Efiszs 3:11 - Natqgu

¹¹ Da lcng tqale Gct mz nzvz-nqblq-krde me pnz drtwrde kx yrlq-pnzle mzli kc trwzka-ngrde nrlc. X mzli ka angidatipeleng mz nzwzkr Mevalu Jiszs, Kxetu rgu.

Efiszs 3:11 ပူးပေါင်းရင်းမြစ်များ

Nzryr-krbz Pol Mz Lr Rom 9:11

Kxmule-esz' mztr trnzmcka x trnzalekalr da kxmrlz o da kxtrka, a' rpibz Gct mz Rebeka kx, “Mrlxm kxetu sa nawztrpz mz mzlede kxtopwz.” Gct pile da lc mz nzaelwapx-krde kx nzmcpx-krde leplz trtuou mz da kx nzalelr, a' tuo mz drtwr kx yrlq-pnzle.

Galesia 5:24

A' doa neng Mevalu Jiszs nzrtxo-amqngilr nepunr nabzdr kxdrka'ngr. X opxm kx nztqlvztrlrng mz kros.

Efiszs 1:11

X mcpx Gct nigu x yrlq-pnzle drtwr kx nanginigu doa nedeng mz nzaxvctr-krbzku mz Kraes. X Gct batrpzle da amrlx kx prtzm mz nzvz-nqblq-krde nzyrplapx-krde mz drtwr kc tqyrlqle.

Efiszs 1:4

Murde mzli kc nrlc trnzwzka-ngrde, mcpxpele nigu mz nzngini-krgu leplz nedeng x mz nzaxvctr-krbzku mz Kraes, murde nanginigu leplz kxnztrng kxnztubqng mz nzobq-krde.

Efiszs 1:9

X mzli ka abrtzlvz Gct nzaelwapx-krmle bagu drtwr kxmyapxbz kc tqyrlq-kaile mzli kc bqnc, tqyc-kapqbz mz kxnzlung amrlx krlzmle mzli ka. Kraes nide nou drtwr lc x atutrle. Murde mz nzkrlz-krbzle mzli kx mcpx Gct, Gct sa na-ayrlwr-lxblrle mz dzbede kxesz' kxnzlung amrlx mrkc Heven x mz nrlc ka, murde namnclzbzng mz Kraes kc nangi nardr.

Efiszs 3:1

Mevalu Jiszs yrlqle ninge nzyapwxtipx-krbo Nrpakxmrlz bamu, nimu kxtrngiulrJiu. X dekc tqmnc-ngrne mrka mz presin, murde alex da lc mz nzokatr-krnge nimu.

2 Timoti 1:9

X Nrpakxmrlz lc nide sele. Gct arlapxle x kqlele nigu nzngini-krgu doa kxnztr nedeng, mz nzvz-nqblq-krde me pnz drtwrde x zmrlz ngrde kxmyalz. A' trvzpxpuu mz da kx aleku. Murde mzli kc nrlc trnzwzka-ngrde, Gct pnzpe drtwrde kx Mevalu Jiszs Kxnzmcpx na-arlapxle nigu. X mz nzvzo-krmle mz nrlc, aovxiole zmatq ngr nzbzngr. X Nrpakxmrlz aelwapx-ngrde kxnamu nzprtrngr mz nzlungr kxboi.