Efiszs 4:10 - Natqgu

¹⁰ Mrlx kc tqvzom, nide kcpwz tqvzdz wq me matq esz'ngr, murde naesz'-ngrde da amrlx mz nrlc atwrnrngr.

Efiszs 4:10 ပူးပေါင်းရင်းမြစ်များ

Matiu 24:34

Nakrlz-angidramu kx da lcng amrlx nangidati-kaing, x leplz kcng tzmncng mz nrlc sc tzyrkrtr-ateng.

Nrpakxmrlz Kx Yr Luk 24:44

Zbz rpibzle badr kx, “Da kcng ena lc tqpitibo mzli kc tqmncbe-ngrgu. Rpibo kx da kcng amrlx tzyrngr ninge mz Lou sc Mosis, mz nzryr-krdr profet, x mz Sam kcng, na-atutrng.”

Nrpakxmrlz Kx Yr Jon 1:16

X sc tqamrlz-ebir-ngrde nigu mz zmrlz ngrde kxmyalz, mz nzrka-krmle da kxmrlzting kxkqlu bagu.

Nrpakxmrlz Kx Yr Jon 19:24

X sc tzrpipelr kx, “Bzkq pesalitiku nzkq lc, a' na-ayrletiku daes mz nzkrlz-krgu neke mz nigu kx narngisc.” Mz nzmu-krde lc, atutrle Nzryrngrkxtr kc tqrpile kx, “Nztwzlr lrpz scnge x nzakiti-lzbq-ngrdr, x nztwz-kzlr nzkq kxboi scnge nzayrletilr daes mz nzkrlz-krdr doa kx narngisc.”

Nrpakxmrlz Kx Yr Jon 19:28

Jiszs krlzpele kx nzwz-krdeng amrlx kcng tqkabz Trtede yrkrpxpe. X mz nzatutr-krde Nzryrngrkxtr, sc tqrpipele kx, “Drtwrnge brlxkz.”

Nrpakxmrlz Kx Yr Jon 19:36

Trnztavxi-ngrdru nanycde murde na-atutr Nzryrngrkxtr kc tqrpile kx, “Trpnzngr nrvr ngrdeng kx nztavxi.”

Aposol 1:11

Nzrpibzlr kx, “Ei! Lr Gzlili, bzkq ye obqnelzpeamu mz bongavz nztu-krmu la mrka! Jiszs lc tzavzdz ate Heven, sa nayzluo-mop kalr mz nqmq lcpwz tqmc-ngrnamu nzvzdz-krde.”

Aposol 1:9

Mz nibr nzpi-krde da lc, sc tqavzdzpe Gct Heven mz dcbz. Mzli kc aukztingr aposol nedeng le, dcbz kc sc tqvzmilzpele nide, vzdz vzdz x mrbctilzbz mztr.

Aposol 2:33

Gct Trte avzdzpele nide Heven x amncle nide me matq-esz'ngr mz nrlarde kxrtc. X Gct Trte kabzle bade zmatq murde na-atwzlro-ngrmle Mqngrkxtr bagr, da kc tqwai nzesalz-krbzle mz leplz nedeng. X da kcng tqmcamu x tqxlramu mzli ka nzvzpxmqng mz Mqngrkxtr kc tqatwzlro-ngrmle.

Aposol 3:18

A' mz nzale-krmu da lc, Gct atutrle natqdeng kcng tzplzpx profet nedeng amlrx mzli kc bqnc, mz nzrpi-krdr kx drtqde naetq.

2 Korint 12:2

Yiz nzpnu-esz'-nrade-pwx (14) kx vztxpe, avzdz Gct ninge Heven kc tqmyalz-esz'ngr. Trkrlzwxu kx vzdzx mz nrkrdrtqnge kz o mz mqngrnge txpwz mz nzobq-rmwiblengr lc, a' Gct kx rkrlz. A' krlz-angidrx kx mncx Me Mncngr Gct. X mz nzmnc-krnge elr, xlrx da kx rblxm bange nzyapwxtrngr mz natq ncblo, x nzrpwa'-kz-ngrm bange nzyapwxtipx-krngeleng.

Efiszs 3:19

X krka'-ngrne kx sa naxngibzmu nzetukr nivz lrde mz nabzmu, kxmule-esz' trpnzngr kxrkrlz angidr. Murde na-aelwapx-zpwx-ngrnamu nivz lrde mz nqmq krmung amrlx.

Kolosia 1:19

Murde mz nzvz-nqblq-krde me pnz drtwr Gct, trpnzngr da kx namrbrpxm mz Mrlxde mz nzaotr-angidr-krde Trtede.

Kolosia 2:9

Murde trpnzngr da kx mrbrpxm mz nrkrdrtq Kraes mz nzaotr-angidr-krde Gct.

1 Timoti 3:16

X Gct aelwapxpe-ngrde nzalvztrngr angidr ngr Mevalu Kxnzmcpx. X drtwrgu esz'ti mz nzplzpx-lxblr-krgule. Delc tqrpi-zvz-ngrgu kx, “Lxngitiku Jiszs Kxnzmcpx kc tqaelwapx-lzbqpe mz nrkrdrtq leplz, x tqaelwapxngr Mqngrkxtr nzngini-angidr-krde Mrlx Gct, mz nzatulz-mou-krdele mz nzbz-krde. X lxngitiku nzmckr enjrl neng Gct nide mz nibr nztulz-krmle, nzvzmilzkr Gct nide me matq-esz'ngr Heven, nzyapwxtipx-ngrbz Nrpa ngrde mz lr nrlc, x nzlxngitikr leplz nide mz nrlc tulvzo.”

Hibru 4:14

Bzkq nabzmu talvzo, a' lolvz-amqngiamu natq ngr nzrlxngiti-krgu. Murde Gct mcpxle Nardr Pris ngrgu kxmyapxbz, kc tqvzdzpe Heven x tutrpz mz mzte, mrkc tqtu-ngrde mz mzlirgu badr Gct. Nardr Pris lc nide Jiszs, Mrlx Gct.

Hibru 7:26

Mz nzmu-krde lcde, Jiszs mz nzngini-krde Nardr Pris kxmule lc, tqtakitrde nigu. Murde nide txpwz kxtr, kxtubq-esz'ngr, x trpnzngr alwx ngrde. X Gct katxpxmle nide mz nzmnc-krdr badr leplz ngr alwx, x amnctxlzle nide me matq-esz'ngr Heven.

Hibru 8:1

Da kxmyapxbz mz da kcng amrlx tqpibo bamu nide sele. Jiszs nide Nardr Pris ngrgu kc tqwxbu me matq-esz'ngr mz nrlar Gct kxrtc Heven.