Efiszs 2:20 - Natqgu

^20-22 X wz-ngrde ma nyzde lc tqtr mz nou rplz kx ngi nzalvztrkr aposol x profet. X Mevalu Jiszs nide rplz lc tqetu tqmyatxpx-zlwzbz, murde nide rplz kc tzatuo kai, tqngi nou bute', x atu-amqngile ma kc. X rplz amrlx ngr ma kc nzaxvctrpzng bade. X apuku rplz lcng tqmwitr lxblr, tqngi drkq ngr ma lc tqtr. X Mqngrkxtr mncpxm elr.

Efiszs 2:20 ပူးပေါင်းရင်းမြစ်များ

Sam 118:22

Leplz amrlx kcng tzyrlwr-lxblrng Mangr-nzangiongr nzrpilr kx, “Rplz kc etu tzpxtxpx-ngrdr ncblo kcng tzrwz-ngrng ma, Nzaelwapxngr kx nide nou rplz kc tqmyatxpx-zlwzbz.”

Matiu 16:18

X mz nzmu-krde lcde, pibo bam kx nim Pita. Drtqm drtwr ngrde rplz. X natqm lc apule nou rplz murde sa na-axvctr-ngrmc leplz mz lrmakxtr. X rblxbz mz zmatq ngr nzbzngr nzlolvz-amqngi-krde leplz kcng tzlxngitilr natq angidr lc.

Matiu 21:42

X rpibzle badr kx, “Zpwxtx! Krlz-angidramu Nzryrngrkxtr lc tqrpile kx, ‘Rplz kc etu tzpxtxpx-ngrdr ncblo kcng tzrwz-ngrng ma, nzaelwapxngr kx nide nou rplz kc tqmyatxpx-zlwzbz. Da lc, Yawe kxrwzngr. X abrtztx-zlwz-ngrgu.’

1 Korint 12:28

Mz nzwzkr nzaclvengr lrmakxtr, Gct yrlq-ayrnr-ngrde nzwzkr aposol, krali nzwzkr profet, x kratq nzwzkr kxnzalvztrng mz natq Gct x mz nqmq krde. X yrlq-kzle zmatq kxbletipx-lxblrng lcde seleng: nzalengr da kxmatq, kzdung zmatqng ngr nzamrlzngr kxnzyagoxng, nzokatr-zlwzngr leplz, nzrmcngr lrpzki kx navzki lrmakxtr, x nzycmne-ngrbz mz Gct mz natq lr mrkzbleng.

Efiszs 3:5

Murde traelwapx-ngrpwzleu drtwr lcde badr leplz kcng pnz. A' mzli ka, atwzlr-ngrmle Mqngrkxtr mz aposol x profet kxnztr nedeng mz nzaelwapxpe-krbzlele badr.

Kolosia 2:7

Nabzmu namqngitrpz bade, na-apule nounc kc dzbrde tqvzo mz drtc'. X nzmnc-krmu naxplr na-apule ma kc tzwzti, tqngi noude Jiszs. Tu-amqngi-zvzamu mz nzrlxngiti-krmu nrpa kc tzalvztr-ngrmu. X bzkq esaki nzawi-zvz-krbzmu mz Gct.

1 Pita 2:6

Gct ycmnetr-ngrde Mrlxde mz Nzryrngrkxtr mz nzrpi-krde kx, “Obqmamu! Murde yrlqpex kc doa mrkc Jerusalem kx apule rplz kx myatxpx-zlwzbz, murde nide kc tqngi rplz kc tzatuo kai, tqngi nou bute' kc tqmcpxx. Doa kx lxngitile nide drtqde trnamyau mz nzbrtikr drtwrde nide.”

Nzaelwapxngr 21:14

X nzwzngr drkq lcdeng mz nou rplz nzpnu-esz'-nrade-li (12), x nzataplxsrngr nzryrtrngr drtq aposol neng Nei Sip.