrmu x nabzmu.

Efiszs 4:25

Mz nzmu-krde lcde, bzkq pokiapebzmu mz kztemung, a' rpi-etramu da angidr. Murde nigu amrlx ngrgu leplz ngr nrkrdrtq kcpwz.

Efiszs 4:26

Kzdung zngya ngr drtwr leplz trngiu alwx. A' aclvetio-lzbqm mzli kc tqngyangr drtwrm, ma tqvz-rbrq. Murde tr-rblxu nzvz-rbrngr mzli kc tqngyangr drtwrm. X bzkq zngya ngr drtwrm boi nzkrlz-krbzle nzmwi-krm mz nrlckxbq.

Kolosia 3:19

Nimu ncblo kx nzyrlzng namrlzti-zvzamu olvz nalzmung. Namnc-nrwx-zvzamu x bzkq ngyati drtwrmu x tabramu nidr.

Kolosia 3:8

A' mzli ka da kx bzkq rtrngztipebzmu nidr seleng: zngya, nzotangr, x nzaetqngr drtq. Bzkq rpibqtiamu x bzkq natq kxtrka vzpxm mz naomu.

1 Timoti 3:11

Mz nqmq lcpwz, olvz kx aclvele dalr makxtr o olvz r ncblo kxaclvele dalr makxtr nangi olvz kx nzamatqng leplz amrlx. Bzkq nznginidr olvz kx narpikiting. A' na-aclve-lzbqng x nangini nidr olvz kx nzabrkitr drtwr mz da amrlx.

1 Timoti 3:3

Bzkq rmnq zlwz. Bzkq drtwrde ngya, a' nalolvzo-lzbq. X bzkq otablr, a' nangi ncblo ngr nrwx. X bzkq mrlz zlwz bade trau.

1 Timoti 5:13

X kzdq mou da, bzkq lrmakxtr nzrkabzng trau kxkqlu mz olvz kxnzabzong kxtrnznginidru blang. Murde ma tqkatxpxbzle nzsutikr drtwrdr nzwzngr. Delc, sa nasapengr drtqdr x navznepe-ngrdr mz ma amrlx. X mz nzvzne-krdr kz, sa napikitipelr kztedr, x napnztxpepwz drtwrdr nqmq kr leplz kxtrka. A' trnakrlzpelru kx nqmq krdr trka. X sa napipxlr da kx trtakitrdeu nzrpingr.

2 Timoti 2:23

Eu, navz zvz mz nzpxtxpx-krm nzaongr drtwr kcng tqangqngu-ngrde leplz, murde nzbatrpzlr nzotablrngr.

2 Timoti 3:3

Trpnzngr scdr nivz x trnakrlzlru nzipqngr leplz. Trna-aclvetio-lzbqung x sa narpikiti-katong leplz. Trpnzngr nzrycngr mz drtwr badr, x sa natrka badr da kxmrlz amrlx.

Taetus 1:7

Ncblo kx na-aclvele dzbe lrmakxtr nangi ncblo kxtubq mz nzobqkr leplz. X bzkq kx mz drtwrde natqde nangidati zvz, trlalztqpwzu mz kztedeng, drtwrde trka ani, rmnq zlwz, ota zvz, x prlvz mzte trau.

Taetus 2:3

X pi-kzpz badr blang kx nzmu na-amrluelr Gct mz nzmncngr kxtr. A' bzkq nzrpikiting x nzrmnq-zlwzng. A' na-alvztr-ngrdr iledrng kx namrlzti-zvzlr ncblo ngrdrng x doa nedrng mz nqmq kxtubq.

Jemes 1:19

Mzlengeng x inwengeng, bzkq mrbrtr mz drtwrmu da lcng. Lalztq-angidr-kaiamu. Bzkq anitiamu nzycmnengr. X bzkq drtwrmu ngya ani.

Jemes 3:14

A' neke mz nimu nabzde yrbulz-ngrm nzdobungr mz drtwr kxmwa x nzaetu-lzbqngr, bzkq glqpx-lzbqq kx nim doa kxyrplapx. Murde nzrglqpx-lzbqngr pokia-ngrde nzrpingr da kxtubq mz nzobqkr Gct.

Jemes 4:11

Mzlengeng x inwengeng, bzkq rpibqtiamu x aycmne-atrkatiamu kztemung kxnzrlxngiting. Murde mz nzale-krmu da lc, trvz-nqblqwamuu natq Loukxtr mz nzrpi-krde kx namrlzti-lzbqku. X apu-kzle kx rpiamu Loukxtr vz-rbr. A' trngiu nzwz-krmu mz nzrpingr kx Loukxtr lc vz-rbr o trtingr, a' navz-nqblq-txpwzmu.

1 Pita 2:1

Mz nzmu-krde lcde, yrlqpx-lzbqamu mz drtwr kx mwa, nzpokiangr, nzrkcmnzngr x nzrpibqtingr.

1 Jon 3:12

Bzkq apuku Ken kc tqvz-nqblqle Setzn kc Tqdrka'ngr x nibqle mzlede Ebol. Murde nztubqkr nqmq kr mzlede aelwapx-ngrbzle bade kx nqmq krde drka'ngr.

1 Jon 3:15

Krkcng tztrkati drtwrdr leplz, nzapulr kxnzrnibqng mz nzobqkr Gct. X leplz kxnzmulr lcng trnzprtrpzung mz nzlungr kxboi.

Nzaelwapxngr 12:10

Mz nibrde, xlrx kc natq kxetu Heven, rpile kx, “Gct rgu sa na-arlapxle Leplz nedeng mzli ka. Sa natwzpele zmatq ngrde, X nangipe King mz nrlc. Kxnzmcpx nede twzpele zmatq ngrde, X Setzn kc tqpibqtitr- Zvzbzle kztegung Mz mz Gct rgu, Nzrtcpxpengr Heven. “A' kztegung nzaovxiopelr Nide mz zmatq ngr mepyr Ngr Nei Sip. X nimu lr Heven Na-abrtz-zlwzamu. A' nimu lr nrlc ka Na-aclvetioamu. Nar Drka' vzopebz bamu. Drtwrde ngya zlwz murde nzmnc-krde Mrla mzli trnaboiu.”