Efiszs 4:26 - Natqgu

²⁶ Kzdung zngya ngr drtwr leplz trngiu alwx. A' aclvetio-lzbqm mzli kc tqngyangr drtwrm, ma tqvz-rbrq. Murde tr-rblxu nzvz-rbrngr mzli kc tqngyangr drtwrm. X bzkq zngya ngr drtwrm boi nzkrlz-krbzle nzmwi-krm mz nrlckxbq.

Efiszs 4:26 ပူးပေါင်းရင်းမြစ်များ

Sam 37:8

Eu, bzkq drtwrm ngya x nabzm talvzo Murde da lcng li ma tzrkatrpzng bam drtwr kxtrka. Eu, murde kxnzabrtrpzlr drtwrdr mz Yawe sa nangi nyzdr drtc' kc tqpile nakabzle badr, A' kxdrka'-ngrng sa namaszlrtxpx-ngrng. Glqpx Yawe kx mzli trnaboipeu x kxdrka'-ngrng sc tzmrbrpeng. Kxmule-esz' rtangrtiq nidr a' trpengr nzmc-krmleng. Gct rlr-ngrbzle drtc' nyzde mz kxnzavzo-lzbqng. X sa na-abrtzng mz nzmnc-zpwx-krdr elr.

Sam 4:4

Bzkq nabztq ngr nelzmu mailzle nimu mz alwx. A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq.

Matiu 5:22

A' rpibo bamu kx Gct sa na-ayrplapx-kzle mrlx kc tqngyati drtwrde kztede, kxmule-esz' tratrkatileu nide. X nide kc tqrpibzle mz kztede kx, ‘Nim dcvi r leplz,’ o ‘Nim brmrda ngr leplz,’ sa navzmi nide mz Kansrl. X nekc mz drtwrde rpile kztede takitrde Hxl, mz nzrpi-krbzle bade kx, ‘Nim bo-ngqngu,’ takitrde Gct nzrtctr-krde nide mz nyr ngr Hxl.

Nrpakxmrlz Kx Yr Mak 10:14

A' mzli kc tqmc-ngrbz Jiszs, drtwrde ngyatx. Sc tqrpipebzle badr kx, “Bzkq rpwa'-ngrbzmu mz doa lang tztopwzng nzvz-krmlr bange. Murde leplz kxnzmulr lcng nzlxngitilr Gct mz nzngini-krde King rdr.

Nrpakxmrlz Kx Yr Mak 3:5

Jiszs obq-ngale-ngrde nidr amrlx ngrdr. X drtwrde ngya x talvzo-ngrde nzrsaprlr-krdr natqdeng. X sc tqrpipebzle mz ncblo kc kx, “Atwztqpx mqm.” X atwztqtxpxle mqde, x mrlztx pnz mou.

Jemes 1:19

Mzlengeng x inwengeng, bzkq mrbrtr mz drtwrmu da lcng. Lalztq-angidr-kaiamu. Bzkq anitiamu nzycmnengr. X bzkq drtwrmu ngya ani.

Jemes 1:20

Murde zngya trngiu nou da kxtubq mz nzobqkr Gct.